Ɛkliziastis 7:12 - Krio Fɔs Oli Baybul

¹² We yu kip yu sɛns fɔ yu jab, i tan lɛk we yu kip mɔni fɔ bambay; ɛn di advantej we yu go gɛt we yu lan, na dat, sɛns kin mek yu layf lɔŋ.

Ɛkliziastis 7:12 Referans Kwoze

Prɔvabs 8:35

Udat fɛn mi go gɛt lɔŋ layf, ɛn PAPA GƆD sɛf go blɛs am;

Prɔvabs 3:18

Sɛns tan lɛkɛ tik we de gi lɔŋ layf to dɛn wan we gɛt am; i fayn fɔ udat gɛt sɛns.

Prɔvabs 2:7

I de gi udat tret pawa fɔ gen viktri. I de kɔba dɛn wan we nɔ de pan bɛnbɛn.

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Jɔn 12:50

Ɛn di wɔd we mi Papa tɛl mi fɔ tɔk de mek pipul gɛt layf we go de sote go. So na wetin mi Papa tɛl mi fɔ tɔk, a de tɔk.”

Prɔvabs 11:4

Mɔni nɔ de sev pɔsin wɛn in tɛm rich fɔ day, bɔt if i ɔnɛs, PAPA GƆD go sev am.

Di Jɔj Dɛm 9:15

Nain chuk chuk bush se if dɛn min am fɔ tru, lɛ dɛn go ayd ɔnda in shed, if nɔ so, lɛ in chuk chuk branch dɛn pul faya ɛn bɔn di Sida dɛn na Libanɔn.

Lɛta Fɔ Filipay 3:8

Natin sɛf nɔ de na wɔl we min ɛnitin to mi igen fɔseka Krays, bikɔs fɔ no am bɛtɛ fawe pas ɛnitin na wɔl. Fɔ in sek a dɔn lɛf ɔltin so dat Krays go tek mi lɛkɛ in yon. Ɔl dɛn tin we a bin de du fɔstɛm, a luk se dɛn nɔ bɛtɛ naw, bikɔs Krays dɔn bi mi gen;

Ayzaya 33:6

ɛn nain go bi di wanwɔd ɛn kolat una tɛm, salveshɔn abɔmpa, sɛns ɛn sabi go de; Na fɔ fred PAPA GƆD nain jɛntri.

Ayzaya 32:2

Ich ɛn ɛvri wan go bi lɛk ples fɔ ayd wɛn briz de blo, ples fɔ ayd we ebi briz de blo, lɛk watasay dɛn we de rɔn na dray ples, lɛk di shed we rɔk de mek usay di land dɔn taya.

Prɔvabs 9:11

If yu gɛt sɛns yu go liv lɔŋ na wɔl, ɛn yu go de te yu ol.

Prɔvabs 2:11

yu go gɛt pawa fɔ de si fa ɛn ɔndastand,

Di Sam Dɛm 57:1

Nɔ fɔgɛt mi O, PAPA, av masi, bikɔs na to yu nɔmɔ a de luk fɔ kɔba mi. Na yu nɔmɔ ebul kɔba mi lɛkɛ aw fɔl de kɔba in pikin, so a go ayd to yu te di trɔbul dɛn dɔn.

Job 1:10

I se PAPA GƆD dɔn mek i nɔ ebul du in, in famili ɛn ɔl wetin i gɛt natin. I se PAPA GƆD dɔn mek bɛtɛ de fala Job pan ɔl wetin i de du ɛn dɔn gi am animal dɛn ɔlɔbɔt na di land.

Ditarɔnɔmi 32:47

I tɛl dɛn igen se, nɔto fɔ natin in bin de tich dɛn ɔl wetin i dɔn tich dɛn, bɔt na fɔ dɛn yon vɛri layf. I tɛl dɛn se if dɛn obe di lɔ dɛn, dɛn go gɛt lɔŋ layf na di land we dɛn bin de rɛdi fɔ krɔs Riva Jɔdan go kapchɔ.

Ayzaya 30:2

we bɔn rod de go dɔŋ Ijipt, we dɛn nɔ aks mi advays fɔ go tek kɔba ɔnda Fero in pawa ɛn fɛn shɛlta ɔnda Ijipt in shado!

Prɔvabs 14:20

Poman nɔ de gɛt padi, in neba dɛnsɛf nɔ de maks am; as fɔ jɛntri man, in de gɛt bɔku bɔku padi.

Ɛkliziastis 2:13

Na da tɛm de a si se fɔ gɛt sɛns bɛtɛ pas fɔ fulish; jɛs lɛk aw layt bɛtɛ fafawe pas daknɛs.

Ɛkliziastis 7:19

Sɛns kin mek pɔsin gɛt pawa pas we tɛn pɔsin de rul wan siti.

Ɛkliziastis 9:16

Na dat mek a se sɛns bɛtɛ pas trɛnk, bɔt nɔbɔdi nɔ fil se poman fɔ gɛt sɛns ɛn dɛn nɔ de lisin to am sɛf.

Ɛkliziastis 9:18

Fɔ gɛt sɛns bɛtɛ pas fɔ gɛt tin dɛn fɔ tek fɛt, ɛn na wan rɔtin fish de pwɛl ɔl di ɔda wan dɛn.

Ɛkliziastis 10:19

Fɔ it na fɔ ɛnjɔy, wayn de mek yu at layt, ɛn mɔni de mek yu nɔ krach yu ed fɔ natin.