Lɛta Fɔ Ɛfisɔs 1:11 - Krio Fɔs Oli Baybul

¹¹ Ɔltin go bi lɛkɛ aw Gɔd dɔn mak ɛn lɛkɛ aw i want dɛn fɔ bi. Gɔd dɔn pik wi fɔ mek wi bi in yon pipul we wi gɛt wanwɔd wit Krays, bikɔs na dat i want ɛn na dat i bin dɔn plan frɔm we di wɔl bigin.

Lɛta Fɔ Ɛfisɔs 1:11 Referans Kwoze

Lɛta Fɔ Rom 8:28

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

Pita In Fɔs Lɛta 1:4

ɛn so, wi abop fɔ gɛt di wɔndaful blɛsin dɛn we Gɔd bin dɔn prɔmis in pipul dɛn ɛn we i kip na ɛvin fɔ una. Dɛn blɛsin ya nɔ de pwɛl, dɛn nɔ de chenj ɛn dɛn go de sote go.

Lɛta Fɔ Ɛfisɔs 1:14

Na Gɔd in Spirit wi fɔ abop pan fɔ no se wi go gɛt wetin Gɔd bin dɔn prɔmis fɔ gi in pipul dɛn, ɛn na tru se: Gɔd go fri ɛnibɔdi we dɔn bi in yon. Una lɛ wi prez Gɔd in pawa!

Lɛta Fɔ Ɛfisɔs 3:11

Na di tin dis we Gɔd bin dɔn mekɔp fɔ du, Gɔd mek Jizɔs Krays du wetin i bin dɔn mekɔp.

Lɛta Fɔ Ɛfisɔs 1:5

We Gɔd lɛk wi, i dɔn mek Jizɔs Krays briŋ wi kam bak to insɛf; so dat wi go bi in pikin dɛn, bikɔs na dat i lɛk fɔ du ɛn na dat i mekɔp fɔ du.

Lɛta Fɔ Galeshya 3:18

If na we pɔsin de du wetin di Ju Lɔ se de mek Gɔd du gud fɔ am, dat min se Gɔd nɔ de du gud fɔ am fɔseka wetin i prɔmis se in go du. Bɔt Gɔd du gud fɔ Ebraam bikɔs i bin dɔn prɔmis fɔ du so.

Di Ibru Pipul Dɛn 6:17

Gɔd bin want sho dɛn pipul we i go gi wetin i bin dɔn prɔmis, klia wan se, in nɔ go chenj in maynd. Na dat mek i bin tek in nem tek oth se, in go du wetin i bin dɔn prɔmis se in go du.

Taytɔs 3:7

so dat di gud we Jizɔs du fɔ wi, go mek ɔltin rayt bitwin wi ɛn Gɔd ɛn wi go gɛt da layf we go de sote go we wi de abop fɔ gɛt.

Lɛta Fɔ Rom 8:17

We wi na Gɔd in pikin dɛn, wi go gɛt dɛn blɛsin we Gɔd dɔn prɔmis in pipul dɛn, semwe so, wi gɛt pan wetin Gɔd bin kip fɔ Krays. If wi sɔfa lɛkɛ aw Krays sɔfa, Gɔd go mek di wɔndaful layf we Krays gɛt bi wi yon.

Lɛta Fɔ Kɔlɔse 1:12

Una fɔ gladi ɛn tɛl wi Papa tɛnki fɔ we i mek una bi pipul we fit fɔ gɛt pan di tin we i dɔn prɔmis fɔ gi in pipul dɛn we i de rul ɛn we de na layt.

Lɛta Fɔ Kɔlɔse 3:24

Una fɔ mɛmba se di Masta go gi una di gud tin we i dɔn prɔmis in pipul dɛn. Krays na di tru Masta we una de wok fɔ.

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

Apɔsul Dɛn Wok 20:32

“Naw a de lɛf una na Gɔd an ɛn a lɛf in wɔd we de tɔk bɔt aw Gɔd gud, gi una. Gɔd go ɛp una fɔ biliv pan Jizɔs gud gud ɛn I go gi una di blɛsin we i dɔn prɔmis fɔ gi dɛn pipul we biliv pan am.

Apɔsul Dɛn Wok 2:23

Una sɛl Jizɔs gi dɛn wikɛd pipul. Gɔd bin dɔn no bɔt dat ɛn i bin dɔn gri fɔ mek dat bi. Una gi dɛn wikɛd pipul pawa fɔ nel Jizɔs na di krɔs.

Apɔsul Dɛn Wok 20:27

Una no se a nɔ kin ayd natin wɛn a de tɛl una ɔl wetin Gɔd go du.

Apɔsul Dɛn Wok 4:28

Dɛn bigman bin gɛda fɔ du ɔltin we yu bin dɔn mekɔp se fɔ bi. Na dat yu bin ebul du bikɔs yu gɛt pawa ɛn na dat yu bin want mek bi.

Jɛrimaya 32:19

we sabi plan wit sɛns ɛn kin du wɔndaful tin: I de si ɔl mɔtalman in we, ɛn de pe ɔlman bay in we ɛn bay wetin dɛn mek bi.

Di Sam Dɛm 37:18

PAPA GƆD bisin bɔt udat de du wetin in want, ɛn i go gi dɛn wetin i dɔn prɔmis sote go.

Pita In Fɔs Lɛta 3:9

If pɔsin du una bad, una nɔ fɔ tɔn am gi am bak; if pɔsin kɔs una, una nɔ fɔ kɔs am bak, una fɔ aks Gɔd fɔ blɛs am. Gɔd kɔl una fɔ mek una blɛs ɔda pipul; if una du dat, Gɔd go blɛs unasɛf lɛkɛ aw i bin prɔmis fɔ du wɛn i kɔl una.

Lɛta Fɔ Rom 11:34

Na di tin dat we dɛn de tɔk we dɛn rayt na Gɔd in Buk se, “Udat go no wetin di Masta de tink? Udat ebul fɔ advays am?

Zɛkaraya 6:13

I se i go bil PAPA GƆD in os ɛn ɔl wetin i de du go tan lɛk wetin kiŋ de du, dɔn nain go bi kiŋ fɔ rul in pipul. I go gɛt fɔ gɛt man we de mek sakrifays fɔ pipul sin nia am ɛn dɛn ɔltu go wok wit wanwɔd.

Jɛrimaya 23:18

Bikɔs us wan pan dɛm dɔn de na PAPA GƆD in kansul wande fɔ ɔndastand ɛn yɛri in wɔd, ɔ us wan pan dɛm dɔn put at ɛn lisin in wɔd?

Ayzaya 28:29

Na to PAPA GƆD Ɔlmayti dis wan sɛf kɔmɔt; in advays dɛn wɔndaful ɛn in sɛns pas ɔl.

Ayzaya 5:19

di wan dɛn we kin se, “lɛ I mekes lɛ I du in wok kwik kwik so dat we go si am; lɛ di tin we di Oli Wan na Izrɛl mekup, apin jisnɔ, ɛn lɛ i bi naw naw, so dat we go si am!”

Ditarɔnɔmi 4:20

Mozis se PAPA GƆD bin dɔn mek Izrɛl in yon pipul dɛn nain mek i bin pul dɛn kɔmɔt pan di trɔbul we dɛn bin de pan na Ijipt da tɛm de.

Prɔvabs 8:14

A sabi gi gud advays ɛn sabi wok mi plan, a de si fa ɛn a trɔŋ.

Jems 2:5

Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Job 12:13

PAPA GƆD no ɔltin ɛn i gɛt pawa, i no wetin i de du ɛn ɔndastand ɔltin.

Job 33:29

“PAPA GƆD de du ɔl dɛn kayn tin ya tu tri tɛm fɔ mɔtalman,

Ayzaya 25:1

PAPA GƆD, yu na mi Gɔd; a go es yu ɔp ɛn a go prez yu nem; bikɔs yu dɔn du wɔndaful tin dɛm, plan dɛn we dɛn mek lɔntɛm, yu kip yu wɔd ɛn dawt nɔ de de.

Apɔsul Dɛn Wok 13:48

Wɛn dɛn pipul we nɔto Ju yɛri dat, dɛn gladi ɛn dɛn prez di Masta fɔ wetin i tɛl dɛn. Dɛn pipul we Gɔd bin dɔn pik fɔ gɛt layf sote go, biliv pan Jizɔs Krays.

Lɛta Fɔ Rom 8:29

Gɔd bin dɔn pik dɛn pipul we i bin dɔn mak fɔ tan lɛkɛ in Pikin, so dat in Pikin go bi di fɔs pikin pan in plɛnti brɔda dɛn.

Lɛta Fɔ Rom 8:30

So Gɔd kɔl dɛn pipul we i bin dɔn pik; dɛn pipul we i kɔl, i mek ɔltin rayt bitwin dɛn ɛn insɛf; wɛn i dɔn mek ɔltin rayt bitwin dɛn ɛn insɛf, i mek sɔm pan di wɔndaful layf we Krays gɛt bi dɛn yon.

Lɛta Fɔ Rom 9:11

Gɔd tɛl Ribɛka se, “Yu big pikin go wok fɔ di smɔl wan.” Gɔd tɔk dat fɔ sho se di pikin we i pik na di wan we insɛf want, bikɔs Gɔd bin dɔn tɔk dis wɔd ya bifo di pikin dɛn bɔn, ɛn bifo dɛn gɛt chans fɔ du gud ɔ bad. So di pikin we Gɔd pik na di wan we insɛf bin dɔn kɔl, nɔto fɔseka ɛnitin we in du ɔ we di ɔda wan du.

Lɛta Fɔ Ɛfisɔs 1:9

fɔ du wetin i plan; i dɔn tɛl wi di plan we i bin ayd, i bin dɔn mekɔp lɔntɛm fɔ sɛn Krays kam du ɔl wetin i bin dɔn plan.

Lɛta Fɔ Ɛfisɔs 1:18

A de beg Gɔd igen fɔ mek i opin una at so dat una go no se Gɔd dɔn kɔl una fɔ kam to insɛf, ɛn una go abop fɔ gɛt layf we go de sote go, ɛn fɔ mek una go no di big blɛsin we Gɔd dɔn prɔmis una we nain yon pipul,

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.