Ɛkliziastis 6:11 - Krio Fɔs Oli Baybul

¹¹ Di mɔ pɔsin de tɔk tɔk, na di mɔ yu de si se layf na fɔ natin; aw naw yu go se wan pɔsin bɛtɛ pas in kɔmpin.

Ɛkliziastis 6:11 Referans Kwoze

Ɛkliziastis 4:16

We i bi kiŋ, i go gɛt fɔ rul ɔlman ɛn di wan dɛn we go bi kiŋ afta am nɔ go gladi wit wetin i du. Dis insɛf na fɔ natin ɛn i tan lɛk we pɔsin de tray fɔ kech briz.

Ɛkliziastis 5:7

We yu de tink plɛnti bɔt di tin dɛn na dis wɔl, yu de put at pan tin dɛn we nɔ de bɛnifit pɔsin ɛn dat go mek yu tɔk bɔku bɔku; bɔt mɔtalman fɔ fred PAPA GƆD.

Ozie 12:1

Ifrem in jɛs de wes in tɛm ol de. Na soso lay ɛn fɔls layf i de pan. Dɛn dɔn mek bagin wit Asiria ɛn dɛn de tredin wit Ijipt.

Ɛkliziastis 4:8

Pɔsin we nɔ gɛt nɔbɔdi; we nɔ gɛt pikin ɔ ivin brɔda, bɔt de wok traŋa traŋa wan ɛn nɔ de satisfay wit wetin dɛn gɛt, nɔ de ɛva sidɔm ɛn aks insɛf se udat dɛn de wok ɔl da wok de fɔ, ɛn nɔ de ebul ɛnjɔy in layf. Dis sɛf na natin ɛn nɔ de mek pɔsin gladi.

Ɛkliziastis 3:19

Mɔtalman ɛn animal de ɛnd di sem we; na day wi dɛn gɛt fɔ day. Na di sem kayn layf ɔltu gɛt, ɛn mɔtalman nɔ bɛtɛ pas animal; ɔl na fɔ natin.

Di Sam Dɛm 73:6

Na dat mek dɛn de kak so, dɛn de wɛr am lɛk chen; ɛn dɛn wikɛdnɛs lɛk klos fɔ mek ɔlman si.

Ɛkliziastis 2:15

A tɛl misɛf se, wetin de bi to di fulman go bi to misɛf, so wetin mek a gɛt ɔl dis sɛns? So a tɛl misɛf se dat sɛf na fɔ natin.

Ɛkliziastis 6:10

Ɛnitin we de bi naw, bin dɔn bi ɛn i gɛt nem, ɛn ɔlman no se mɔtalman na mɔtalman ɛn dɛn nɔ go ebul fɔ agyu pɔsin we pas dɛn.

Ɛkliziastis 6:12

Udat no wetin gud fɔ mɔtalman we na tu- tri de i gɛt na di fɔnatin-wɔl, ɛn in layf de pas lɛk shado? Udat de we go ebul tɛl pipul wetin go apin bambay?