Lɛta Fɔ Ɛfisɔs 1:13 - Krio Fɔs Oli Baybul

¹³ Na di sem tin bi to unasɛf, wɛn una yɛri di Gud Nyuz we na di tru tin, nain sho una aw Gɔd go sev una. Wɛn una biliv Krays, Gɔd gi unain Spirit we i bin dɔn prɔmis wi, dat na di mak fɔ sho se wi na Gɔd yon pipul.

Lɛta Fɔ Ɛfisɔs 1:13 Referans Kwoze

2 Kɔrint 1:22

Nain dɔn put in mak pan wi fɔ sho se wi nain yon pipul, ɛn i put in Spirit insay wi at fɔ mek wi no fɔ tru se ɔl wetin i gɛt fɔ wi, de ɔltɛm.

Lɛta Fɔ Ɛfisɔs 4:30

Una nɔ mek Gɔd in Spirit sɔri, na da Spirit de Gɔd tek mak una, fɔ di de we i go fri una.

Sɛkɛn Lɛta To Timoti 2:19

Bɔt natin nɔ go shek di traŋa fawndeshɔn we Gɔd dɔn mek; di wɔd dɛn we rayt pan di fawndeshɔn na dɛn dis: “Di Masta sabi di wan dɛn we nain yon” ɛn “Ɛnibɔdi we se in blant di Masta fɔ lɛf fɔ du dɛn tin we nɔ rayt.”

Fɔs Lɛta Fɔ Tɛsalonayka 2:13

Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.

Lɛta Fɔ Rom 4:11

Afta Gɔd dɔn luk Ebraam se na pɔsin we de waka tret, nain Ebraam sakɔmsayz. Di sakɔmsayz we Ebraam sakɔmsayz na bin di sayn fɔ sho se Gɔd dɔn luk se na pɔsin we de waka tret, bifo i sakɔmsayz, bikɔs Ebraam bin biliv am. So Ebraam na di papa fɔ ɔl dɛn pipul we biliv Gɔd, we Gɔd luk se na pipul we de waka tret, pan ɔl we dɛn nɔ sakɔmsayz.

Taytɔs 2:11

Gɔd dɔn sho wi aw i gud we i want sev ɔlman.

Lɛta Fɔ Galeshya 3:14

Krays du dat so dat wetin i dɔn du go mek Gɔd gi dɛn pipul we nɔto Ju di sem blɛsin we i bin prɔmis Ebraam ɛn dat go mek Gɔd gi dɛn pipul we biliv pan am, in Spirit we i bin dɔn prɔmis.

Joɛl 2:28

I se di tɛm go rich we in go put in Spirit pan ɔlman; dɛn bɔy ɛn gyal pikin dɛn go de tɔk PAPA GƆD Wɔd, dɛn olpa dɛn go de drim gbay ɛn dɛn yɔŋ man dɛn go de si vishɔn.

Lɛta Fɔ Rom 1:16

A abop pan di Gud Nyuz wit ɔl mi at. Di Gud Nyuz na di pawa we Gɔd de tek sev ɔl dɛn pipul we biliv pan Jizɔs Krays. Dɛn Ju pipul we dɛn bin dɔn tɛl di Gud Nyuz fɔs ɛn dɛn pipul we nɔto Ju, dɛn ɔl go sev if dɛn biliv pan Jizɔs Krays.

Apɔsul Dɛn Wok 2:33

Gɔd dɔn mek Jizɔs rayz frɔm di grev ɛn mek i sidɔm nain raytan. Papa Gɔd dɔn gi Jizɔs in Spirit we i bin prɔmis ɛn ɔl wetin una de si ɛn wetin una de yɛri, na Jizɔs de mek dɛn bi.

Jɔn 14:26

Di wan we de ɛp pipul fɔ du wetin Gɔd want, dat na Gɔd in Spirit, we mi Papa go sɛn to una bikɔs a aks am, go lan una ɔltin ɛn mek una mɛmba ɔl wetin a dɔn tɛl una.

Jɔn 1:17

Gɔd mek Mozis gi wi di Lɔ, bɔt i mek Jizɔs Krays sho wi aw i lɛk wi ɛn tɛl wi ɔl di tru tin dɛn bɔt insɛf.

Lyuk 24:49

A go sɛn wetin mi Papa dɔn prɔmis to una. Bɔt una wet na Jerusɛlɛm sote una gɛt pawa we kɔmɔt ɛvin ɛn kɔba una lɛkɛ kɔba klos, bifo una go.”

Di Sam Dɛm 119:43

Nɔ mek a lɛf fɔ tɔk tru bɔt yu, bikɔs a abop pan wetin yu se.

Pita In Fɔs Lɛta 2:10

Tɛm bin de we una nɔto bin Gɔd yon pipul dɛn, bɔt una dɔn bi in pipul dɛn naw; tɛm bin de we una nɔ bin no aw Gɔd gud, bɔt naw una dɔn no aw i gud we i dɔn sɔri fɔ una.

Lɛta Fɔ Rom 6:17

Wi fɔ tɛl Gɔd tɛnki, bikɔs fɔs tɛm una na bin slev ɔnda sin, bɔt naw una dɔn tay una at fɔ du ɔl dɛn tru tin we dɛn bin lan una bɔt Gɔd.

Apɔsul Dɛn Wok 1:4

Di tɛm we Jizɔs bin stil de wit dɛn, i bin tɛl dɛn fɔ du sɔntin; i bin se, “Una nɔ fɔ kɔmɔt na Jerusɛlɛm, una fɔ wet te una gɛt wetin mi Papa dɔn prɔmis una, we a bin dɔn tɛl una bɔt.

Jɔn 15:26

“Wɛn di wan we de ɛp pipul fɔ du wetin Gɔd want, kam, dat na di Spirit we kɔmɔt to mi Papa, i go mek pipul no di tru tin bɔt Gɔd. A go mek mi Papa sɛn am kam to una ɛn i go tɛl una bɔt mi.

Apɔsul Dɛn Wok 13:26

“Mi pipul dɛn we de wɔship Gɔd, una we na Ebraam in grampikin pikin dɛm ɛn una we nɔto Ju; Gɔd mek dɛn kam tɛl wi bɔt aw i de sev pipul.

Jɔn 6:27

Una nɔ fɔ wok fɔ di it we go pwɛl, bɔt una fɔ wok fɔ di it we de gi layf we go de sote go. Na di it dat we Mɔtalman Pikin go gi una fɔ it, bikɔs na Mɔtalman Pikin, Gɔd we na di Papa dɔn sho se in gri fɔ.”

Lyuk 11:13

If una we bad so sabi fɔ gi una pikin dɛn gud tin, Gɔd we na una Papa we de na ɛvin go gi una gud tin pas dat; i go gi dɛn wan we aks am in Spirit!”

Rɛvɛleshɔn 7:2

Wɛn dat dɔn, a si ɔda enjɛl kɔmɔt na di say we di san de kɔmɔt. I bin ol Gɔd, we gɛt layf sote go, in stamp. I ala lawd wan tɔk to di fo enjɛl dɛn we Gɔd bin gi pawa fɔ pwɛl di wata ɛn di dray grɔn we de na di wɔl.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Di Ibru Pipul Dɛn 2:3

Wetin mek wi fil se, wi go pul wi ed pan di pɔnish we Gɔd go pɔnish mɔtalman, if wi nɔ gri fɔ dis wɔndaful we we Gɔd de sev wi? Na Jizɔs we na di Masta, fɔs tɛl wi bɔt di wɔndaful we we Gɔd go sev wi, dɔn dɛn pipul we yɛri am, dɛnsɛf pruv to wi se na tru.

Sɛkɛn Lɛta To Timoti 3:15

ɛn yu fɔ mɛmba se frɔm we yu smɔl, yu dɔn no dɛn tin we rayt na Gɔd in Buk we de mek yu no se yu fɔ biliv pan Jizɔs fɔ mek yu sev.

Sɛkɛn Lɛta To Timoti 2:15

Tray gud mek Gɔd satisfay wit yu, bikɔs i si se yu na wokman we nɔ de shem fɔ du in wok ɛn yu de lan pipul di tru wɔd bɔt Gɔd, aw yu fɔ lan dɛn.

Lɛta Fɔ Ɛfisɔs 4:21

A no se pipul dɔn tɛl una bɔt Krays ɛn aw una fɔ liv di tru layf we Jizɔs want una fɔ liv.

2 Kɔrint 6:7

we wi de tɛl pipul di tru wɔd, ɛn we Gɔd in pawa de pan wi, ɔl dat sɛf sho se na Gɔd in wok wi de du. Di waka we wi de waka tret wit Gɔd na di tin we wi gɛt fɔ tek fɛt ɛn i nɔ go mek dɛn wan we de fɛt wi, ebul wi.

Jɔn 3:33

Ɛnibɔdi we put at pan wetin i se, dɔn sho se na tru Gɔd tɔk.

Jems 1:21

Na dat mek a de tɛl una se, mek una pul ɔltin we bad kɔmɔt na una layf. Una put unasɛf ɔnda Gɔd ɛn mek di wɔd we i dɔn put na una at sidɔm, bikɔs in wɔd gɛt pawa fɔ sev una.