Ɛkliziastis 7:5 - Krio Fɔs Oli Baybul

⁵ I bɛtɛ fɔ mek pɔsin lisin wɛn man we gɛt sɛns de tɔk pan am pas fɔ yɛri we fulman de siŋ.

Ɛkliziastis 7:5 Referans Kwoze

Di Sam Dɛm 141:5

We pɔsin we de du wetin rayt, tɔk pan mi, na gud i de du. If i ala pan mi, i go tan lɛk se dɛn trowe wata na mi ed, a nɔ go vɛks. Bɔt a go de pre bɔt di wikɛdnɛs we di bad man de du ɔltɛm.

Rɛvɛleshɔn 3:19

Dɛn pipul we a lɛk na dɛn a kin tɛl se dɛn de du rɔŋ tin ɛn a kin pɔnish dɛn mek dɛn go gɛt sɛns fɔ du wetin rayt. So una kechɔp unasɛf, ɛn lɛf fɔ sin.

Prɔvabs 13:18

Udat nɔ de yɛri wɔd, na po ɛn disgres go mit am, bɔt yu de yɛri wɔd go gɛt rɛspɛkt.

Prɔvabs 27:6

We yu padi ɔpoz yu na we i lɛk yu, bɔt if yu ɛnimi kis yu mm! Yu fɔ fred.

Prɔvabs 17:10

Pɔsin we gɛt sɛns wɛn dɛn kɔrɛkt am de lan mɔ, bɔt i lɛk yu bit fulman wan ɔndrɛd tɛm na fɔ natin.

Prɔvabs 13:13

Udat nɔ yɛri wɔd go pe fɔ in traŋayes, bɔt udat yɛri wɔd go rip di bɛnifit.

Prɔvabs 9:8

Nɔ kɔrɛkt pɔsin we nɔ de tek natin mek natin; if yu du dat i go et yu; bɔt if yu kɔrɛkt yu gɛt sɛns, i go rɛspɛkt yu.

Di Sam Dɛm 69:12

Dɛn wan dɛn we de kip kɔmpin na di siti in get tek mi mek rederaun, dɔn dɛn drɔnkɔman dɛn ɔl de tek mi mek siŋ.

Prɔvabs 6:23

Wetin dɛn dɔn tɛl yu go tan lɛkɛ layt to yu, ɛn ɔl wetin dɛn dɔn tich yu go sho yu aw fɔ liv,

Prɔvabs 25:12

Wɛn pɔsin we gɛt sɛns gi advays to pɔsin we rɛdi fɔ lan, i bɛtɛ pas piɔ gold riŋ ɔ gold chen.

Ɛkliziastis 7:4

Pɔsin we gɛt sɛns kin de tink bɔt pipul we de munin; bɔt fulman in jɛs de mɛmba aw in go ɛnjɔy insɛf.

Ɛkliziastis 9:17

I bɛtɛ fɔ lisin to di saful saful we, we pɔsin we gɛt sɛns de tɔk, pas fɔ de yɛri we dɛn fulman dɛn bigman de ala.

Ɛkliziastis 12:11

Wetin sɛnsman de se tan lɛk we yu fos pɔsin fɔ du sɔntin, ɛn ɔl wetin wan shɛpad dɔn se we dɛn put wan ples, tan lɛk nel we dɛn nak go insay prɔpa wan.