Ɛkliziastis 7:2 - Krio Fɔs Oli Baybul

² I bɛtɛ fɔ go na bɛrin os pas fɔ go na os we gɛt pati; bikɔs ɔl mɔtalman gɛt fɔ day ɛn di wan dɛn we nɔ day yet fɔ de mɛmba dat ɔltɛm.

Ɛkliziastis 7:2 Referans Kwoze

Di Sam Dɛm 90:12

Tich wi fɔ no se wi nɔ gɛt lɔŋ fɔ liv so dat we go gɛt PAPA GƆD in sɛns na wi at.

Ditarɔnɔmi 32:29

If na pipul dɛn we bin de tink dɛn bin fɔ dɔn no wetin go bi to dɛn if dɛn du wetin dɛn du so.

Di Ibru Pipul Dɛn 9:27

Na wan tɛm ɔlman gɛt fɔ day, ɛn afta dɛn dɔn day Gɔd go jɔj dɛn fɔ ɔl wetin dɛn bin du.

Ditarɔnɔmi 32:46

I tɛl dɛn se, “Una kip ɔl wetin a dɔn tɛl una na una at, so dat una go ebul tich una pikin dɛn fɔ obe PAPA GƆD in lɔ dɛn.

Lɛta Fɔ Filipay 3:19

Bɔt dɛn pipul ya go go na ɛl, bikɔs dɛn tek ɔl wetin dɛn want fɔ dɛnsɛf tɔn dɛn to dɛn yon gɔd; ɛn dɛn tin we fɔ mek dɛn shem, nain dɛn de gladi fɔ. Dɛn put ɔl dɛn at pan dɛn tin we de na dis wɔl.

Matyu 5:4

“Dɛn wan we de kray, gɛt blɛsin, bikɔs Gɔd go mek dɛn gladi!

Egay 1:5

PAPA GƆD we na PAPA GƆD Ɔlmayti se dɛn fɔ tink gud bɔt wetin dɛn de apin to dɛn.

Ayzaya 47:7

Yu bin se “A go a bi misis sote go,” ɛn dat bin mek yu nɔ put dɛn tin ya na yu at ɔ mɛmba aw dɛn bin dɔn.

Di Nɔmba Dɛm 23:10

Udat ebul fɔ kɔnt Izrɛl in jɛnareshɔn dɛn. Udat ebul fɔ kɔnt af ɔf dɛnsɛf. Lɛ a day lɛk udat no PAPA GƆD lɛ mi layf ɛnd lɛk dɛn yon.

Malakay 2:2

I se, if dɛn nɔ lisin to wetin in de se, ɛn nɔ want gi am glori, in PAPA GƆD Ɔlmayti go swɛ dɛn. I nɔ go blɛs dɛn. Di blɛsin we dɛn bin dɔn gɛt sɛf go tɔn swɛ. A dɔn swɛ dɛn ɔlrɛdi bikɔs dɛn nɔ siriɔs pan wetin dɛn de du.

Ɛkliziastis 2:14

Pɔsin we gɛt sɛns no wetin i de du, bɔt fulman nɔ no. Bɔt a si se na di sem we dɛn ɔl de ɛnd.

Ɛkliziastis 2:16

Dɛn de fɔgɛt bɔt di man we gɛt sɛns semweso lɛk di fulman. Dɛn nɔ de mɛmba dɛn sote go. Di man we gɛt sɛns de day jɛs lɛk di fulman!

Ɛkliziastis 3:19

Mɔtalman ɛn animal de ɛnd di sem we; na day wi dɛn gɛt fɔ day. Na di sem kayn layf ɔltu gɛt, ɛn mɔtalman nɔ bɛtɛ pas animal; ɔl na fɔ natin.

Ɛkliziastis 3:20

Na bɛr dɛn de bɛr dɛn ɔltu. Na dɔti dɛn tek mek dɛn ɛn na dɔti dɛn de go bak we dɛn day.

Ɛkliziastis 6:6

I lɛk i de na wɔl fɔ tu tawzin ia ɛn nɔ ɛnjɔy natin, nɔto di sem ples dɛn ɔltu de go?

Ɛkliziastis 9:2

na fɔ natin. Na di sem tin de bi to dɛn ɔl; di wan we de waka tret wit PAPA GƆD ɛn di wan we nɔ de waka tret wit PAPA GƆD, di wan we gud ɛn to di wan we nɔ gud, di wan we klin na PAPA GƆD yay ɛn di wan we nɔ klin na PAPA GƆD yay, di wan we de mek sakrifays ɛn di wan we nɔ de mek sakrifays. Na di sem tin we de bi to di wan we de kɔmit sin, de bi to di wan we nɔ de kɔmit sin; na di sem tin de apin to di wan we de swɛ ɛn di wan we nɔ de swɛ.

Ɛkliziastis 9:3

Wan bad bad tin de bi na di wɔl; dat na we na di sem kayn tin de apin to ɔlman. Wetin bad mɔ, na dat na so so bad bad tin de na dɛn at; na kres kres tin kin de na dɛn at we dɛn de na wɔl. Afta ɔl dat, dɛn kin day go.

Jɛrimaya 16:8

Yu nɔ fɔ go insay ɛni os we dɛn de mek gladi gladi, fɔ sidɔm wit dɛm, fɔ it ɛn drink.

Ɛkliziastis 9:5

Di wan we nɔ day yet no se in gɛt fɔ day, bɔt dayman nɔ de no natin. Dɛn nɔ gɛt fɔ gɛt natin igen ɛn pipul nɔ gɛt tɛm fɔ mɛmba dɛn igen sɛf.