Ɛkliziastis 7:9 - Krio Fɔs Oli Baybul

⁹ Nɔ kwik fɔ vɛks bikɔs na fulman gɛt soso vɛksteshɔn nain at.

Ɛkliziastis 7:9 Referans Kwoze

Jems 1:19

Mi Kristiɛn pipul dɛn we a lɛk, una fɔ shap una yes fɔ yɛri wetin pipul de tɔk, bɔt una fɔ tek tɛm tɔk ɛn una at nɔ fɔ de wam kwik.

Prɔvabs 14:17

Udat gɛt shɔtat de mek bɔku bɔku mistek, bɔt yu peshɛnt de tek tiŋs izi.

Prɔvabs 16:32

Fɔ gɛt peshɛnt bɛtɛ pas fɔ gɛt pawa, ɛn udat ebul kɔntrol in tɛmpa bɛtɛ pas udat de win batul.

Mak 6:19

Dat mek Ɛrodias mɛmba bad fɔ Jɔn ɛn i bin want mek dɛn kil am, bɔt i nɔ bin ebul du ɛnitin bikɔs Ɛrɔd nɔ bin gri fɔ kil am.

Jona 4:9

Dat mek PAPA GƆD aks Jona wetin mek i fɔ vɛks pan di plant. Jona se i gɛt rayt fɔ vɛks ɛn i so vɛks dat i want fɔ day.

2 Samiɛl 19:43

Di man dɛn we kɔmɔt Izrɛl ansa se bay rayt dɛn gɛt tɛn fambul na Izrɛl so na dɛn fɔ tɔk mɔ bɔt Devid as dɛn brɔda. Dɛn bigin mek plaba ɛn tɛl dɛn se dɛn nɔ fɔ de luk dɛn lo afta ɔl na dɛn fɔs tɔk se fɔ go briŋ Devid kam bak. So di man dɛn na Juda dɛnsɛf ala fɔ ansa dɛn.

2 Samiɛl 13:22

Absalɔm nɔ se fiŋ to Amɔn. I et Amɔn bikɔs i trit Tama lɛk rare gyal.

2 Samiɛl 13:28

Absalɔm gi in wokman dɛn ɔda se wɛn Amɔn dɔn drink bɔku wayn ɛn de fil fayn, dɛn fɔ wap am ɛn kil am. I se dɛn nɔ fɔ skyad, dɛn fɔ mek maynd as nain gi dɛn ɔda.

Mak 6:24

Di gyal go aks in mama na do wetin in fɔ aks Ɛrɔd fɔ gi am. In mama se, “Tɛl am fɔ gi yu Jɔn we bin de baptayz pipul, in ed.”

2 Samiɛl 13:32

Bɔt Jonadab we na Shimea dat na Devid in brɔda in bɔypikin tɛl di kiŋ se lɛ i nɔ wɔri nɔto ɔl in bɔypikin dɛn dɛn kil. I se na Amɔn nɔmɔ day as Absalɔm bin dɔn de tɔk am frɔm di de we Amɔn rep in sista we na Tama.

Jɛnɛsis 4:8

So Ken tɛl in brɔda Ebɛl lɛ dɛn go na gras fil. We dɛn rich de, Ken fɔdɔm pan in brɔda ɛn kil am.

Prɔvabs 14:29

Udat gɛt shɔtat de sho se in na fulman, bɔt yu nɔ gɛt shɔtat gɛt sɛns.

Ɛkliziastis 7:10

Nɔ bigin aks se wetindu tin bin bɛtɛ fɔstɛm pas naw, bikɔs pɔsin we gɛt sɛns nɔ de aks dɛn kayn kwɛshɔn de.

Prɔvabs 25:8

Wetin yu yay dɔn si, nɔ magomago go tɔk am na kot, bikɔs if ɔda pɔsin go gi witnɛs se na lay yu de lay, yu go put yusɛf pan shem.

Jona 4:3

I pre se mek PAPA GƆD tek in layf sins i go bɛtɛ fɔ am fɔ day pas fɔ gɛt layf.

Jona 4:8

Wɛn san kɔmɔt, PAPA GƆD mek wam wam briz we kɔmɔt na di ist, blo. Dɔn di san so wam dat i bin de bɔn Jonain ed we mek i fent, dɔn i pre fɔ day; i se i bɛtɛ if i day pas we i gɛt layf.