Ɛkliziastis 6:7 - Krio Fɔs Oli Baybul

⁷ Ɔl wetin pɔsin de yagba fɔ, na fɔ mek i gɛt wetin fɔ it, bɔt pan ɔl dat, di bɛlɛ nɔ de satisfay.

Ɛkliziastis 6:7 Referans Kwoze

Jɔn 6:27

Una nɔ fɔ wok fɔ di it we go pwɛl, bɔt una fɔ wok fɔ di it we de gi layf we go de sote go. Na di it dat we Mɔtalman Pikin go gi una fɔ it, bikɔs na Mɔtalman Pikin, Gɔd we na di Papa dɔn sho se in gri fɔ.”

Prɔvabs 16:26

Udat no se i lɛk in bɛlɛ, de wok fɔ lɛ i gɛt tin fɔ it.

Matyu 6:25

“Na dat mek a de tɛl una se: una nɔ wɔri fɔ wetin una go it, drink, ɔ wɛr. Layf nɔ pas tin fɔ it? Di bɔdi nɔ pas tin fɔ wɛr?

Lyuk 12:19

Wɛn a dɔn du dat, a go de tɔk to misɛf se, yu dɔn gɛt plɛnti it ɛn plɛnti ɔda tin na sto ɛn i go te bifo dɛn dɔn, so naw, nɔ wɔri bɔt ɛnitin, jɛs de it, drink ɛn ɛnjɔy yusɛf!’

Ɛkliziastis 6:3

Pɔsin kin bɔn wan ɔndrɛd pikin ɛn de te i ol; bɔt i nɔ mata aw lɔŋ i liv, if i nɔ ɛnjɔy layf ɛn we i day dɛn nɔ mek soba bɛrin fɔ am, pikin we bɔn day wan sɛf bɛtɛ pas am.

Ɛkliziastis 5:10

Pɔsin we lɛk mɔni nɔ de ɛva satisfay wit mɔni; ɛn udat lɛk jɛntri nɔ de satisfay wit in prɔfit: dis insɛf na fɔ natin.

Ɛkliziastis 6:8

Di sem bɛnifit we di man we gɛt sɛns gɛt, na di sem bɛnifit di fulman insɛf gɛt. Wetin di poman gɛt fɔ bɛnifit if i no aw fɔ waka na layf?

Ɛkliziastis 1:8

Ɔltin na wɔl kin mek yu fɛdɔp; mɔtalman mɔt nɔ ebul fɔ tɔk am; yay nɔ de taya fɔ si, ɛn yes nɔ de taya fɔ yɛri.

Ɛkliziastis 5:9

Na wetin dɛn kin plant na kɔntri, di kiŋ sɛf kin abop pan.