Ɛkliziastis 9:7 - Krio Fɔs Oli Baybul

⁷ So, ɛnjɔy yu it, ɛn drink yu wayn wit gladi; bikɔs PAPA GƆD dɔn gri lɔntɛm se na so yu go du.

Ɛkliziastis 9:7 Referans Kwoze

Ɛkliziastis 10:19

Fɔ it na fɔ ɛnjɔy, wayn de mek yu at layt, ɛn mɔni de mek yu nɔ krach yu ed fɔ natin.

Ditarɔnɔmi 12:7

Mozis tɛl di Izrɛlayt dɛn se na de dɛn ɛn di wan dɛn we de na os to dɛn fɔ it ɛn tɛl PAPA GƆD we na dɛn PAPA GƆD tɛnki fɔ ɔl wetin i dɔn du fɔ dɛn.

Ɛkliziastis 8:15

Na dat mek a se pɔsin fɔ ɛnjɔy insɛf, bikɔs natin nɔ de na dis wɔl we bɛtɛ fɔ mɔtalman pas fɔ it ɛn fɔ drink ɛn fɔ ɛnjɔy insɛf. Na so dɛn go de yagba na layf te di tɛm dɔn we PAPA GƆD gi dɛn na dis wɔl.

Ɛkliziastis 5:18

Wetin mi tink se rayt fɔ du, na fɔ it ɛn drink ɛn ɛnjɔy wetin yu de yagba fɔ di shɔt tɛm we yu gɛt fɔ de na wɔl; na so PAPA GƆD se i fɔ bi fɔ mɔtalman.

Apɔsul Dɛn Wok 10:35

Gɔd go mek ɛnibɔdi we rɛspɛkt am ɛn du wetin i want, bi in yon.

1 Kiŋ 8:66

Wɛn ɔltin dɔn dɔn, Sɔlɔmɔn mek ɔlman go bak nain os. Na so ɔlman bin de blɛs di kiŋ we dɛn de go, ɛn na so dɛn ɔl bin gladi fɔ am fɔ di gud tin we PAPA GƆD dɔn du fɔ in ɛn ɔl di Izrɛlayt dɛn.

Ditarɔnɔmi 12:12

Mozis tɛl dɛn se na de dɛn fɔ sɛlibret ɛn tɛl PAPA GƆD we na dɛn PAPA GƆD tɛnki; dɛn ɛn dɛn bɔy ɛn gyal pikin dɛn, dɛn wokman ɛn wokuman dɛn ɛn di Livayt dɛn we de na dɛn siti, as dɛn nɔ bin gɛt land fɔ dɛnsɛf.

Jɔn 4:50

Jizɔs se, “Yu go nɔmɔ, yu pikin go wɛl!” Di ɔfisa biliv wetin Jizɔs tɛl am. I go.

Lyuk 11:41

Una fɔ ɛp dɛn po pipul wit ɔl una at, dɛn ɔltin go klin fɔ una.

Mak 7:29

Jizɔs se, “Fɔ wetin yu tɔk so, yu kin go na yu os saful, ɛn no se di dɛbul dɔn kɔmɔt insay yu pikin.”

Jɛnɛsis 12:19

Wetin mek yu se na yu sista, ɛn mek a tek am fɔ mi wɛf? Ya! Luk yu wɛf; tek am kɔmɔt na ya, una go wantɛm.”

Di Nɔmba Dɛm 6:20

Dɔn di man we de mek sakrifays fɔ pipul sin fɔ wev dɛn bifo PAPA GƆD as wev sakrifays; dɛn oli, so na di man we de mek sakrifays fɔ pipul sin gɛt dɛn, plɔs di chɛst we dɛn bin wev ɛn di lɛg dɛn we dɛn gi. Afta ɔl dis, di Nazirayt kin drink wayn naw.

Ɛkliziastis 7:14

Di de we tin gud fɔ yu na fɔ gladi, bɔt di de we tin nɔ bi lɛk aw yu want am, na fɔ tink bɔt wetin de apin; na PAPA GƆD mek di gud tɛm ɛn nain sem wan mek di tɛm we tin nɔ gud, so dat mɔtalman nɔ go no wetin de apin to am.

Ɛkliziastis 11:8

Pipul dɛn we gɛt lɔŋ layf fɔ ɛnjɔy dɛnsɛf ɔltɛm; bɔt lɛ dɛn mɛmba se di bita de dɛn go plɛnti. Ɔl dɛn tɛm dɛn de na fɔ natin.

Ruth 3:7

Wɛn Boaz dɔn it ɛn drink dɔn, in at layt. I go lidɔm midul di sid dɛn we dɛn payl. Di uman go saful, pul in kɔbaklos ɛn lidɔm to in fut.