Ɛkliziastis 9:9 - Krio Fɔs Oli Baybul

⁹ Ɛnjɔy yusɛf wit di wɛf we yu lɛk, na dis fɔnatin layf we PAPA GƆD gi yu na dis wɔl, bikɔs na so PAPA GƆD se i fɔ bi fɔ yu, ɛn na pat di wok we yu de wok na dis wɔl.

Ɛkliziastis 9:9 Referans Kwoze

Ɛkliziastis 2:10

Ɛnitin we a si ɛn want, a go mɔs gɛt am; a bin miks pan ɔlkayn ladida, a bin de ɛnjɔy ɔl wetin a de du, ɛn da ɛnjɔymɛnt de nain na bin mi yon bɛnifit.

Malakay 2:15

Noto PAPA GƆD mek man ɛn uman wan ɛn ivin gi dɛn in spirit? In rizin na fɔ mek dɛn pikin dɛn bi wan dɛn we go fred ɛn rɛspɛkt PAPA GƆD. So dɛn fɔ tek tɛm ɛn nɔ ple dɛn wɛf dɛn wayo.

Ɛkliziastis 6:12

Udat no wetin gud fɔ mɔtalman we na tu- tri de i gɛt na di fɔnatin-wɔl, ɛn in layf de pas lɛk shado? Udat de we go ebul tɛl pipul wetin go apin bambay?

Ɛkliziastis 3:13

ɛn mɛmba se PAPA GƆD want ɔlman fɔ it, drink ɛn ɛnjɔy ɔl wetin i lebɔ fɔ.

Ɛkliziastis 7:15

Na dis mi layf we nɔ min natin, mi yay dɔn si ɔltin; man de we de waka tret wit PAPA GƆD kin day de waka tret, bɔt wikɛd man kin gɛt lɔŋ layf pan ɔl we dɛn de du bad.

Ɛkliziastis 5:18

Wetin mi tink se rayt fɔ du, na fɔ it ɛn drink ɛn ɛnjɔy wetin yu de yagba fɔ di shɔt tɛm we yu gɛt fɔ de na wɔl; na so PAPA GƆD se i fɔ bi fɔ mɔtalman.

Ɛkliziastis 3:22

So a si se natin nɔ bɛtɛ pas fɔ mek mɔtalman ɛnjɔy wetin i de du, bikɔs na dat PAPA GƆD se fɔ bi to am; nɔbɔdi nɔ go ebul tɛl am wetin go bi wɛn i dɔn day.

Ɛkliziastis 2:24

Di bɛst tin fɔ mɔtalman fɔ du, na fɔ it drink ɛn ɛnjɔy wetin i dɔn wok fɔ. A biliv se na so PAPA GƆD want am fɔ bi.

Prɔvabs 19:14

Lɛkɛ aw na papa de day lɛf prɔpati ɛn mɔni fɔ in pikin, na so na PAPA GƆD nɔmɔ de gi man gud wɛf.

Prɔvabs 18:22

Udat gɛt gud wɛf gɛt lɔk, ɛn na blɛsin frɔm PAPA GƆD.

Di Sam Dɛm 144:4

Mɔtalman layf na lɛk briz; i kin lɔs kwik lɛkɛ shado.

Di Sam Dɛm 39:5

“Mi layf so shɔt, i nɔ tan lɛk i gɛt minin igen; mɔtalman jɛs tan lɛk briz to yu.

Jɛnɛsis 26:8

We Ayzak bin dɔn de de lɔŋ lilibit, Abimɛlɛk, di Filistin dɛn kiŋ, luk oba in winda ɛn di we we i si Ayzak ɛn Ribɛka de ple