Ɛkliziastis 5:4 - Krio Fɔs Oli Baybul

⁴ Wɛn yu prɔmis PAPA GƆD se yu go du sɔntin, nɔ westɛm fɔ du wetin yu se yu go du; i nɔ lɛk fulman. Du wetin yu se yu go du.

Ɛkliziastis 5:4 Referans Kwoze

Di Nɔmba Dɛm 30:2

I se PAPA GƆD se wɛn ɛni man de mek prɔmis to PAPA GƆD ɔ wɛn ɛni man de swɛ ɔ mek plɛj fɔ se in go du sɔntin, i fɔ kip in wɔd ɛn du ɔltin we i se i go du.

Matyu 5:33

“Una bin dɔn yɛri wetin dɛn bin tɛl wi grampapa papa dɛn. Dɛn bin se, ‘Una nɔ fɔ swɛ se una go du sɔntin, ɛn una nɔ du am. Una fɔ du wetin una dɔn swɛ bifo Gɔd se una go du.’

Di Sam Dɛm 76:11

Una nɔ jɛs mek prɔmis to PAPA GƆD bɔt du wetin una se; lɛ ɔl dɛn ɔda neshɔn dɛn briŋ prɛzɛnt fɔ am. Na PAPA GƆD we fɔ fred,

Di Sam Dɛm 50:14

Una fɔ de tɛl mi tɛnki, na dat fɔ bi una sakrifays to mi, we na PAPA GƆD we gɛt pawa pas ɔl,

Di Sam Dɛm 116:14

Usay in pipul gɛda na de a go du wetin a prɔmis se a go du.

Di Ibru Pipul Dɛn 10:6

Wɛn pipul de bɔn bif, lɛkɛ man kaw ɛn got, fɔ gi yu ɔ wɛn dɛn sakrifays dɛn fɔ pul sin kɔmɔt na dɛn layf, yu nɔ de satisfay wit dɛn tin de.

Malakay 1:10

I se in bin de op se sɔmbɔdi go de we go tɛl dɛn nɔ fɔ wes dɛn tɛm bikɔs in nɔ go tek dɛn sakrifays as i nɔ gladi.

Jona 2:9

Bɔt a go tɛl yu tɛnki ɔltɛm; a go mek sakrifays ɛn du wetin a bin se a go du. Na PAPA GƆD nɔmɔ de pul pɔsin pan trɔbul.”

Di Sam Dɛm 119:106

A dɔn swɛ se a go du tin tret wan ɛn a go kip da prɔmis de.

Jɛnɛsis 35:3

I se dɛn de kɔmɔt usay dɛn de so fɔ de go Bɛthɛl, usay in de go bil ɔlta fɔ wɔship PAPA GƆD we bin ɛp am di tɛm we i bin de pan trɔbul ɛn we dɔn de wit am ɔlsay we i bin de go.

Jɛnɛsis 35:1

PAPA GƆD tɛl Jekɔb se, “Go na Bɛthɛl ɛn go tap de. Bil ɔlta de fɔ wɔship mi we na di PAPA GƆD we bin apia to yu di tɛm we yu bin de rɔnawe pan yu brɔda Isɔ.”

Ayzaya 19:21

PAPA GƆD go mek di Ijipshian dɛn no am; ɛn di Ijipshian dɛn go no PAPA GƆD da de de, ɛn dɛn go mek sakrifays ɛn sakrifays we dɛn kin bɔn na faya fɔ wɔship am, ɛn dɛn go mek prɔmis to PAPA GƆD se, dɛn go du sɔntin ɛn dɛn go du am.

Jɛnɛsis 28:20

Na de Jekɔb prɔmis PAPA GƆD se “If PAPA GƆD de wit mi pan dis patrol we a de go so, if i gi mi tin fɔ it ɛn klos fɔ wɛr,

Di Jɔj Dɛm 11:35

We Jɛftha si in pikin, i chɛr in klos ɛn tɔk se, in gyal pikin dɔn brok in zil; i dɔn gi am bad bad brok at. I se in bin dɔn swɛ to PAPA GƆD ɛn in nɔ go go biɛn in wɔd.

Di Sam Dɛm 22:25

Yu gi mi rizin fɔ prez yu ɛn a go prez yu usay ɔlman de. Ɔl udat gɛt fred fɔ yu go si se a du wetin a se. A go mek di sakrifays dɛn to yu as a bin se.

Prɔvabs 20:25

Tink gud bifo yu prɔmis PAPA GƆD sɔntin, ɔ nɔ so yu go rigrɛt tumara.