Ɛkliziastis 8:12 - Krio Fɔs Oli Baybul

¹² Ɔl we sina dɛn de du bad tin ɔndrɛd tɛm ɛn dɛn layf kin stil lɔŋ, mi no se ɔltin go go fayn fɔ di wan dɛn we de fred PAPA GƆD, bikɔs dɛn rɛspɛkt am,

Ɛkliziastis 8:12 Referans Kwoze

Di Sam Dɛm 37:11

Bɔt dɛn wan we nɔ tek dɛnsɛf mek natin go gɛt wetin PAPA GƆD prɔmis dɛn ɛn ɛnjɔy pis.

Pita In Sɛkɛn Lɛta 2:9

Ɔl dis sho se di Masta de pul gud pɔsin pan waala ɛn i de pɔnish dɛn bad pɔsin te di de we i go jɔj dɛn, rich,

Ɛkliziastis 7:15

Na dis mi layf we nɔ min natin, mi yay dɔn si ɔltin; man de we de waka tret wit PAPA GƆD kin day de waka tret, bɔt wikɛd man kin gɛt lɔŋ layf pan ɔl we dɛn de du bad.

Ɛkliziastis 3:14

A no se ɔl wetin PAPA GƆD de du go de sote go; nɔbɔdi nɔ ebul ad pan am ɛn nɔbɔdi nɔ ebul pul kɔmɔt de; na so PAPA GƆD want am so dat mɔtalman go fred am.

Lɛta Fɔ Rom 9:22

Na so Gɔd in wok tan. Gɔd bin want sho pipul aw i vɛks ɛn di pawa we i gɛt. Bɔt i bia wit dɛn pipul we bin fit fɔ go na ɛl, we i bin fɔ jɔj bikɔs i bin vɛks pan dɛn.

Lyuk 1:50

frɔm tɛm, i de sɔri fɔ ɔl dɛn wan we rɛspɛkt am.

Lɛta Fɔ Rom 2:5

Bɔt una traŋayes ɛn una at traŋa, na dat mek Gɔd go pɔnish una mɔ di de we i go sho aw i vɛks pan mɔtalman ɛn we i go jɔj dɛn lɛkɛ aw i fɔ jɔj dɛn.

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Ɛkliziastis 7:18

I gud fɔ ol wan say ɛn nɔ trowe di ɔda wan; bikɔs pɔsin we de fred PAPA GƆD go sɔksid wit dɛn tu.

Ɛkliziastis 5:16

Na ɔda tin dis we de mɔna mi; aw dɛn kam na wɔl, na so dɛn de go bak; so wetin pɔsin de fɛt fɛt fɔ na di wɔl?

Prɔvabs 13:21

Trɔbul nɔ de kɔmɔt biɛn bad pɔsin, bɔt bɛtɛ go fala di pɔsin we de waka tret na PAPA GƆD in yay.

Di Sam Dɛm 115:13

I go blɛs ɔl udat de fred ɛn rɛspɛkt PAPA GƆD wɛda yu na bigman ɔ yu na drɛgman.

Di Sam Dɛm 112:1

Una lɛ wi prez PAPA GƆD! I go fayn fɔ di pɔsin we de fred PAPA GƆD ɛn we gladi fɔ du wetin i se.

Di Sam Dɛm 96:9

We yu de wɔship PAPA GƆD, yusɛf du am wit aje. Ɔlman na wɔl fɔ gɛt fred fɔ am.

1 Kronikuls 16:30

lɛ di wanol wɔl trimbul bifo am; yɛs, di wɔl tinap traŋa wan, di wɔl nɔ go ɛva muf.

1 Kiŋ 21:25

Nɔbɔdi nɔ bin de we pas Eab fɔ du bad bifo PAPA GƆD in yay bikɔs nain wɛf Jɛzibɛl bin de push am.

Ditarɔnɔmi 12:25

I wɔn dɛn bak se dɛn nɔ fɔ it di animal dɛn blɔd, ɛn se if dɛn du ɔl wetin PAPA GƆD want dɛn fɔ de du, ɔltin go fayn fɔ dɛn ɛn dɛn jɛnareshɔn dɛn.

Ɛksodɔs 1:20

Fɔ we dɛn uman dɛn ya nɔ bin gri fɔ kil di Ibru uman dɛn bɔypikin dɛn, PAPA GƆD blɛs dɛn, ɛn dat mek Izrɛlayt dɛn bin kɔntinyu fɔ bɔn bɔku bɔku pikin dɛn we mek dɛn bɔku na di kɔntri.

Ditarɔnɔmi 4:40

I advays dɛn fɔ du ɔl wetin i bin dɔn tɛl dɛn se PAPA GƆD se dɛn fɔ du ɛn nɔ fɔ du, so ɔltin go fayn fɔ dɛn ɛn dɛn pikin dɛn we nɔ bɔn yet; lɛ dɛn go gɛt lɔŋ layf fɔ ɛnjoy di land we PAPA GƆD we na dɛn PAPA GƆD dɔn gi dɛn sote go.

Ditarɔnɔmi 12:28

Mozis tɛl dɛn se if dɛn du ɔl wetin i tɛl dɛn, na wetin PAPA GƆD we na dɛn PAPA GƆD se gud fɔ du, dɛn go de du. Dat go mek ɔltin fayn fɔ dɛn ɛn dɛn jɛnareshɔn dɛn.

Di Sam Dɛm 128:2

Yu go ɛnjɔy yu lebɔ; dɔn yu go gɛt blɛsin ɛn bɛtɛ go fala yu.

Ɛkliziastis 5:7

We yu de tink plɛnti bɔt di tin dɛn na dis wɔl, yu de put at pan tin dɛn we nɔ de bɛnifit pɔsin ɛn dat go mek yu tɔk bɔku bɔku; bɔt mɔtalman fɔ fred PAPA GƆD.

Ɛkliziastis 12:13

Tɔk am go, tɔk am kam, una dɔn yɛri ɔltin. Fred PAPA GƆD ɛn du wetin i se fɔ du; bikɔs na dat nɔmɔ mɔtalman gɛt fɔ de du.

Job 35:15

PAPA GƆD nɔ de pɔnish pɔsin we i vɛks ɛn nɔto ɔltin we pɔsin du i de luk.

Prɔvabs 28:14

I go fayn fɔ di pɔsin we de fred ɛn rɛspɛkt PAPA GƆD, bɔt udat mek traŋayes go alaki.

Jɛrimaya 44:10

Dɛn nɔ put dɛnsɛf dɔŋ te tide, ɛn dɛn nɔ rɛspɛkt mi, ɛn nɔ du wetin mi lɔ we a gi una ɛn una fɔstɛmpapa dɛn, se.