Ɛkliziastis 9:8 - Krio Fɔs Oli Baybul

⁸ Yu fɔ drɛs fayn ɔltɛm ɛn rɔb ɔyl na yu ed ɔltɛm.

Ɛkliziastis 9:8 Referans Kwoze

Rɛvɛleshɔn 19:14

Dɛn soja man na ɛvin bin de fala am, dɛnsɛf bin de rayd wayt ɔs ɛn dɛn bin wɛr klin wayt linin klos.

Rɛvɛleshɔn 19:8

Dɛn gi am fayn klin wayt linin klos fɔ wɛr.” (Di fayn linin de sho aw Gɔd in pipul dɛn de waka tret.)

Rɛvɛleshɔn 7:9

Wɛn dat dɔn, a luk bak, na de a si bɔku bɔku pipul we pɔsin nɔ ebul kɔnt. Dɛn bin kɔmɔt na ɔl dɛn trayb ɛn ɔl dɛn neshɔn na wɔl, dɛn bin de tɔk ɔl dɛn difrɛn difrɛn laŋwej na wɔl, sɔm bin wayt, sɔm bin blak. Dɛn bin tinap bifo di ay chia we kiŋ kin sidɔm, na di say we di Ship insɛf bin de; dɛn bin wɛr wayt ɛn dɛn ɔl bin olpam.

Rɛvɛleshɔn 16:15

“Lisin! A de kam tɛm we una nɔ mekɔp, lɛkɛ wɛn tifman de kam! I go bɛtɛ fɔ di pɔsin we nɔ de slip ɛn we wɛr klos, so dat i nɔ go gɛt fɔ waka nekɛd ɛn shem bifo pipul!”

Daniɛl 10:3

A nɔ bin de it natin we swit ɛn fayn, nɔn bif, nɔn wayn sɛf nɔ krɔs mi mɔt, ɛn a nɔ rɔb ɔyl pan misɛf at ɔl, fɔ di ful tri wik.

Di Sam Dɛm 23:5

Yu de mek a sidɔm midul mi ɛnimi dɛn, a de it ɛn a nɔ de fred. Infakt sɛf di we we yu de rɔb ori na mi ed mek a fil impɔtant. We yu de sav mi, mi kɔp kin ful sote i rɔnoba, so a kin drink te a satisfay.

Ɛsta 8:15

Dɛn Mɔdikay kɔmɔt usay di kiŋ de wit in blu ɛn wayt klos lɛkɛ di wan we kiŋ kin wɛr, wit gold krawn ɛn kot we dɛn tek fayn linin ɛn pɔpul matirial mek. Da tɛm de, na so ɔlman insay Susa de ala wit gladi.

2 Samiɛl 19:24

Mɛfiboshɛth we na Sɔl in grampikin insɛf go dɔŋ go mit di kiŋ. Frɔm we di kiŋ lɛf Jerusɛlɛm i nɔ sibɔt in fut, i nɔ shev ɔ was in klos te da de de we di kiŋ tɔn bak sef wan.

Ruth 3:3

I se Ruth fɔ was, put pafyum ɛn drɛs fayn ɛn go na di milos bɔt i nɔ fɔ mek di man no se i de de pas we i dɔn it ɛn drink dɔn.

Matyu 6:17

Wɛn una de fast, una fɔ was una fes ɛn kom una ia,

Emɔs 6:6

Una de drink wayn na kalbas ɛn spre dɛn dia pafyum ɛn nɔ bisin sɛf bɔt di waala we gɛt fɔ mit Izrɛl.

2 Samiɛl 14:2

So i sɛn sɔmbɔdi go briŋ wan uman we gɛt sɛns we de na Tɛkoa kam. Wɛn di uman kam, i tɛl di uman fɔ wɛr munin, nɔ kom in ia ɛn nɔ rɔb ɔyl lɛkɛ udat dɔn te we i de munin.

Lyuk 7:46

Yu nɔ rɔb gris sɛf na mi ed, bɔt dis uman dɔn rɔb fayn sɛnt pan mi fut.