Egay 2:3 - Krio Fɔs Oli Baybul

³ udat lɛf we go mek PAPA GƆD in os fayn lɛk aw i bin fayn. I se lɛ dɛn kɔmpia am naw, if i nɔ fiba lɛk wetin nɔ min natin.

Egay 2:3 Referans Kwoze

Ɛzra 3:12

Bɔt bɔku pan dɛn man we de mek sakrifays fɔ pipul sin we na olpa, ɛn dɛn Livayt dɛnsɛf we na opla, wit dɛn bigman dɛn we bin dɔn si di fɔs os bɔs big big kray we dɛn si dɛn le fawndeshɔn bak, bɔt di ɔda pipul dɛn bin gladi ɛn na so dɛn bin de ala.

Izikɛl 7:20

Dɛn de tek dɛn fayn fayn dɛkɔreshɔn fɔ mek dɛn fil prawd bɔt dɛnsɛf, ɛn mek laylay gɔd dɛn we PAPA GƆD nɔ lɛk, ɛn di tin dɛn we PAPA GƆD et bad bad wan; so a go mek am tin we nɔ klin na mi yay.

Egay 2:9

I se aw PAPA GƆD in os go fayn go pas aw i bin fayn fɔs. PAPA GƆD Ɔlmayti se, i go mek shɔ se di pipul dɛn prɔspa, dɛn go ɛnjɔy gud gud tin dɛn ɛn liv wil kolat.

1 Kronikuls 22:5

Bikɔs Devid bin se, “Sɔlɔmɔn we na mi bɔypikin yɔŋ ɛn nɔ gɛt ɛkspiriɛns, ɛn di os we fɔ bil fɔ PAPA GƆD fɔ fayn bad bad wan, ɛn dɛn fɔ de tɔk bɔt aw i fayn ɔlsay na di wɔl; so a go pripia fɔ bil am. So Devid rɛdi di tin dɛn fɔ bil di tɛmpul bɔku bɔku wan fɔ bil PAPA GƆD in os bifo i day.

Ɛzra 3:11

Dɛn prez PAPA GƆD ɛn tɛl am tɛnki wit dis siŋ yaso: “PAPA GƆD gud, in lɔv fɔ Izrɛl go las sote go!” Ɔl di pipul dɛn ala lawd wande prez PAPA GƆD bikɔs na dɛn dɔn le di fawndeshɔn fɔ bil PAPA GƆD in os.

Ayzaya 64:10

Yu oli siti dɛn dɔn tɔn dray ɛn ɛmti ples, Zayɔn dɔn tɔn dray ɛm ɛmti ples, Jerusɛlɛm in na ples we nɔbɔdi nɔ de.