Ɛkliziastis 8:9 - Krio Fɔs Oli Baybul

⁹ Na ɔl dɛn tin ya a notis we a de lan bɔt dis wɔl; wɔl we pipul we gɛt pawa de sɔprɛs di wan we i gɛt pawa pas te dɛn ambɔg dɛnsɛf.

Ɛkliziastis 8:9 Referans Kwoze

Ɛkliziastis 5:8

Nɔ sɔprayz we yu go ɛnisay ɛn si se dɛn de buli poman ɛn nɔ gi am in rayt; bikɔs di bigman dɛnsɛf gɛt dɛn yon bigman dɛn, ɛn dɛnwandɛnde sɛf gɛt dɛn yon bigman dɛn we pas dɛn.

Ɛkliziastis 5:13

Wan bad tin de we de apin na dis wɔl, na dat jɛntriman de gɛda jɛntri te i mɔna dɛn,

Ɛkliziastis 7:25

A disayd fɔ stɔdi mek a go no mɔ tin dɛn ɛn ɔndastand aw i bad fɔ mek pɔsin jɛs de fulish, ɛn aw fulman tan lɛk udat kres.

Ɛkliziastis 3:10

A dɔn si wetin PAPA GƆD gi mɔtalman fɔ du we go kip am bizi.

Ɛkliziastis 1:14

A dɔn si ɔl wetin de bi na wɔl, bɔt usay, ɔltin na fɔ natin ɛn na lɛk fɔ rɔnata briz.

Ditarɔnɔmi 2:30

Bikɔs PAPA GƆD we na dɛn PAPA GƆD bin dɔn traŋa Kiŋ Sayɔn in at mek i go tinap fɔ fɛt mek dɛn go bit dɛn, i nɔ bin gri atɔl.

Ɛksodɔs 14:28

Di wata tɔn bak. I kɔba di chariɔt dɛn wit di man dɛn we bin de rayd ɔs ɛn ɔl di kiŋ in sojaman dɛn we bin de rɔnata di Izrɛlayt dɛn ɛn dɛn lɛf na di wata. Wan pan dɛnsɛf nɔ bin lɛf.

2 Kiŋ 25:7

Dɛn kil ɔl in bɔypikin dɛn korokoro wan bifo in yay. Dɛn pul in tu yay kɔmɔt, tay am wit chen ɛn kɛr am go Babilɔn.

Ɛkliziastis 3:16

Pantap dat, a si se na dis wɔl ya, usay pɔsin fɔ jɔj tret, na soso wikɛdnɛs de de, ɛn usay pipul fɔ de waka tret, na so so wikɛdnɛs.

Ɛkliziastis 4:1

A bin si ɔl di bad bad tin dɛn we pipul dɛn de du to dɛn kɔmpin dɛn na wɔl. A si dɛn we dɛn de kray ɛn nɔ gɛt pɔsin fɔ tɛl dɛn ɔsh. Nɔbɔdi nɔ gɛt maynd fɔ ɛp dɛn bikɔs di wan dɛn we de du dɛn bad gɛt pawa.

Ɛkliziastis 7:7

Na tru se we tin de mɔna pɔsin we gɛt sɛns, i kin mek i ful, ɛn braybri de mek pɔsin nɔ du wetin rayt.

Ɛkliziastis 5:7

We yu de tink plɛnti bɔt di tin dɛn na dis wɔl, yu de put at pan tin dɛn we nɔ de bɛnifit pɔsin ɛn dat go mek yu tɔk bɔku bɔku; bɔt mɔtalman fɔ fred PAPA GƆD.