Ɛkliziastis 6:9 - Krio Fɔs Oli Baybul

⁹ We yu si sɔntin, bɛtɛ pas we yu de swɛla pit fɔ tin we yu nɔ si; ɔl na fɔ natin ɛn i tan lɛk we pɔsin de tray fɔ kech briz.

Ɛkliziastis 6:9 Referans Kwoze

Ɛkliziastis 1:14

A dɔn si ɔl wetin de bi na wɔl, bɔt usay, ɔltin na fɔ natin ɛn na lɛk fɔ rɔnata briz.

Job 31:7

If a de waka bad wit PAPA GƆD, ɛn if na dis wɔl yon jɛntri a de fala, ɛn if mi an nɔ klin,

Ɛkliziastis 11:9

Ɛnjɔy yusɛf, yɔŋman, we yu yɔŋ, ɛn lɛ yu at mek yu gladi we yu yɔŋ. Du wetin yu at tɛl yu ɛn tek wetin yu si we yu lɛk, bɔt no se fɔ ɔl dɛn tin dɛn de, PAPA GƆD go jɔj yu.

Ɛkliziastis 6:2

PAPA GƆD kin gi sɔm pipul dɛn jɛntri, prɔpati ɛn rɛspɛkt, so dat dɛn nɔ kin krach dɛn ed fɔ natin. Bɔt PAPA GƆD nɔ kin mek i ebul ɛnjɔy ɔl dɛn tin dɛn de; na trenja kin kam ɛnjɔy dɛn; dis na fɔ natin. Na tin we penful.

Ɛkliziastis 5:18

Wetin mi tink se rayt fɔ du, na fɔ it ɛn drink ɛn ɛnjɔy wetin yu de yagba fɔ di shɔt tɛm we yu gɛt fɔ de na wɔl; na so PAPA GƆD se i fɔ bi fɔ mɔtalman.

Ɛkliziastis 4:4

A si se ɔl di wok ɛn sɛns we mɔtalman de sho pan in wok na bikɔs i wan tan lɛk ɔda pɔsin. Bɔt ɔl dat na fɔ natin. I tan lɛk we yu de tray fɔ kech briz.

Ɛkliziastis 2:11

Dɔn a bigin tink bɔt ɔl wetin a bin dɔn du ɛn aw a wok traŋa wan fɔ du dɛn, bɔt oya, ɔl na fɔ natin. I tan lɛk we pɔsin de rɔnata briz; i nɔ de prɔfit pɔsin natin na dis wɔl.

Ɛkliziastis 1:2

Di Pricha se di natin we pas ɔl natin na wɔl! Di natin we pas ɔl natin na wɔl! Ɔl na fufafu.

Jɛrimaya 2:20

“Bikɔs una dɔn lɛf fɔ wok fɔ mi lɔlɔntɛm ɛn nɔ de du wetin a se una fɔ de du igen, ɛn una se, “A nɔ go sav yu igen” Yɛs, na pantap ɔl dɛn ay il ɛn ɔnda ɔl dɛn grin tik una de butu to dɛn lay lay gɔd dɛn lɛk rare gyal.

Ɛkliziastis 1:17

A tray ɛn fɛnɔt wetin i min fɔ gɛt sɛns, fɔ kres ɛn fɔ fulish. A fɛnɔtt se ɔl dat sɛf na fɔ natin.