Ɛkliziastis 7:7 - Krio Fɔs Oli Baybul

⁷ Na tru se we tin de mɔna pɔsin we gɛt sɛns, i kin mek i ful, ɛn braybri de mek pɔsin nɔ du wetin rayt.

Ɛkliziastis 7:7 Referans Kwoze

Ditarɔnɔmi 16:19

I se di wan dɛn we dɛn go pik fɔ bi di lida dɛn, nɔ fɔ gɛt yuki yuki; dɛn nɔ fɔ tek brayb bikɔs brayb kin mek sɛns man dɛn mek lɛkɛ dɛn nɔ de si di tru, ɛn dat kin mek dɛn gi rɔŋ to di pɔsin we gɛt rayt, ɛn rayt to di pɔsin we gɛt rɔŋ.

Ɛksodɔs 23:8

Una nɔ fɔ tek brayb na ɛnibɔdi in an, bikɔs brayb de mek pɔsin lɔk in yay ɛn mek inosɛnt pɔsin sɔfa.

Prɔvabs 17:23

Bad pɔsin de ayd tek brayb fɔ lɛ i nɔ go du tiŋs di rayt we.

Ayzaya 1:23

Una bigman dɛn ɔl na rebɛl ɛn de waka wit tifman dɛm. Ɔlman lɛk fɔ tek brayb dɛn de rɔnata prɛzɛnt. Dɛn nɔ fɛt fɔ di wan dɛn we dɛn papa dɔn day, ɛn nɔ bisin bɔt dɛn uman dɛn we dɛn man dɔn day, dɛn kes.

Ɛkliziastis 4:1

A bin si ɔl di bad bad tin dɛn we pipul dɛn de du to dɛn kɔmpin dɛn na wɔl. A si dɛn we dɛn de kray ɛn nɔ gɛt pɔsin fɔ tɛl dɛn ɔsh. Nɔbɔdi nɔ gɛt maynd fɔ ɛp dɛn bikɔs di wan dɛn we de du dɛn bad gɛt pawa.

Prɔvabs 17:8

Brayb kin ple wɔnda lɛkɛ majik to di pɔsin we de gi am; ɛnisay we i brayb in biznɛs de klia.

1 Samiɛl 8:3

Bɔt dɛn nɔ bin tan lɛkɛ am atɔl. Dɛn bin de du wetin dɛn fil fɔ du. Dɛn bin de du ɔlkayn ɔnda-an tin fɔ mek mɔni, tek brayb ɛn de pan soso kukujumuku.

Ditarɔnɔmi 28:65

Dɛn nɔ go gɛt kol at na fɔren land, ɛn dɛn nɔ go gɛt ples we dɛn go se na dɛn yon. PAPA GƆD go mek dɛn nɔ gɛt wan kolat. Dɛn nɔ go gɛt tɛm fɔ blo, dɛn bɔdi dɛn nɔ go fayn, ɛn na kɔtat ɛn pwɛlat nɔmɔ dɛn go de pan;

Ayzaya 33:15

Di pipul dɛn we de waka tret wit PAPA GƆD ɛn de tɔk tret tɔk, pipul we tek di prɔfit we pɔsin we de sɔprɛs pipul de mek, pipul we nɔ de gri tek brayb, pipul we de lɔk dɛn yes we pipul dɛn de plan fɔ shɛd blɔd ɛn de lɔk in yay lɛ i nɔ si bad tin.

1 Samiɛl 12:3

Na mi tinap so frɔnt PAPA GƆD ɛn di wan we i dɔn mek kiŋ. Udat in kaw ɔ dɔŋki a dɔn tek? Udat a dɔn rog ɔ buli wande ɔ udat a dɔn tek brayb nain an fɔ twis di lɔ? If ɛnibɔdi de we go se a du so, a go pe am bak.”

Ɛkliziastis 5:8

Nɔ sɔprayz we yu go ɛnisay ɛn si se dɛn de buli poman ɛn nɔ gi am in rayt; bikɔs di bigman dɛnsɛf gɛt dɛn yon bigman dɛn, ɛn dɛnwandɛnde sɛf gɛt dɛn yon bigman dɛn we pas dɛn.

Ɛkliziastis 8:9

Na ɔl dɛn tin ya a notis we a de lan bɔt dis wɔl; wɔl we pipul we gɛt pawa de sɔprɛs di wan we i gɛt pawa pas te dɛn ambɔg dɛnsɛf.

1 Samiɛl 21:14

Ekish ala pan in man dɛn ɛn aks dɛn wetin mek dɛn kɛr Devid, we na kresman go to am.