Ɛkliziastis 5:6 - Krio Fɔs Oli Baybul

⁶ Nɔ mek yu mɔt mek yu sin we yu go gɛt fɔ tɛl rɛvrɛn se na mistek yu mistek tɔk. Nɔ mek PAPA GƆD vɛks pan yu ɛn pwɛl wetin yu dɔn lebɔ fɔ.

Ɛkliziastis 5:6 Referans Kwoze

Jems 1:26

If ɛnibɔdi tink se in de fala Gɔd ɛn i nɔ de tek tɛm wɛn i de tɔk, i de mek insɛf ful. Na fɔ natin di pɔsin de fala Gɔd.

Jɔn In Sɛkɛn Lɛta 1:8

Una tek tɛm, mek una nɔ lɔs wetin una dɔn wok fɔ, so una go gɛt ɔl wetin Gɔd dɔn prɔmis una.

Jems 3:2

Wi ɔl de du tin we nɔ rayt. Ɛnibɔdi we nɔba tɔk tin we nɔ rayt na pɔsin we nɔba du tin we nɔ rayt. I ebul kɔntrol ɔl pat pan in bɔdi.

Malakay 2:7

PAPA GƆD Ɔlmayti se, man we de mek sakrifays fɔ pipul sin fɔ de tɔk tin we go gi pipul sɛns, ɛn pipul fɔ de go to am fɔ advays.

Jɛnɛsis 48:16

mek di enjɛl we dɔn pul mi pan ɔl mi trɔbul, blɛs dɛn pikin ya so! Mek pipul dɛn mɛmba mi nem, mi papa Ayzak ɛn mi grampa Ebraam dɛn nem sote go! Mek dɛn jɛnareshɔn bɔku na dis wɔl!”

Di Nɔmba Dɛm 15:25

Di man we de mek sakrifays fɔ pipul sin fɔ beg padin fɔ di wanol Izrɛlayt kɔmyuniti ɛn a go fɔgiv dɛn, bikɔs nɔto bay wilful dɛn du am ɛn dɛn dɔn bɔn sakrifays to PAPA GƆD ɛn mek sin sakrifays.

Di Ibru Pipul Dɛn 1:14

Udat na di enjɛl dɛn? Dɛn na spirit ɛn dɛn na Gɔd in mɛsenja dɛn; na dɛn Gɔd de sɛn fɔ ɛp dɛn pipul we Gɔd go sev.

Fɔs Lɛta To Timoti 5:21

Bifo Gɔd, Jizɔs Krays, ɛn in gud enjɛl dɛn, a de tɛl yu fɔ du dɛn tin ya; trit ɔlman di sem we, pɔsin we na yu padi ɛn pɔsin we nɔto yu padi.

1 Kɔrint 11:10

Fɔseka we di enjɛl dɛn de luk wi, uman fɔ kɔba in ed fɔ sho se nain de ɔnda man.

Malakay 3:1

PAPA GƆD Ɔlmayti se in de sɛn wan mɛsenja we go mek shɔ se ɔltin ɔrayt fɔ am dɔn dɛn go si PAPA GƆD lɛk aw dɛn de luk fɔ am as i go kam nain os; nain na di mɛsenja we dɛn wan fɔ si bikɔs we in kam i go mek shɔ se dɛn kip in Kɔvinant.

Lɛvitikɔs 4:2

mek i tɛl di Izrɛlayt dɛn se, if pɔsin mistek du wetin PAPA GƆD se i nɔ fɔ du,.

Lɛvitikɔs 4:22

If na bigman we na lida sin bɔt nɔto bay wilful i du tin we PAPA GƆD we na PAPA GƆD se nɔ fɔ du, ɛn dat mek i fɔ sɔfa,

Prɔvabs 23:17

Nɔ jɛlɔs nɔn bad mɔtalman, liv yu layf fɔ de ɔna ɛn rɛspɛkt PAPA GƆD.

Ɛkliziastis 3:14

A no se ɔl wetin PAPA GƆD de du go de sote go; nɔbɔdi nɔ ebul ad pan am ɛn nɔbɔdi nɔ ebul pul kɔmɔt de; na so PAPA GƆD want am so dat mɔtalman go fred am.

Ɛkliziastis 10:12

Sɛnsman kin bɛnifit fɔ tin we i tɔk bɔt na trɔbul nɔmɔ fulman kin gɛt.