Lɛta Fɔ Ɛfisɔs 1:10 - Krio Fɔs Oli Baybul

¹⁰ Gɔd bin dɔn plan se: Wɛn di tɛm rich, i go briŋ ɔltin we gɛt layf wan ples: ɔltin we de na di klawd ɛn ɔl dɛn wan we de na di wɔl, Krays go bi edman fɔ dɛn ɔl.

Lɛta Fɔ Ɛfisɔs 1:10 Referans Kwoze

Lɛta Fɔ Kɔlɔse 1:20

Na Krays Gɔd go mek briŋ ɔltin we de na dis wɔl ɛn we de na ɛvin kam bak to insɛf. Na tru di day we Krays day na di krɔs, Gɔd mek mɔtalman ebul kam to insɛf.

Lɛta Fɔ Galeshya 4:4

Bɔt wɛn di rayt tɛm rich, Gɔd sɛn in Pikin, we na Jizɔs Krays, kam na wɔl. Gɔd mek uman bɔn Jizɔs Krays ɛn Jizɔs Krays du ɔl wetin di Ju lɔ se,

Daniɛl 2:44

Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;

Mak 1:15

I bin de se, “Di tɛm dɔn rich. Di tɛm we Gɔd go rul wi, dɔn kam klos. Una tap fɔ du dɛn bad tin we una de du ɛn biliv di Gud Nyuz.”

Di Ibru Pipul Dɛn 1:2

Bɔt dis tɛm we di wɔl de dɔn, nain Pikin i sɛn fɔ tɛl wi in wɔd. Na bay dis Pikin ya, i mek ɔl di wɔl, ɛn nain i pik fɔ gɛt ɔltin we i gɛt.

Lɛta Fɔ Kɔlɔse 1:16

Tru Krays, Gɔd mek ɔl wetin de na ɛvin ɛn dis wɔl, dɛn tin we wi de si ɛn dɛn wan we wi nɔ de si; ivin dɛn spirit sɛf we gɛt pawa ɛn we de rul. Tru Krays, Gɔd mek ɔltin we de na ɛvin ɛn dis wɔl ɛn ɔltin de fɔ ɔna Krays.

Pita In Fɔs Lɛta 1:20

Bifo Gɔd mek di wɔl, i bin dɔn pik Krays fɔ du di wok we i fɔ du na wɔl, ɛn naw, we plɛnti tɛm nɔ lɛf igen, Krays dɔn kam fɔ ɛp una.

Lɛta Fɔ Ɛfisɔs 3:15

Nain gi ɔlman we de na ɛvin ɛn dis wɔl dɛn nem.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Lɛta Fɔ Ɛfisɔs 1:22

Gɔd mek ɔltin fɔ mek dɛn nil dɔŋ bifo Krays, ɛn na Krays na di edman fɔ ɔlman na di chɔch, we nain bɔdi. Krays na di ed fɔ di bɔdi ɛn di bɔdi na di pipul dɛn na di chɔch, so Krays dɔn bi ɔl wetin i want fɔ bi bikɔs i dɔn gɛt di bɔdi. Ɛn insɛf de rul ɔltin ɛn ɔlman ɔlɔbɔt na wɔl ɛn i de mek dɛn bi aw dɛn fɔ bi.

1 Kɔrint 11:3

Bɔt a want mek una ɔndastand sɔntin: Na Krays de oba ɔlman, na di man de oba in wɛf, ɛn na Gɔd in wangren de oba Krays.

Emɔs 9:11

PAPA GƆD tɔk se, “Wande wande, a go mek Devid in kindɔm, we dɔn tan lɛk os we dɔn brok, tinap bak. A go ripia di wɔl dɛn ɛn bil dɛn bak. A go mek lɛ i tan lɛk aw i bin tan lɔntɛm.

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Di Ibru Pipul Dɛn 11:40

bikɔs Gɔd bin dɔn plan fɔ du tin we bɛtɛ pas dat fɔ wi. I bin dɔn plan se, in go mek wi ɛn dɛn pipul ya we bin biliv am bi lɛkɛ aw i want wi fɔ bi na ɛvin.

Lɛta Fɔ Kɔlɔse 3:11

Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na trenja, dɛn pipul we nɔ sivilayz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am.

Lɛta Fɔ Ɛfisɔs 2:15

Jizɔs Krays put di Ju Lɔ ɛn di ɔda lɔ dɛn we di Ju pipul dɛn bin mek, wansay, so dat i go mek di tu neshɔn dɛn bi wan neshɔn we go bi in yon ɛn dɛn ɔl go gɛt wanwɔd.

1 Kɔrint 10:11

Ɔl dɛn tin ya bi fɔ mek ɔda pipul si wetin go bi to dɛn, if dɛnsɛf du dɛn sem tin ya; ɛn dɛn rayt dɛn dɔŋ fɔ wi fɔ mek wi tek tɛm. Dis tɛm ya we wi dɔn liv fɔ si nɔ fa frɔm di tɛm we ɔltin na wɔl go dɔn.

Matyu 25:32

Ɔlman go gɛda bifo am, dɔn i go sheb dɛn tu say lɛkɛ aw di man we de mɛn ship ɛn got de sheb dɛn, di ship wansay ɛn di got wansay.

Malakay 3:1

PAPA GƆD Ɔlmayti se in de sɛn wan mɛsenja we go mek shɔ se ɔltin ɔrayt fɔ am dɔn dɛn go si PAPA GƆD lɛk aw dɛn de luk fɔ am as i go kam nain os; nain na di mɛsenja we dɛn wan fɔ si bikɔs we in kam i go mek shɔ se dɛn kip in Kɔvinant.

Di Ibru Pipul Dɛn 9:10

Ɔl dɛn tin ya na lɔ we tɔk bɔt tin fɔ it ɛn drink ɛn aw fɔ was dɛn tin we go mek pipul klin na Gɔd yay. Ɔl dɛn lɔ ya jɛs de fɔ dis wɔl, ɛn dɛn pawa go jɛs de sote di tɛm rich we Gɔd go chenj ɔltin.

Lɛta Fɔ Ɛfisɔs 3:2

A no se una dɔn yɛri se Gɔd dɔn blɛs mi fɔ du di wok we go ɛp una.