Ɛkliziastis 5:10 - Krio Fɔs Oli Baybul

¹⁰ Pɔsin we lɛk mɔni nɔ de ɛva satisfay wit mɔni; ɛn udat lɛk jɛntri nɔ de satisfay wit in prɔfit: dis insɛf na fɔ natin.

Ɛkliziastis 5:10 Referans Kwoze

Fɔs Lɛta To Timoti 6:10

Fɔ lɛk mɔni de mek pɔsin du ɔl kayn bad tin. Sɔm Kristiɛn dɛn we bin want mɔni bad bad dɔn lɛf fɔ fala Gɔd, bɔku waala dɔn pwɛl dɛn at.

Matyu 6:24

“Nɔbɔdi nɔ go bi slev to tu masta di sem tɛm. If i bi so, i go lɛk wan masta, i nɔ go lɛk di ɔda wan. I go wok gud fɔ wan masta, bɔt i nɔ go wok gud fɔ di ɔda wan. Una nɔ go de du Gɔd wok ɛn bi slev to mɔni, di sem tɛm.

Lyuk 12:15

Jizɔs tɔn to ɔl di pipul dɛn ɛn se, “A de wɔn una, una nɔ put at pan jɛntri. Nɔto di plɛnti tin dɛn we pɔsin gɛt go mek di pɔsin gɛt di tru layf.”

Matyu 6:19

“Una nɔ fɔ kip plɛnti dia tin fɔ unasɛf na dis wɔl, bikɔs una fɔ no se wɔrɔm go pwɛl dɛn, dɛn go rɔsti ɛn tifman go brok una os go insay ɛn tif dɛn.

Ɛkliziastis 4:8

Pɔsin we nɔ gɛt nɔbɔdi; we nɔ gɛt pikin ɔ ivin brɔda, bɔt de wok traŋa traŋa wan ɛn nɔ de satisfay wit wetin dɛn gɛt, nɔ de ɛva sidɔm ɛn aks insɛf se udat dɛn de wok ɔl da wok de fɔ, ɛn nɔ de ebul ɛnjɔy in layf. Dis sɛf na natin ɛn nɔ de mek pɔsin gladi.

Ɛkliziastis 4:4

A si se ɔl di wok ɛn sɛns we mɔtalman de sho pan in wok na bikɔs i wan tan lɛk ɔda pɔsin. Bɔt ɔl dat na fɔ natin. I tan lɛk we yu de tray fɔ kech briz.

Di Sam Dɛm 62:10

Nɔ fɛt fɔ gɛt mɔni di rɔŋ we; if ivin yu jɛntri, nɔ put yu at pan yu jɛntri.

Ɛkliziastis 2:26

Udat de wok fɔ pliz PAPA GƆD, PAPA GƆD de gi am mɔ sɛns ɛn mek i gladi; bɔt fɔ sina, PAPA GƆD de mek i wok ɛn kip bɔku tinks ɛn mɔni so dat i go ɛp di wan we de pliz PAPA GƆD. Dis insɛf na fɔ natin, ɛn i tan lɛk we pɔsin de tray fɔ kech briz.

Di Sam Dɛm 52:7

“Luk di man we nɔ abop pan PAPA GƆD fɔ kɔba am, di man we abop pan in jɛntri ɛn we de yuz in pawa fɔ pwɛl pipul.”

Ɛkliziastis 2:11

Dɔn a bigin tink bɔt ɔl wetin a bin dɔn du ɛn aw a wok traŋa wan fɔ du dɛn, bɔt oya, ɔl na fɔ natin. I tan lɛk we pɔsin de rɔnata briz; i nɔ de prɔfit pɔsin natin na dis wɔl.

Ɛkliziastis 4:16

We i bi kiŋ, i go gɛt fɔ rul ɔlman ɛn di wan dɛn we go bi kiŋ afta am nɔ go gladi wit wetin i du. Dis insɛf na fɔ natin ɛn i tan lɛk we pɔsin de tray fɔ kech briz.

Ɛkliziastis 3:19

Mɔtalman ɛn animal de ɛnd di sem we; na day wi dɛn gɛt fɔ day. Na di sem kayn layf ɔltu gɛt, ɛn mɔtalman nɔ bɛtɛ pas animal; ɔl na fɔ natin.

Ɛkliziastis 6:7

Ɔl wetin pɔsin de yagba fɔ, na fɔ mek i gɛt wetin fɔ it, bɔt pan ɔl dat, di bɛlɛ nɔ de satisfay.

Ɛkliziastis 1:17

A tray ɛn fɛnɔt wetin i min fɔ gɛt sɛns, fɔ kres ɛn fɔ fulish. A fɛnɔtt se ɔl dat sɛf na fɔ natin.

Di Sam Dɛm 52:1

Yu we tink se yu na ɔltin, wetindu yu de blɔf pan yu wikɛdnɛs? Wetin du yu de mek mɔt ol de we yu no se di bad we yu de du nɔ nia di lɔv we PAPA GƆD gɛt fɔ wi we de de sote go?

Ɛkliziastis 1:8

Ɔltin na wɔl kin mek yu fɛdɔp; mɔtalman mɔt nɔ ebul fɔ tɔk am; yay nɔ de taya fɔ si, ɛn yes nɔ de taya fɔ yɛri.

Ɛkliziastis 2:10

Ɛnitin we a si ɛn want, a go mɔs gɛt am; a bin miks pan ɔlkayn ladida, a bin de ɛnjɔy ɔl wetin a de du, ɛn da ɛnjɔymɛnt de nain na bin mi yon bɛnifit.

Ɛkliziastis 5:9

Na wetin dɛn kin plant na kɔntri, di kiŋ sɛf kin abop pan.