Ɛkliziastis 6:12 - Krio Fɔs Oli Baybul

¹² Udat no wetin gud fɔ mɔtalman we na tu- tri de i gɛt na di fɔnatin-wɔl, ɛn in layf de pas lɛk shado? Udat de we go ebul tɛl pipul wetin go apin bambay?

Ɛkliziastis 6:12 Referans Kwoze

Jems 4:14

Bɔt una nɔ no wetin go bi to una tumara. Una layf tan lɛkɛ fɔg we kin de wan minit, di ɔda minit i dɔn lɔs.

Ɛkliziastis 3:22

So a si se natin nɔ bɛtɛ pas fɔ mek mɔtalman ɛnjɔy wetin i de du, bikɔs na dat PAPA GƆD se fɔ bi to am; nɔbɔdi nɔ go ebul tɛl am wetin go bi wɛn i dɔn day.

Job 14:2

I kin bigin layf frɛsh wan lɛk flawa, bɔt kin wida leta; I kin jɛs lɔs lɛk shado ɛn yu nɔ si am igen

Di Sam Dɛm 144:4

Mɔtalman layf na lɛk briz; i kin lɔs kwik lɛkɛ shado.

Ɛkliziastis 8:13

bɔt i nɔ go bi fɔ di bad man. In layf go tan lɛk shado ɛn i mɔs day kwik, bikɔs i nɔ de fred PAPA GƆD.

Ɛkliziastis 8:7

Fɔ tru, dɛn nɔ no wetin fɔ bi, bikɔs nɔbɔdi nɔ ebul tɔk aw i go bi.

Job 8:9

wi nɔ de liv lɔŋ, so wi nɔ no natin, bikɔs wi layf tan lɛk we shado kin lɔs.

1 Kronikuls 29:15

Bikɔs win na trenja dɛn to yu; pipul dɛn we kam tap jɛs lɛk wi fɔstɛm-papa dɛn; wi tɛm na dis wɔl na lɛk shado ɛn nɔbɔdi nɔ go tap ya sote go.

Ɛkliziastis 12:13

Tɔk am go, tɔk am kam, una dɔn yɛri ɔltin. Fred PAPA GƆD ɛn du wetin i se fɔ du; bikɔs na dat nɔmɔ mɔtalman gɛt fɔ de du.

Ɛkliziastis 9:6

Di lɛk we dɛn lɛk ɔ di et we dɛn et ɛn di jɛlɔs we dɛn de jɛlɔs dɔn dɔn; dɛn nɔ go ɛva du tin na dis wɔl igen

Ɛkliziastis 2:3

A se mek a si aw i tan fɔ drink rɔm– bɔt a bin stil de yuz mi sɛns we bin de gyad mi. A bin wan no igen aw fulish pɔsin kin fil, so dat a go no wetin gud fɔ mɔtalman na dis wɔl we na shɔt tɛm nɔmɔ i gɛt na wɔl.

Di Sam Dɛm 109:23

A de lɔs lɛkɛ ivintɛm shado, dɔn a fiba lokɔs we fama de shek kɔmɔt pan plant.

Di Sam Dɛm 102:11

Mi layf tan lɛk ivintɛm shado; na day a de day so; a go wida ɛn day lɛk gras.

Di Sam Dɛm 17:15

Dɛn lɛ mi we nɔ gilti pan natin, gladi we a wek bikɔs a de usay yu want ɔltɛm, we na nia yu.

Di Sam Dɛm 4:6

Bɔku pipul de aks se udat go du gud to dɛn; PAPA GƆD duya du gud to wi!

Job 14:21

Ivin if in pikin dɛn gɛt big rɛspɛkt na layf, i nɔ go no natin; if na disgres sɛf mit dɛn, i nɔ go no natin bɔt dat.

Mayka 6:8

Bɔt i dɔn sho una wetin gud ɛn wetin i want. Dat na fɔ lɛ una trit una kɔmpin fia wan, ɛn lɛk fɔ du gud, gɛt lɔv we nɔ de ɛva chenj ɛn put unasɛf dɔŋ fɔ du wetin PAPA GƆD want una fɔ du.

Di Sam Dɛm 89:47

Mɛmba se, layf shɔt. Na so yu mek wi, mɔtalman.

Di Sam Dɛm 47:4

Nain chuz wi jɛntri fɔ wi ɛn wi gladi ɛn prawd as Jekɔb in pikin dɛn we i lɛk.

Di Sam Dɛm 16:5

PAPA GƆD, yu dɔn gi mi wetin a want ɛn mi layf de na yu an.

Ɛkliziastis 2:24

Di bɛst tin fɔ mɔtalman fɔ du, na fɔ it drink ɛn ɛnjɔy wetin i dɔn wok fɔ. A biliv se na so PAPA GƆD want am fɔ bi.

Ɛkliziastis 6:11

Di mɔ pɔsin de tɔk tɔk, na di mɔ yu de si se layf na fɔ natin; aw naw yu go se wan pɔsin bɛtɛ pas in kɔmpin.

Ɛkliziastis 7:15

Na dis mi layf we nɔ min natin, mi yay dɔn si ɔltin; man de we de waka tret wit PAPA GƆD kin day de waka tret, bɔt wikɛd man kin gɛt lɔŋ layf pan ɔl we dɛn de du bad.

Ɛkliziastis 9:9

Ɛnjɔy yusɛf wit di wɛf we yu lɛk, na dis fɔnatin layf we PAPA GƆD gi yu na dis wɔl, bikɔs na so PAPA GƆD se i fɔ bi fɔ yu, ɛn na pat di wok we yu de wok na dis wɔl.

Ɛkliziastis 10:14

pan ɔl dat fulman stil de tɔk bɔku. Nɔbɔdi nɔ no wetin gɛt fɔ bi ɛn nɔbɔdi nɔ go ebul tɔk wetin go apin bambay.