Lɛta Fɔ Ɛfisɔs 1:17 - Krio Fɔs Oli Baybul

¹⁷ A de beg Gɔd, we na wi Masta Jizɔs Krays in Papa, we gud, fɔ gi unain Spirit. Di Spirit go mek una gɛt sɛns ɛn i go sho una Gɔd, so dat una go no am mɔ ɛn mɔ.

Lɛta Fɔ Ɛfisɔs 1:17 Referans Kwoze

Ayzaya 11:2

Ɛn PAPA GƆD in Spirit go sidɔm pan am, di spirit fɔ sɛns ɛn fɔ ɔndastand, di spirit fɔ gi advays ɛn fɔ pawa, di spirit fɔ sabi tin ɛn fɔ fred PAPA GƆD.

Prɔvabs 2:5

If yu du dat yu go no wetin i min fɔ fred PAPA GƆD, ɛn yu go no bɔt PAPA GƆD.

Pita In Sɛkɛn Lɛta 1:3

We wi no am, i dɔn gi wi ɔltin we wi fɔ gɛt fɔ mek wi ebul liv lɛkɛ aw i want mek wi liv bay in pawa. Gɔd kɔl wi fɔ mek wi gɛt pan di wɔndaful ɔna ɛn pawa we i gɛt ɛn mek wisɛf gud lɛkɛ aw i gud.

Pita In Sɛkɛn Lɛta 3:18

Una fɔ lan mɔ ɛn mɔ bɔt wi Masta Jizɔs Krays we sev wi, ɛn una fɔ no aw Gɔd gud mɔ ɛn mɔ. Nain gɛt pawa ɛn ɔna frɔm naw sote go! Emɛn.

Lɛta Fɔ Ɛfisɔs 1:3

Lɛ wi prez Gɔd we na Masta Jizɔs Krays in Papa, bikɔs i dɔn blɛs wi we gɛt wanwɔd wit Krays wit ɔl dɛn blɛsin we de na ɛvin.

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Matyu 11:27

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.

1 Kɔrint 2:10

Bɔt Gɔd dɔn mek in Spirit sho wi dis sɛns ya we i nɔ bin dɔn mek wi no yet. Na di Spirit de dig fɔ no ɔltin bɔt Gɔd, ɔl dɛn tin we Gɔd nɔ de sho mɔtalman.

Jɛrimaya 24:7

A go gi dɛm di at fɔ no se na mi na di PAPA GƆD; ɛn dɛn go bi mi pipul ɛn mi go bi dɛn Gɔd, bikɔs dɛn go kam bak to mi wit ɔl dɛn at.

Lɛta Fɔ Ɛfisɔs 3:5

Gɔd nɔ bin tɛl wi lɔntɛm pipul dɛn dis sikrit ya, bɔt naw Gɔd dɔn mek in Spirit sho di apɔsul ɛn di prɔfɛt dɛn dis sikrit.

Jɔn 20:17

Jizɔs se, “Nɔ tɔch mi, bikɔs a nɔ go bak to mi Papa yet. Bɔt go tɛl mi lanin bɔy dɛn se, a de tɔn bak go ɔp to mi Papa we na unasɛf yon Papa. Na mi Gɔd ɛn na unasɛf yon Gɔd.”

Apɔsul Dɛn Wok 6:10

Bɔt Gɔd in Spirit gi Stivin plɛnti sɛns, so dat wɛn i tɔk nɔbɔdi nɔba gɛt natin fɔ se.

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Jɔn 14:26

Di wan we de ɛp pipul fɔ du wetin Gɔd want, dat na Gɔd in Spirit, we mi Papa go sɛn to una bikɔs a aks am, go lan una ɔltin ɛn mek una mɛmba ɔl wetin a dɔn tɛl una.

2 Kɔrint 12:1

A go bost pan ɔl we a nɔ gɛt ɛnitin fɔ gen pan dat. Bɔt naw a de kam tɔk bɔt dɛn tin we Gɔd sho mi ɛn mek a no.

Lyuk 21:15

A go mek una ebul ansa dɛn wit sɛns so dat dɛn wan we nɔ lɛk una sɛf go gri wit di ansa dɛn we una de ansa.

Di Sam Dɛm 24:7

Lɛ di get dɛn opin wayd! Una opin di get dɛn wayd mek di Kiŋ we gɛt pawa pas ɔl pas kam insay.

1 Kɔrint 12:8

Gɔd in Spirit de gi wan pɔsin in yon sɛns fɔ tɔk in mɛsej, di sem Spirit de mek ɔda pɔsin sabi aw fɔ tɔk Gɔd in mɛsej pas in kɔmpin.

1 Kɔrint 2:8

Nɔn dɛn pipul we gɛt pawa na dis wɔl nɔ bin kechɔp se dis sɛns ya de, if dɛn bin kechɔp dɛn nɔ bin fɔ nel di Masta, we gɛt pawa ɛn ɔna, pan di krɔs.

Lɛta Fɔ Rom 15:6

so dat una ɔl go prez Gɔd, we na wi Masta Jizɔs Krays in Papa, wit wan at.

Jɔn 16:3

Pipul go du una ɔl dɛn tin ya bikɔs dɛn nɔ no Gɔd we na mi Papa ɛn dɛn nɔ no mi.

Daniɛl 10:1

Insay di tɔd ia we Sayrɔs na bin kiŋ na Pashia, wɔd bin kam to Daniɛl we in ɔda nem na bin Bɛlshaza. Di wɔd na bin tru wɔd, ɛn i bin briŋ big big kɔnfyushɔn. Daniɛl bin ɔndastand wetin dɛn se ɛn bin ɔndastand di vishɔn.

Jɛrimaya 31:34

Ɛn nɔbɔdi nɔ go gɛt fɔ tich in neba ɔ in brɔda igen se ‘Yu fɔ no PAPA GƆD,’ bikɔs dɛn go no mi, frɔm di smɔl wan pan dɛm, to di wan we big pas ɔl, bikɔs a go fɔgiv dɛm fɔ dɛn wikɛdnɛs, ɛn a nɔ go mɛmba dɛn sin igen.” Na so PAPA GƆD se.

Jɔn 14:17

Di wan we go de ɛp una fɔ du wetin Gɔd want, na di Spirit we go mek pipul no ɔltin we tru bɔt Gɔd. Di pipul dɛn na di wɔl nɔ go mek di Spirit kam na dɛn layf, bikɔs dɛn nɔ de si am ɛn dɛn nɔ no am. Bɔt una no am, bikɔs i de wit una ɛn i go de insay una.

Matyu 16:17

Jizɔs se, “Yu du wɛl, Saymɔn, Jɔn in pikin. Nɔto mɔtalman lan yu dis tru tin we yu tɔk so, na mi Papa we de na ɛvin sho yu.

Matyu 11:25

Da sem tɛm de Jizɔs se, “Papa, yu we na Masta na ɛvin ɛn dis wɔl! A tɛl yu tɛnki bikɔs yu dɔn sho pikin dɛn we nɔ sabi natin, dɛn tin we yu ayd pan di wan dɛn we gɛt sɛns ɛn lan plɛnti tin.

Jɛrimaya 9:24

bɔt le udat de bost, bost se in ɔndastand mi ɛn no mi, ɛn dat mi na PAPA GƆD we mi lɔv nɔ de shek, a de trit ɔlman di sem, ɛn a de waka tret na dis wɔl; bikɔs na dɛn tin ya de mek a gladi; na so PAPA GƆD se.

Jɛrimaya 2:11

Neshɔn de we dɔn chenj in gɔd dɛm, ɔl we dɛn nɔto tru tru gɔd dɛm? Bɔt mi pipul dɛn dɔn chenj dɛn glori, fɔ tin we nɔ de bɛnifit nɔbɔdi.

Di Sam Dɛm 24:10

Udat na di Kiŋ we gɛt pawa pas ɔl? In na PAPA GƆD Ɔlmayti nain na Kiŋ we in pawa pas ɔl.

Rɛvɛleshɔn 7:12

Dɛn bin de se, “Emɛn! Na wi Gɔd gɛt prez, nain wɔndaful, nain gɛt sɛns, nain gɛt ɔna, nain gɛt pawa ɛn nain na kiŋ sote go; wi de tɛl am tɛnki! Emɛn!”

Taytɔs 1:1

Na mi, Pɔl, we na Gɔd in savant ɛn Jizɔs Krays in apɔsul, de rayt dis lɛta. Gɔd pik mi ɛn sɛn mi to in pipul dɛn we i dɔn pik fɔ mek a ɛp dɛn fɔ biliv pan am, ɛn fɔ no fɔ tru wetin Gɔd want fɔ mɔtalman, we wi bin de lan pipul,

Daniɛl 5:11

Wan man de na yu kindɔm we gɛt di oli gɔd in spirit insay am. Di tɛm we yu papa na bin kiŋ, dɛn bin fɛnɔt se layt, ɔndastandin ɛn sɛns bin de pan dis man, lɛk di sɛns we di gɔd dɛn gɛt. Ɛn Kiŋ Nɛbyukadnɛza, yu papa, bin mek am di bigman pan ɔl di magik man, mɛrɛsin man, Babilonian ɛn man dɛn we no bɔt mun ɛn sta,

1 Kronikuls 29:11

PAPA GƆD yu gret, yu gɛt pawa, na yu dɛn de kɔle pan, yu de win ɔltɛm, ɛn di ɔna we pas ɔl ɔna, bikɔs ɔl wetin de na ɛvin ɛn dis wɔl na yu yon. Di kindɔm na yu yon, PAPA GƆD, ɛn na yu de pantap ɔltin.

Jems 2:1

Mi pipul dɛn we biliv pan wi Masta Jizɔs Krays we de rul wit pawa, una nɔ fɔ trit wan pɔsin fayn pas in kɔmpin bay aw una si di pɔsin.

1 Kɔrint 14:6

So, mi kɔmpin Kristiɛn dɛn, wɛn a kam to una, if a bigin tɔk laŋwej we misɛf nɔ ɔndastand ɛn we una nɔ ɔndastand, aw dat go ɛp una? Nɔ we nɔ de we a go ɛp una, pas nɔmɔ a tɛl una tin we Gɔd sho mi, ɔ tin we i mek a sabi, ɔ tin we i tɛl mi, ɔ tin we una fɔ lan bɔt am.

Lyuk 12:12

Wɛn da tɛm de rich, Gɔd in Spirit go tɛl una wetin una fɔ tɔk.”

Lyuk 2:14

“Lɛ ɔlman prez ɛn ɔna Gɔd we de ɔp ɔp na ɛvin, mek ɔl mɔtalman we mek Gɔd gladi, gɛt kol at!”

Di Sam Dɛm 29:3

Una kin yɛri we PAPA GƆD de tɔk, we di wata de splash na di si; dis wɔndaful PAPA GƆD in vɔys tan lɛk tɛnda yu kin yɛri PAPA GƆD in vɔys insay di dip dip si.

Sɛkɛn Lɛta To Timoti 2:25

we nɔ de tek pawa tɔk to dɛn wan we nɔ si wit am. I de go kɛlɛkɛlɛ wit dɛn bikɔs i no se sɔntɛm Gɔd go gi dɛn di chans fɔ sɔri fɔ dɛn bad trik ɛn kam no di tru tin we dɛn fɔ biliv.

Lɛta Fɔ Rom 1:28

Bikɔs mɔtalman nɔ gri fɔ put dɛn at pan di tru tin we dɛn no bɔt Gɔd, Gɔd dɔn lɛf dɛn fɔ du di bad tin we de na dɛn at, so naw dɛn jɛs de du dɛn tin we dɛn nɔ fɔ du.

Apɔsul Dɛn Wok 7:2

Stivin ansa se, “Mi papa dɛn ɛn mi brɔda dɛn, a want mek una lisin mi! Gɔd we gɛt pawa pas ɔl bin sho insɛf to Ebraam wɛn Ebraam bin tap na Mɛsopotemia. Dat bin bi bifo Ebraam go tap na Aran.

Ɛksodɔs 28:3

Fɛn dɛn gud telaman we a dɔn gi skil fɔ sabi so, fɔ so Erɔn in gawn, bikɔs na di gawn i go wɛr fɔ in ɔdineshɔn as mi yon wokman we de mek sakrifays fɔ pipul sin.

Job 42:5

A bin no yu nɔmɔ bay wetin a yɛri pipul dɛn de se, bɔt naw a dɔn si yu wit mi yon yay.

Prɔvabs 18:15

Udat gɛt sɛns de tray fɔ lan mɔ, ɛn yu tik nɔ brok nain yes, insɛf de tray fɔ lan.

Lɛta Fɔ Ɛfisɔs 4:13

So wi ɔl go gɛt wanwɔd pan wetin wi biliv ɛn wetin wi no bɔt Gɔd in Pikin, ɛn wi go tink lɛkɛ bigman bɔt aw Krays tan ɛn Krays go de insay wi gud.

Lɛta Fɔ Filipay 3:15

Wi ɔl we dɔn biliv Krays gud gud ɛn we dɔn no ɔl wetin Gɔd want wi fɔ du, fɔ put wi at pan ɔl wetin a dɔn tɔk bɔt so, bɔt if una nɔ gri wit wetin a dɔn tɔk, Gɔd insɛf go sho una se wetin a tɔk na tru.

Matyu 20:33

Dɛn ansa se, “Mɛn wi yay fɔ wi, sa, so dat wi go ebul si!”