Ɛkliziastis 9:12 - Krio Fɔs Oli Baybul

¹² Mɔtalman nɔ no wetin go bi to am. Lɛk we nɛt kin kech fish, ɛn trap de kech bɔd, na so mɔtalman sɛf kin fɔdɔm insay bad trap we sɔntin kin jɛs apin to am so.

Ɛkliziastis 9:12 Referans Kwoze

Fɔs Lɛta Fɔ Tɛsalonayka 5:3

Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

Prɔvabs 29:6

If yu na bad pɔsin yu bad go kech yu lɛkɛ trap; bɔt pɔsin we de waka tret na PAPA GƆD in yay in go de siŋ ɛn gladi.

Sɛkɛn Lɛta To Timoti 2:26

Da tɛm de dɛn go kechɔp se wetin dɛn bin de du nɔ rayt ɛn dɛn go kɔmɔt insay Setan in trap; Setan bin dɔn kech dɛn ɛn i bin de mek dɛn du wetin i want.

2 Kɔrint 6:2

Bikɔs Gɔd se, “A yɛri yu wɛn di rayt tɛm rich; ɛn wɛn di tɛm fɔ sev kam, a ɛp yu.” Na di rayt tɛm dis, na di tɛm dis we pipul fɔ sev!

Prɔvabs 6:15

Bɔt na big, big dombolo gɛt fɔ fɔdɔm pan dɛn we dɛn nɔ go mekɔp, ɛn dɛn go wund bad, bad wan.

Pita In Sɛkɛn Lɛta 2:12

Bɔt dɛn ticha ya de tɔk bad bɔt tin we dɛn nɔ sabi natin bɔt, ɛn laf dɛn; dɛn jɛs tan lɛkɛ wayl bif na bush we nɔ de tink, dɛn jɛs de du ɛnitin we dɛn ed gi dɛn fɔ du; so jɛs lɛkɛ aw dɛn wayl bif de bɔn kam na wɔl fɔ mek pipul kech dɛn, ɛn kil dɛn, na so pipul go kil dɛn ticha ya,

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Lyuk 12:39

Bɔt una no se if pɔsin we gɛt in os no di tɛm we tifman go kam, i nɔ go slip lɛf in os mek tifman brok am go insay ɛn klia in prɔpati.

Lyuk 12:20

Gɔd tɛl di jɛntri man se, ‘Yu fulman! Dis nɛt ya, a go tek yu layf. Udat go gɛt ɔl dɛn tin ya we yu dɔn gɛda?’”

Ayzaya 30:13

so dis sin go tan to yu lɛk krak pan ay wɔl, we dɔn swɛl ɛn rɛdi fɔ kolaps, we go fɔdɔm wantɛm wantɛm;

Ɛkliziastis 8:11

Na bikɔs we pɔsin du bad, dɛn nɔ de gi jɔjmɛnt kwik, na dat mek pipul de kɔntinyu fɔ du bad.

Di Sam Dɛm 11:6

I go mek faya ɛn sɔlfa we de bɔn ɛn smɛl fɔdɔm pan udat bad, lɛk we ren de fɔdɔm, dɔn ɔt, ɔt, briz go blo we go mek ɔltin dray.

Ɛkliziastis 3:19

Mɔtalman ɛn animal de ɛnd di sem we; na day wi dɛn gɛt fɔ day. Na di sem kayn layf ɔltu gɛt, ɛn mɔtalman nɔ bɛtɛ pas animal; ɔl na fɔ natin.

Ɛkliziastis 9:13

A dɔn si ɔda tin we de bi na wɔl we mek sɛns. I big na mi yay.

Ayzaya 24:18

Di wan we rɔn we i yɛri sawnd de mek i fred go fɔdɔm insay di dip ol; ɛn di wan we klem kɔmɔt na di dip ol di trap go kech am. Bikɔs di winda dɛn na evin opin, ɛn di wɔl in fawndeshɔn dɛn, de trimbul.

Ozie 9:8

Di prɔfɛt na wachman fɔ PAPA GƆD in Ifrem pipul bɔt pan ɔl dat, dɛn nɔ tek am mek natin, dɛn ivin de mɔna am na PAPA GƆD in os.

Prɔvabs 24:22

bikɔs wɛn yu nɔ mekɔp nain dɛn go ib masibo pan yu, ɛn yu nɔ go ebul fɔ no aw fa di trɔbul go go.

Ɛkliziastis 8:8

Nɔbɔdi nɔ gɛt pawa oba in layf, ɔ pawa fɔ tap day. Aw dɛn nɔ de sak soja na batul fil, na so wikɛdnɛs nɔ de sev wikɛd pɔsin.

Izikɛl 32:3

Wɛl na dis PAPA GƆD se: a go sɛn mi nɛt oba yu wit bɔku bɔku difrɛn pipul; ɛn a go drɛg yu kam ɔp na mi dragnɛt.

Ozie 7:12

Bɔt PAPA GƆD se, as dɛn de flay ɔlɔbɔt na so i go kech dɛn nain nɛt, dɔn i go briŋ dɛn kam dɔŋ ɛn pɔnish dɛn fɔ di bad we dɛn dɔn du.