Ɛkliziastis 9:11 - Krio Fɔs Oli Baybul

¹¹ A fɛnɔt igen na dis wɔl se, i nɔ min se yu go win bikɔs yu kin rɔn fast, ɛn i nɔ min se pɔsin nɔ go bit yu bikɔs yu gɛt trɛnk. Semweso, nɔto sɛns de gi yu mɔni, yu nɔ de jɛntri bikɔs yu gɛt sɛns ɛn nɔto bikɔs yu sabi du tin, mek yu go gɛt wok; na lɔk nɔmɔ de mek bɛtɛ fala yu.

Ɛkliziastis 9:11 Referans Kwoze

Jɛrimaya 9:23

Na dis PAPA GƆD se, “Le di sɛnsman nɔ bost fɔ in sɛns, le di pawaful man nɔ bost fɔ in trɛnk, ɛn lɛ di jɛntri man nɔ boast bɔt in jɛntri;

Ɛkliziastis 3:17

A tɛl misɛf se PAPA GƆD go jɔj di raychɔs man ɛn di wikɛd man di tɛm we i dɔn pik fɔ ɔltin.

Ɛkliziastis 3:14

A no se ɔl wetin PAPA GƆD de du go de sote go; nɔbɔdi nɔ ebul ad pan am ɛn nɔbɔdi nɔ ebul pul kɔmɔt de; na so PAPA GƆD want am so dat mɔtalman go fred am.

Lɛta Fɔ Ɛfisɔs 1:11

Ɔltin go bi lɛkɛ aw Gɔd dɔn mak ɛn lɛkɛ aw i want dɛn fɔ bi. Gɔd dɔn pik wi fɔ mek wi bi in yon pipul we wi gɛt wanwɔd wit Krays, bikɔs na dat i want ɛn na dat i bin dɔn plan frɔm we di wɔl bigin.

2 Kronikuls 20:15

Nain i se, “Una lisin o, una ɔl we de Juda ɛn Jerusɛlɛm ɛn yusɛf Kiŋ Jɛoshafat; PAPA GƆD se fɔ tɛl una se, “Una nɔ fred ɛn pwɛlat we una si dɛn bɔku bɔku pipul dɛn ya; bikɔs PAPA GƆD gɛt di fɛt, nɔto una.

Ditarɔnɔmi 8:18

I se dɛn fɔ mɛmba se na PAPA GƆD we na dɛn GƆD mek dɛn ebul gɛt ɔl wetin dɛn gɛt, so dɛn go no se i nɔ fɔgɛt di swɛ we i bin swɛ to dɛn fɔstɛm-papa dɛn, te di tɛm we dɛn bin de rayt dis buk.

Ɛkliziastis 4:4

A si se ɔl di wok ɛn sɛns we mɔtalman de sho pan in wok na bikɔs i wan tan lɛk ɔda pɔsin. Bɔt ɔl dat na fɔ natin. I tan lɛk we yu de tray fɔ kech briz.

Jɛrimaya 46:6

Di wan dɛm we ebul rɔn fast nɔ ebul rɔnawe, semweso, di sojaman nɔ ebul ɛskep; dɛn dɔn bɔk fut ɛn fɔdɔm, na di nɔt nia Riva Yufretis.

Ɛkliziastis 7:13

Tink bɔt PAPA GƆD in wok; Udat go ebul tret wetin PAPA GƆD dɔn bɛn?

Ɛkliziastis 4:1

A bin si ɔl di bad bad tin dɛn we pipul dɛn de du to dɛn kɔmpin dɛn na wɔl. A si dɛn we dɛn de kray ɛn nɔ gɛt pɔsin fɔ tɛl dɛn ɔsh. Nɔbɔdi nɔ gɛt maynd fɔ ɛp dɛn bikɔs di wan dɛn we de du dɛn bad gɛt pawa.

Ɛkliziastis 2:12

So a bigin tink bɔt wetin i min fɔ gɛt sɛns, fɔ kres ɛn fɔ fulish. Afta ɔl, wetin nyu kiŋ go du we di ol kiŋ nɔ du yet.

Job 34:29

We in nɔ kɔndɛm, udat fɔ kɔndɛm? We i ayd in fes, udat go si am, i lɛk na wanol neshɔn ɔ na wangren pɔsin?

2 Samiɛl 17:14

Absalɔm ɛn ɔl di Izrɛlayt se Ushay we na Akayt in advays bɛtɛ pas Aitofɛl yon bikɔs PAPA GƆD insɛf bin want fɔ mek di gud advays we Aitofɛl gi tɔn bad as na dat go lɛ Absalɔm de pan trɔbul.

Malakay 3:18

Dat tɛm de, dɛnsɛf go no udat de waka tret wit PAPA GƆD ɛn udat nɔ de du wetin i fil fɔ du, bitwin udat de du wetin PAPA GƆD want ɛn udat nɔ de du wetin PAPA GƆD want.

1 Samiɛl 17:50

So na fak ɛn ston Devid tek win di Filistin, i nɔ ol sɔd bɔt i kil di Filistin.

Daniɛl 4:35

Ɔl udat tap na di wɔl nɔ min natin; ɛn i de du wetin i want wit ɔl di wan dɛn we de na ɛvin ɛn ɔl di wan dɛn we de na di wɔl; ɛn nɔbɔdi nɔ go ebul fɔ tap am ɔ aks am se, “Wetin yu de du?”

2 Samiɛl 17:23

Wɛn Aitofɛl si se dɛn nɔ tek in advays, i jomp pantap in dɔŋki fɔ go nain os nain om siti. I mek shɔ se i tɛl in fambul dɛn wetin ɛn wetin fɔ du afta i day, dɔn i go ɛŋ insɛf. Na so i tek day ɛn dɛn bɛr am insay in papa in grev.

Ditarɔnɔmi 8:17

Mozis wɔn dɛn lɛ dɛn nɔ kak dɛn fɛda se na bay dɛn yon swɛt dɛn bin tek gɛntri.

1 Samiɛl 6:9

bɔt dɛn fɔ de wach dɛn. If dɛn go na di siti usay di ak blant, dat na Bɛth Shɛmɛsh, dat sho se na PAPA GƆD de lɛ dɛn gɛt ɔl dɛn waala ya. Bɔt if i nɔ go de dat min se wetin de bi to dɛn jɛs de bi nɔmɔ.

Di Sam Dɛm 76:5

Di bad man dɛn wit trɛnk dɔn day. Dɛn dɔn tek ɔl wetin dɛn bin de tek fɛt kɔmɔt na dɛn an; ɔl dɛn trɛnk ɛn sabi nɔ min natin igen dɛn nɔ ebul fɛt sɛf.

Prɔvabs 1:5

Udat we dɔn gɛt sɛns go gɛt mɔ sɛns ɛn udat de si fa, in yay go opin mɔ

Ɛkliziastis 9:2

na fɔ natin. Na di sem tin de bi to dɛn ɔl; di wan we de waka tret wit PAPA GƆD ɛn di wan we nɔ de waka tret wit PAPA GƆD, di wan we gud ɛn to di wan we nɔ gud, di wan we klin na PAPA GƆD yay ɛn di wan we nɔ klin na PAPA GƆD yay, di wan we de mek sakrifays ɛn di wan we nɔ de mek sakrifays. Na di sem tin we de bi to di wan we de kɔmit sin, de bi to di wan we nɔ de kɔmit sin; na di sem tin de apin to di wan we de swɛ ɛn di wan we nɔ de swɛ.

Zɛkaraya 4:6

Dɔn di enjɛl tɛl am se PAPA GƆD want am fɔ no se nɔto bay di trɛnk ɔ pawa we i gɛt bɔt na bay PAPA GƆD in Spirit.

Ɛkliziastis 9:3

Wan bad bad tin de bi na di wɔl; dat na we na di sem kayn tin de apin to ɔlman. Wetin bad mɔ, na dat na so so bad bad tin de na dɛn at; na kres kres tin kin de na dɛn at we dɛn de na wɔl. Afta ɔl dat, dɛn kin day go.

Jɛrimaya 48:14

“Wetindu una de se, ‘Wi na iro dɛm ɛn wi na man dɛn we sabi fɛt?