Ɛkliziastis 9:10 - Krio Fɔs Oli Baybul

¹⁰ Mek shɔ se we yu de du ɛnitin, yu du am gud wit ɔl yu at; bikɔs we yu day, yu nɔ go gɛt fɔ wok yanda. Yu nɔ gɛt fɔ tink ɔ sabi ɛnitin, ɛn sɛns biznɛs nɔ de usay yu de go.

Ɛkliziastis 9:10 Referans Kwoze

Lɛta Fɔ Kɔlɔse 3:23

Ɛni tin we una de du una fɔ du am wit ɔl una at lɛkɛ se na Masta Jizɔs una de du am fɔ ɛn nɔto fɔ mɔtalman.

Lɛta Fɔ Ɛfisɔs 5:16

Ɛni chans we una gɛt fɔ du gud, una du ɔl wetin una ebul du, bikɔs dis tɛm ya na bad tɛm.

Lɛta Fɔ Rom 12:11

Una fɔ wok traŋa wan, una nɔ fɔ les. Una fɔ put ɔl una at pan di wok we una de du fɔ di Masta.

Di Sam Dɛm 6:5

Nɔbɔdi nɔ de mɛmba yu say we i dɔn day. Udat go prez yu we i de nain grev?

1 Kɔrint 9:24

Una nɔ no se pan ɔl dɛn pipul we de rɔnres na wangren pɔsin kin win? So unasɛf fɔ rɔn mek una go win.

Ɛkliziastis 11:6

Na mɔnin, yu de plant yu sid, ivintɛm, yu stil de fɛn tin fɔ du; bikɔs yu nɔ no uswan go bɛnifit yu, di mɔnin yon ɔ di ivintɛm yon, ɔ sɔntɛnde, dɛn ɔltu.

Jɛrimaya 29:13

Una go luk fɔ mi ɛn una go fɛn mi; we una luk fɔ mi wit ɔl una at,

Matyu 6:33

Una fɔ put una at gud pan dɛn tin we impɔtant na di say we Gɔd de rul ɛn du di rayt tin we Gɔd want una fɔ du fɔs, da tɛm de i go gi una ɔl dɛn tin ya.

1 Kɔrint 15:10

Bɔt we Gɔd gud nɔmɔ, tide mi na apɔsul, ɛn di gud we i du fɔ mi mek a du plɛnti tin fɔ am na mi layf. A dɔn wok pas ɔl dɛn ɔda apɔsul dɛn, bɔt nɔto bay misɛf a bin de wok; we Gɔd gud, in pawa bin de ɛp mi.

1 Kɔrint 9:26

Na dat mek, a de du lɛkɛ pɔsin we de put ɔl in at pan di res we i de rɔn, mek i go win, a nɔ de du lɛkɛ pɔsin we de traybon.

Jɔn 9:4

Na de tɛm wi fɔ du di wok we di wan we sɛn mi gi wi fɔ du, nɛt de kam we nɔbɔdi nɔ go ebul wok.

Jɔn 4:34

Jizɔs se, “Mi yon it na fɔ dɔn di wok we di wan we sɛn mi gi mi fɔ du, ɛn fɔ du ɔl wetin i want.

Ɛkliziastis 11:3

We di klawd dak, ren kin kam. Ɛnisay we tik fɔdɔm, na de i de lidɔm.

Nɛimaya 4:2

Usay ɔl in kɔmpin ɛn di sojaman dɛn we kɔmɔt Sameria de, nain i se “Wetin dɛn daydo Ju man tink se dɛn de du? Dɛn go ebul bil di wɔl bak? Dɛn go ebul mek sakrifays? Dɛn go tek wangren de fɔ dɔn di wok? Dɛn ston de we dɔn bɔn ɛn nyamanyama, wetin dɛn go ebul du wit dɛn?”

Nɛimaya 4:6

So wi bil di wɔl bak te i rich af di ayt we i bin gɛt bikɔs di pipul dɛn bin de wok wit ɔl dɛn at.

1 Kronikuls 22:19

Naw una mekɔp una at ɛn maynd fɔ de wit PAPA GƆD we na una Gɔd ɔltɛm. Una grap ɛn bil os fɔ PAPA GƆD we na una Gɔd so dat dɛn go kɛr PAPA GƆD in Ak ɔf di Kɔvinant ɛn di oli tin dɛn we dɛn kin yuz fɔ wɔship PAPA GƆD, go insay os we dɛn bil fɔ Ɔna PAPA GƆD in nem.

1 Kɔrint 16:10

Bɔt if Timoti rich to una, una mek i fil se una gladi fɔ we i go to una, bikɔs insɛf de wok fɔ di Masta lɛkɛ mi.

Nɛimaya 2:12

a kɔmɔt midul nɛt wit sɔm man dɛn. Da tɛm de a nɔ bin tɛl nɔbɔdi yet bɔt wetin PAPA GƆD bin dɔn put na mi at fɔ du fɔ Jerusɛlɛm. Nɔn ɔda animal nɔ bin de pas di wan nɔmɔ we a bin de rayd pan.

1 Kronikuls 28:20

Nain Devid tɛl Sɔlɔmɔn we nain bɔypikin se, “tinap lɛk man, tek kɔrej ɛn du am. Nɔ fred natin ɛn nɔ pwɛl at; bikɔs PAPA GƆD we na mi yon Gɔd de wit yu. I nɔ go fel yu, i nɔ go kɔmɔt biɛn yu, sote ɔl di wok we de fɔ du na PAPA GƆD in os, go dɔn.

Di Nɔmba Dɛm 13:30

We dɛn bin de tɔk, Kelɛb jɛs kɔt di wɔd na dɛn mɔt. I se, “Wi fɔ go mek wi go tek di land na dɛn an, bikɔs wi ebul fɔ du am.

Jɛnɛsis 37:35

In pikin dɛn tray fɔ kɔrej am bɔt i nɔ tek. I se, in wan day go mit in pikin na Shiol wit di munin. I bin stil de kray fɔ am.

1 Samiɛl 10:7

Samiɛl se we ɔl dɛn tin ya we i tɔk bɔt dɔn bi to Sɔl, Sɔl naw fɔ du ɛnitin we i fil fɔ du bikɔs PAPA GƆD de wit am.

Job 21:13

Dɛn kin gɛt ɔltin we dɛn want te dɛn day, ɛn kin day wit kolat go usay dɛn dayman de wet jɔjmɛnt.

Ayzaya 38:10

A bin tɔk se, we a yɔŋ, A jɔs gɛt f day; dɛn put mi fɔ go usay dayman dɛn de fɔ di rɛst ɔf mi layf.

Job 10:21

bifo a go na di land we na soso daknɛs ful de ɛn nɔ kam bak,

Job 10:22

di land we nɔ gɛt ɔda, usay layt nɔ de, na dak di ples dak nɔmɔ.

Prɔvabs 3:28

Nɔ tɛl di pɔsin se lɛ i go ɛn kam tumara, wɛn yu no se yu kin ɛp am da momɛnt de.

Matyu 20:7

Dɛn ansa se, ‘Nɔbɔdi nɔ tek wi fɔ wok.’ Di man se, ‘Wɛl, unasɛf kam go wok na mi fam.’