Ɛkliziastis 5:2 - Krio Fɔs Oli Baybul

² Nɔ kwik fɔ tɔk tin, ɛn nɔ mek yu at mek yu se sɔntin to PAPA GƆD, bikɔs PAPA GƆD de na ɛvin ɛn yu de dɔŋ na di wɔl; so nɔ tɔk bɔku bɔku tɔk to am.

Ɛkliziastis 5:2 Referans Kwoze

Matyu 6:7

“Wɛn una de pre, una nɔ fɔ de tɔk plɛnti plɛnti wɔd dɛn we nɔ min natin, lɛkɛ aw dɛn pipul we nɔ biliv pan Gɔd de du, dɛn tink se Gɔd go yɛri dɛn bikɔs dɛn pre lɔŋ pre.

Prɔvabs 10:19

Udat de tɔk tɔk bɔku de lay, bɔt yu de kɔntrol in mɔt gɛt sɛns.

Ayzaya 55:9

Bikɔs, lɛk aw di skay ay pas di grɔn, na so di we we a de du tin, ay pas una yon ɛn di we we a de tink, ay pas di we we una de tink.

Matyu 6:9

Mek a tɛl una aw una fɔ pre, una fɔ se: ‘Papa Gɔd we de na ɛvin: Na yu wangren na Gɔd, mek ɔlman pre to yu ɛn ɔna yu;

Ɛkliziastis 5:7

We yu de tink plɛnti bɔt di tin dɛn na dis wɔl, yu de put at pan tin dɛn we nɔ de bɛnifit pɔsin ɛn dat go mek yu tɔk bɔku bɔku; bɔt mɔtalman fɔ fred PAPA GƆD.

Jɛnɛsis 18:27

Ebraam tɔk igen se: “PAPA GƆD, duya fɔgiv mi fɔ we a de tɔk. Yu no se mi na ɔdinari mɔtalman.

Jems 3:2

Wi ɔl de du tin we nɔ rayt. Ɛnibɔdi we nɔba tɔk tin we nɔ rayt na pɔsin we nɔba du tin we nɔ rayt. I ebul kɔntrol ɔl pat pan in bɔdi.

Ɛkliziastis 5:3

Yu de drim bikɔs yu de tink bɔku, ɛn na fulman yu go yɛri de tɔk bɔku bɔku.

Prɔvabs 20:25

Tink gud bifo yu prɔmis PAPA GƆD sɔntin, ɔ nɔ so yu go rigrɛt tumara.

Jɛnɛsis 28:20

Na de Jekɔb prɔmis PAPA GƆD se “If PAPA GƆD de wit mi pan dis patrol we a de go so, if i gi mi tin fɔ it ɛn klos fɔ wɛr,

Di Sam Dɛm 115:3

Wi PAPA GƆD de na ɛvin; i de du wetin i fil fɔ du.

Jɛnɛsis 18:32

Ebraam se, “PAPA GƆD, duya nɔ vɛks pan mi, na di las tɛm dis. Wetin go apin if na tɛn nɔmɔ yu fɛn?” PAPA GƆD se, “A nɔ go pwɛl am if a fɛn tɛn.”

Jɛnɛsis 18:30

Nain Ebraam se, “PAPA GƆD, duya nɔ vɛks pan mi we a de tɔk bɔku. Bɔt, wetin go apin if na tati nɔmɔ yu mit?” PAPA GƆD se, “A nɔ go pwɛl am if a fɛn tati.”

Di Jɔj Dɛm 11:30

Nain Jɛftha swɛ to PAPA GƆD se if i mek i win da fɛt de,

Mak 6:23

Di kiŋ swɛ se in go gi am ɛnitin we i aks fɔ, ɛn if i want sɛf, in go sheb di kɔntri we i de rul ɛn gi am wan pat.

Jɛnɛsis 28:22

A go yuz dis ples usay dis ston de so fɔ wɔship am. Ɛn a go gi am wan pan tɛn pat pan ɔl wetin i go gi mi.”

Lɛvitikɔs 5:4

Ɔ if pɔsin jɛs grap swɛ se in go du bad tin ɔ gud tin, dɛn kayn swɛ dɛn we pɔsin kin jɛs swɛ ɛn nɔ tink, ɛn mɛmba leta se in bin swɛ, i gilti fɔ ɛni swɛ we i swɛ..

Ɛkliziastis 10:12

Sɛnsman kin bɛnifit fɔ tin we i tɔk bɔt na trɔbul nɔmɔ fulman kin gɛt.

Ɛkliziastis 10:13

We i opin in mɔt na soso nɔnsɛns ful de ɛn bay di tɛm we i de tɔk dɔn, na so so wikɛdnɛs yu go si;