Ɛkliziastis 7:13 - Krio Fɔs Oli Baybul

¹³ Tink bɔt PAPA GƆD in wok; Udat go ebul tret wetin PAPA GƆD dɔn bɛn?

Ɛkliziastis 7:13 Referans Kwoze

Ɛkliziastis 1:15

Wetin dɔn bɛn nɔ go tret igen, ɛn yu nɔ go ebul kɔnt wetin nɔ de.

Job 12:14

If i pwɛl sɔntin, nɔbɔdi nɔ ebul mek am bak; ɛn we i lɔk ɛni do, nɔbɔdi nɔ go ebul opin am.

Ayzaya 5:12

Dɛn gɛt git ɛn ap, tamborin ɛn flut ɛn wayn na dɛn pati dɛn; Bɔt dɛn nɔ bisin bɔt wetin PAPA GƆD de du ɔ ivin si di wok we i de wok.

Ɛkliziastis 3:11

I mek ɔltin fayn fɔ bi di tɛm we i fɔ bi, dɔn i mek mɔtalman de wɔndrin bɔt wetin gɛt fɔ apin nɛks wɔl, bɔt pan ɔl dat, wi nɔ ebul ɔndastand PAPA GƆD in wok.

Lɛta Fɔ Ɛfisɔs 1:11

Ɔltin go bi lɛkɛ aw Gɔd dɔn mak ɛn lɛkɛ aw i want dɛn fɔ bi. Gɔd dɔn pik wi fɔ mek wi bi in yon pipul we wi gɛt wanwɔd wit Krays, bikɔs na dat i want ɛn na dat i bin dɔn plan frɔm we di wɔl bigin.

Ayzaya 14:27

Na PAPA GƆD Ɔlmayti dɔn plan am so, udat go se nɔ? I dɔn tret in an, udat go tap am.

Di Sam Dɛm 107:43

Udat no wetin bɛtɛ, fɔ de mɛmba ɔl dɛn tin dɛn ya ɛn tink bɔt di kayn lɔv we PAPA GƆD gɛt fɔ mɔtalman.

Lɛta Fɔ Rom 9:19

So wan pan una go aks mi se, “If na so Gɔd de du, wɛl, wetindu i go blem ɛnibɔdi? Udat de we go se in nɔ go du wetin Gɔd want am fɔ du?”

Lɛta Fɔ Rom 9:15

Wɛn Gɔd de tɔk to Mozis, i se, “A go sɔri fɔ ɛnibɔdi we a want sɔri fɔ.”

Ayzaya 43:13

“Na Mi na Gɔd, ɛn igen, as frɔm naw, na Mi na Im; Nɔbɔdi nɔ de we ebul pul pɔsin kɔmɔt na mi an. We a de wok, udat go ambɔg am?”

Job 37:14

“Job, lisin: sidɔm ɛn tink bɔt di wɔndaful tin dɛn we PAPA GƆD de du.

Daniɛl 4:35

Ɔl udat tap na di wɔl nɔ min natin; ɛn i de du wetin i want wit ɔl di wan dɛn we de na ɛvin ɛn ɔl di wan dɛn we de na di wɔl; ɛn nɔbɔdi nɔ go ebul fɔ tap am ɔ aks am se, “Wetin yu de du?”

Di Sam Dɛm 8:3

Wɛn a tink bɔt di tin dɛn ɔp klawd we yu tek yu an mek, di mun ɛn di sta dɛn we yu put na di skay,

Job 34:29

We in nɔ kɔndɛm, udat fɔ kɔndɛm? We i ayd in fes, udat go si am, i lɛk na wanol neshɔn ɔ na wangren pɔsin?

Job 11:10

If PAPA GƆD disayd fɔ arɛst pɔsin, ɛn mek kes fɔ am, udat go ebul tap am?

Job 9:12

I de tek wetin i want ɛn nɔbɔdi nɔ ebul tap am; Nɔbɔdi nɔ go aks am wetin i de du sɛf;

Ɛkliziastis 8:17

na da tɛm de a ebul fɔ si ɔl wetin PAPA GƆD de du, we nɔbɔdi na dis wɔl nɔ go ebul ɔndastand. I lɛk aw dɛn tray fɔ fɛnɔt te, dɛn nɔ go ebul. Ɔl we dɛn sɛnsman dɛn de se dɛn gɛt sɛns, dɛn nɔ go ɛva ebul fɛnɔt PAPA GƆD in wok.

Lyuk 12:26

If una nɔ ebul du smɔl tin lɛkɛ dat, wetin mek una fɔ de wɔri fɔ dɛn ɔda tin?