Ɛkliziastis 6:2 - Krio Fɔs Oli Baybul

² PAPA GƆD kin gi sɔm pipul dɛn jɛntri, prɔpati ɛn rɛspɛkt, so dat dɛn nɔ kin krach dɛn ed fɔ natin. Bɔt PAPA GƆD nɔ kin mek i ebul ɛnjɔy ɔl dɛn tin dɛn de; na trenja kin kam ɛnjɔy dɛn; dis na fɔ natin. Na tin we penful.

Ɛkliziastis 6:2 Referans Kwoze

Ɛkliziastis 5:19

Bɔt igen, fɔ di wan dɛn we PAPA GƆD gi mɔni ɛn prɔpati ɛn mek dɛn ebul ɛnjɔy am, ɛn tek am so se na so PAPA GƆD se, ɛn dɛn ebul ɛnjɔy dɛn lebɔ– na PAPA GƆD blɛs dɛn.

Di Sam Dɛm 17:14

Pul mi kɔmɔt na dɛn an, dɛn, we na dis wɔl nɔmɔ dɛn abop pan. Bɔt lɛ dɛn wan we lɛk yu gɛt wetin dɛn want ɔltɛm; lɛ dɛn pikin ɛn grampikin dɛnsɛf gɛt pasmak.

Di Sam Dɛm 73:7

Dɛn nɔ gɛt filin so dɛn nɔ bisin bɔt wetin dɛn de du; na bad nɔmɔ dɛn de mɛmba

1 Kiŋ 3:13

Dɔn igen, a go gi yu wetin yu nɔ aks fɔ sɛf, dat na jɛntri ɛn ɔna, so dat te yu day nɔn kiŋ nɔ go ɛva tan lɛk yu.

Lamɛnteshɔn 5:2

Dɛn dɔn gi ɔl wetin wi gɛt to trenja dɛn, na fɔrina dɛn gɛt wi os dɛn.

Di Sam Dɛm 39:6

Mɔtalman in layf jɛs tan lɛkɛ shado, we san de ɔp, yu de si am, as san go dɔŋ so, i lɔs, ɔl in gbiŋbin na fɔ natin; di jɛntri sɛf we i de gɛda, i nɔ no udat go gɛt am we i day.

Ozie 7:9

Dɛn nɔ no sɛf se di fala we dɛn de fala fɔrina de ambɔg dɛn. Dɛn tan lɛk we pɔsin dɔn gɛt wet ia bɔt i nɔ no se in trɛnk ɔl dɔn dɔn.

Daniɛl 5:18

Kiŋ, na PAPA GƆD we ay pas ɔl bin mek Nɛbyukadnɛza, we na yu papa, kiŋ, ɛn gi am pawa, gud nem ɛn rɛspɛkt.

Ɛkliziastis 5:16

Na ɔda tin dis we de mɔna mi; aw dɛn kam na wɔl, na so dɛn de go bak; so wetin pɔsin de fɛt fɛt fɔ na di wɔl?

Ɛkliziastis 4:8

Pɔsin we nɔ gɛt nɔbɔdi; we nɔ gɛt pikin ɔ ivin brɔda, bɔt de wok traŋa traŋa wan ɛn nɔ de satisfay wit wetin dɛn gɛt, nɔ de ɛva sidɔm ɛn aks insɛf se udat dɛn de wok ɔl da wok de fɔ, ɛn nɔ de ebul ɛnjɔy in layf. Dis sɛf na natin ɛn nɔ de mek pɔsin gladi.

Ɛkliziastis 4:4

A si se ɔl di wok ɛn sɛns we mɔtalman de sho pan in wok na bikɔs i wan tan lɛk ɔda pɔsin. Bɔt ɔl dat na fɔ natin. I tan lɛk we yu de tray fɔ kech briz.

2 Kronikuls 1:11

Nain PAPA GƆD ansa Sɔlɔmɔn se, “Bikɔs na dat de na yu at, ɛn nɔ aks fɔ prɔpati, jɛntri, ɔna ɔ fɔ yu ɛnimi dɛn layf, ɛn yu nɔ ivin aks fɔ lɔŋ layf, bɔt yu aks fɔ sɛns ɛn sabi fɔ yusɛf mek yu go ebul rul mi pipul dɛn we a dɔn mek yu kiŋ oba dɛn,

1 Kronikuls 29:28

Afta dat, i day we i bin dɔn ol bad bad, i bin liv lɔŋ, i bin jɛntri ɛn bin gɛt rɛspɛkt; ɛn na Sɔlɔmɔn we nain bɔypikin bin tek in ples as kiŋ.

1 Kronikuls 29:25

So PAPA GƆD gi Sɔlɔmɔn ay ay rɛspɛkt na di wanol Izrɛl dɛn yay, ɛn gi am bi big ɔna we nɔn kiŋ bifo am na Izrɛl nɔ gɛt.

Di Jɔj Dɛm 18:10

Dɛn tɛl dɛn igen se, di pipul dɛn nɔ go de mɛmba se dɛn go atak dɛn. Dɛn se na big land ɛn natin nɔ de we dɛn go want we nɔ de de, ɛn PAPA GƆD dɔn gi dɛn di land.

Ditarɔnɔmi 28:43

Bɛtɛ go fala di fɔrina dɛn, ɛn dɛn go gɛt pawa na dɛn land pas dɛn we gɛt dɛn land; dɛn di Izrɛlayt dɛn go jɔs de po we di fɔrina dɛn go jɔs de jɛntri.

Ditarɔnɔmi 28:33

Pipul dɛn we dɛn nɔ no wande, go kam it ɔl wetin dɛn wok fɔ, ɛn trit dɛn bad bad na dɛn yon kɔntri.

Ɛkliziastis 5:13

Wan bad tin de we de apin na dis wɔl, na dat jɛntriman de gɛda jɛntri te i mɔna dɛn,

Ayzaya 55:2

Wetin du una de spɛnd una kɔpɔ pan tin we nɔto tin fɔ it, ɛn put yu lebɔ pan tin we nɔ de mek yu satisfay? Lisin mi gud gud wan, ɛn it wetin gud, ɛn gladi fɔ dɛn rich it dɛn.

Ɛkliziastis 5:18

Wetin mi tink se rayt fɔ du, na fɔ it ɛn drink ɛn ɛnjɔy wetin yu de yagba fɔ di shɔt tɛm we yu gɛt fɔ de na wɔl; na so PAPA GƆD se i fɔ bi fɔ mɔtalman.