Ɛkliziastis 7:4 - Krio Fɔs Oli Baybul

⁴ Pɔsin we gɛt sɛns kin de tink bɔt pipul we de munin; bɔt fulman in jɛs de mɛmba aw in go ɛnjɔy insɛf.

Ɛkliziastis 7:4 Referans Kwoze

Ozie 7:5

Wɛn di kiŋ gɛt gladi-gladi, di kiŋ in pikin dɛn kin drink te dɛn drɔnk dɔn di kiŋ in kin ivin de ple wit di man dɛn we nɔ gɛt wan rɛspɛkt fɔ am.

Daniɛl 5:30

Da sem nɛt de, dɛn kil Bɛlshaza we na di Babilonian kiŋ.

Jɛrimaya 51:57

A go mek in bigman dɛm ɛn in sɛnsman dɛm, in gɔvna dɛm, in kɔmanda dɛm, ɛn in sojaman dɛm, drɔŋɔ; dɛn go slip ɛvalastin slip ɛn nɔ wek igen, na so di Kiŋ we nem PAPA GƆD Ɔlmayti, se.

Jɛrimaya 51:39

Ɛnti dɛn lɛk bɔku it, a go mek pati fɔ dɛm ɛn mek dɛn drɔnk sote dɛn slip ɛn slip ɛvalastin slip ɛn nɔ wek igen. Na so PAPA GƆD se.

Ayzaya 21:4

Mi maynd nɔ stɛdi, fred dɔn mek a nɔ no wetin fɔ du; di ol ej we a bin de pre fɔ dɔn tɔn tɛm fɔ mi fɔ de trimbul.

1 Kiŋ 20:16

Dɛn lɛf santɛm, di tɛm we Bɛnadad ɛn di ɔda tati-tu kiŋ dɛn we jɔyn gɛŋ wit am bin de na dɛn tɛnt de drink ɛn drɔnk.

2 Samiɛl 13:28

Absalɔm gi in wokman dɛn ɔda se wɛn Amɔn dɔn drink bɔku wayn ɛn de fil fayn, dɛn fɔ wap am ɛn kil am. I se dɛn nɔ fɔ skyad, dɛn fɔ mek maynd as nain gi dɛn ɔda.

1 Samiɛl 30:16

So i kɛr Devid go de. Dɛn mit di man dɛn de, skata ɔlɔbɔt de it ɛn drink, de ɛnjɔy di tin dɛn we dɛn lut to di Filistin dɛn ɛn Juda dɛn land.

1 Samiɛl 25:36

Wɛn Abigɛl tɔn bak, i mit Nebal de mek big big pati lɛkɛ se in na kiŋ. I bin gladi ɛn i bin dɔn tot am. So Abigɛl nɔ se natin to am te do klin.

Neum 1:10

Lɛk aw chukchuk we taŋul de bɔn na faya na so una dɛn drɔnkɔman dɛn gɛt fɔ tan.

Ɛkliziastis 2:1

A tɛl misɛf se a go ɛnjɔy misɛf si. Bɔt eya, dis wan sɛf nɔ gɛt bɛnifit.

Ɛkliziastis 7:3

Fɔ sɔri bɛtɛ pas fɔ gladi bikɔs sɔri de mek pɔsin at machɔ.

Ɛkliziastis 7:5

I bɛtɛ fɔ mek pɔsin lisin wɛn man we gɛt sɛns de tɔk pan am pas fɔ yɛri we fulman de siŋ.