Ɛkliziastis 6:6 - Krio Fɔs Oli Baybul

⁶ I lɛk i de na wɔl fɔ tu tawzin ia ɛn nɔ ɛnjɔy natin, nɔto di sem ples dɛn ɔltu de go?

Ɛkliziastis 6:6 Referans Kwoze

Ɛkliziastis 3:20

Na bɛr dɛn de bɛr dɛn ɔltu. Na dɔti dɛn tek mek dɛn ɛn na dɔti dɛn de go bak we dɛn day.

Di Ibru Pipul Dɛn 9:27

Na wan tɛm ɔlman gɛt fɔ day, ɛn afta dɛn dɔn day Gɔd go jɔj dɛn fɔ ɔl wetin dɛn bin du.

Job 30:23

Yɛs, a no se na kil yu wan kil mi, ɛn kɛr mi go usay mɔtalman dɛn kin mit we dɛn day.

Jɛrimaya 17:6

In na lɛk bush we natin nɔ de gro na di ɛmti ples we pɔsin nɔ go ebul tap, ɛn bɛtɛ nɔ go fala am. I go tap na dɛn ston ston say na di dray ɛn ɛmti ples, na di ples we sɔl de plɛnti ɛn nɔbɔdi nɔ tap.

Ayzaya 65:22

Dɛn nɔ go bil, ɔda pɔsin go tap de; dɛn nɔ go plant, ɔda pɔsin go it; bikɔs, na lɛk aw tik de te na wɔl, na so mi pipul dɛn go liv lɔŋ, ɛn mi pipul dɛn we a dɔn pik go ɛnjɔy wetin dɛn wok fɔ, fɔ lɔng.

Ayzaya 65:20

Pipul de rɔn wata na yay, ɛn trɔbul kray; fɔ lɛ pikin liv fɔ tu tri de ɛn day ɔ lɛ ol pɔsin day bifo in tɛm, nɔ go bi insay de igen, bikɔs pikin go ol ɔndrɛd ia bifo i day ɛn dɛn go si di wan we day bifo i ol ɔndrɛd se, i gɛt swɛ.

Ɛkliziastis 12:7

ɛn dɔti go bak usay i kɔmɔt, dɔn di sol go bak to PAPA GƆD we bin gi yu am.

Ɛkliziastis 6:3

Pɔsin kin bɔn wan ɔndrɛd pikin ɛn de te i ol; bɔt i nɔ mata aw lɔŋ i liv, if i nɔ ɛnjɔy layf ɛn we i day dɛn nɔ mek soba bɛrin fɔ am, pikin we bɔn day wan sɛf bɛtɛ pas am.

Di Sam Dɛm 34:12

Udat lɛk in layf ɛn want fɔ ɛnjɔy am?

Job 7:7

Nɔ fɔgɛt se mi layf tan lɛk briz; i tan lɛk na dɔn mi yon ɛnjɔymɛnt dɔn so.

Job 1:21

I se, ‘we a bɔn, a nɔ kam wit natin, semweso we a day, a nɔ gɛt fɔ kɛr natin go; na PAPA GƆD gi mi ɔl wetin a gɛt ɛn na PAPA GƆD dɔn tek dɛn na mi an bak; mek ɔlman prez in nem.’

Jɛnɛsis 5:5

Adam ol nayn ɔndrɛd ɛn tati ia we i day.

Ɛkliziastis 2:14

Pɔsin we gɛt sɛns no wetin i de du, bɔt fulman nɔ no. Bɔt a si se na di sem we dɛn ɔl de ɛnd.

Ɛkliziastis 6:5

we yu luk am gud, i nɔ si san wande ɛn nɔ no natin; bɔt i de rɛst wit kol at pas dɛn jɛntriman dɛn we nɔ de ɛnjɔy dɛn jɛntri.

Ɛkliziastis 7:2

I bɛtɛ fɔ go na bɛrin os pas fɔ go na os we gɛt pati; bikɔs ɔl mɔtalman gɛt fɔ day ɛn di wan dɛn we nɔ day yet fɔ de mɛmba dat ɔltɛm.

Ɛkliziastis 9:2

na fɔ natin. Na di sem tin de bi to dɛn ɔl; di wan we de waka tret wit PAPA GƆD ɛn di wan we nɔ de waka tret wit PAPA GƆD, di wan we gud ɛn to di wan we nɔ gud, di wan we klin na PAPA GƆD yay ɛn di wan we nɔ klin na PAPA GƆD yay, di wan we de mek sakrifays ɛn di wan we nɔ de mek sakrifays. Na di sem tin we de bi to di wan we de kɔmit sin, de bi to di wan we nɔ de kɔmit sin; na di sem tin de apin to di wan we de swɛ ɛn di wan we nɔ de swɛ.