Ɛkliziastis 5:1 - Krio Fɔs Oli Baybul

¹ Tek tɛm we yu de go na PAPA GƆD in os; fɔ de lisin PAPA GƆD in wɔd bɛtɛ pas we fulman mek sakrifays, bikɔs dɛn nɔ no se dɛn de du bad.

Ɛkliziastis 5:1 Referans Kwoze

Jems 1:19

Mi Kristiɛn pipul dɛn we a lɛk, una fɔ shap una yes fɔ yɛri wetin pipul de tɔk, bɔt una fɔ tek tɛm tɔk ɛn una at nɔ fɔ de wam kwik.

Prɔvabs 15:8

PAPA GƆD et di sakrifays we bad pɔsin de mek to am, bɔt i de gladi fɔ yɛri gud pɔsin in prea.

Prɔvabs 21:27

PAPA GƆD nɔ lɛk di sakrifays we bad pɔsin kin kɛr to am; i et am mɔ wɛn di pɔsin kin de du am fɔ lɛ i go du mɔ bad.

Di Sam Dɛm 89:7

We dɛnsɛf kin gɛda, dɛn de sho se dɛn de fred ɛn rɛspɛkt yu; na PAPA GƆD nɔmɔ kin de da we de pas ɔl di ɔda wan dɛn.

Jɔshwa 5:15

Nain di kɔmanda fɔ PAPA GƆD in ami tɛl am se mek i pul in sandal bikɔs usay i tinap na oli grɔn. Nain Jɔshwa pul in sandal.

Ɛksodɔs 3:5

PAPA GƆD tɛl Mozis se, “Jɛs tap usay yu de, ɛn pul yu sandals kɔmɔt na yu fut bikɔs di ples we yu tinap so oli.”

Di Ibru Pipul Dɛn 10:26

Wi dɔn no wetin tru, so if ɛni wan pan wi stil de du bad, nɔn sakrifays nɔ de igen fɔ pul di bad tin dɛn we di pɔsin du kɔmɔt nain layf.

1 Kɔrint 11:22

If una want it ɛn drink te una satisfay, una nɔ gɛt una yon os fɔ du dat? Ɔ una want mek shem kam pan Gɔd in chɔch ɛn mek dɛn pipul we po, shem? Wetin una fil se a go tɔk bɔt dɛn kayn tin ya? Mek a tɛl una se una du wɛl? Unasɛf no se a nɔ go du dat.

Ayzaya 66:3

“Di pɔsin we de kil kaw na lɛk pɔsin we kil mɔtalman; pɔsin we de sakrifays ship pikin na lɛk udat brok dɔg nɛk; pɔsin we de mek sid ɔfrin na lɛk pɔsin we de sakrifays ɔg blɔd; pɔsin we de mek sakrifays wit insɛns fɔ mɛmba wetin bin dɔn bi, na lɛk pɔsin we de blɛs lay lay gɔd. Dɛn dɔn pik dɛn yon we, we dɛn want fɔ de, dɛn sol de gladi fɔ du dɛn bad bad tin dɛm we PAPA GƆD nɔ lɛk.

Apɔsul Dɛn Wok 17:11

Di pipul dɛn na Biria bin gladi fɔ yɛri di mɛsej we Pɔl tɛl dɛn, pas di pipul dɛn na Tɛsalonayka. Dɛn bin gladi fɔ lisin wetin Pɔl de tɔk, ɛn dɛn rid wetin rayt na Gɔd in Buk fɔ si if na tru Pɔl bin de tɔk.

Apɔsul Dɛn Wok 10:33

Na dat mek a sɛn kɔl yu wantɛm. I gud we yu kam. Wi kam na ya fɔ yɛri wetin di Masta dɔn tɛl yu fɔ tɛl wi. Gɔd de ya wit wi.”

Lɛvitikɔs 10:3

Mozis mɛmba Erɔn se na dat PAPA GƆD min we i se, i go sho in pipul dɛn we de nia am se in oli, ɛn na bifo dɛn dɛn go rɛspɛkt am. Erɔn nɔ se natin.

2 Kronikuls 26:16

We Kiŋ Uzaya bin dɔn sidɔm na pawa gud gud wan, i bigin mek prawd, we briŋ in dawnfɔl. I bin fɔls to PAPA GƆD we nain Gɔd, ɛn i go insay PAPA GƆD in os go bɔn insɛns na di insɛns ɔlta.

Ɛksodɔs 30:18

“Mek bras pan, ɛn lɛ i gɛt bras stand fɔ tinap pan. Put wata insay ɛn put am midul di Tɛnt ɛn di ɔlta.

Job 11:2

Noto fɔ lɛf yu fɔ de tɔk bɔku mɔnɔmɔnɔ, ɛn dat nɔ go mek yu rayt.

Job 22:12

Nɔto ɔp na ɛvin PAPA GƆD tap? Jɛs luk aw fa di sta dɛn de.

Prɔvabs 10:19

Udat de tɔk tɔk bɔku de lay, bɔt yu de kɔntrol in mɔt gɛt sɛns.