Ɛkliziastis 4:9 - Krio Fɔs Oli Baybul

⁹ I bɛtɛ fɔ tu pipul fɔ wok pas wan, bikɔs dɛn go gɛt bɛtɛ bɛnifit fɔ dɛn wok.

Ɛkliziastis 4:9 Referans Kwoze

Prɔvabs 27:17

Lɛkɛ aw ayɛn de kɔt ayɛn, na so pɔsin de kɔba pɔsin.

Jɛnɛsis 2:18

Naw PAPA GƆD se, “I nɔ gud fɔ mek di man in wangren de. A go mek sɔmbɔdi we dɛn tu go de, fɔ ɛp am.”

Mak 6:7

Jizɔs kɔl in twɛlv lanin bɔy dɛn ɛn i sɛn dɛn tu bay tu. I gi dɛn di pawa fɔ drɛb dɛbul.

Di Nɔmba Dɛm 11:14

A nɔ ebul fɔ tot ɔl dɛn pipul ya mi waŋren, di lod tu ebi fɔ mi nɔmɔ.

Jɔn 4:36

Di pɔsin we de kɔt dɛn tin we dɔn du fɔ kɔt de gɛt in pe, i de gɛda dɛn fɔ mek dɛn de sote go na ɛvin. So di pɔsin we plant ɛn di wan we gɛda di tin dɛn we dɔn du fɔ kɔt, ɔl tu go gladi.

Apɔsul Dɛn Wok 13:2

Wande wɛn dɛn bin de pre ɛn fas, Gɔd in Spirit tɛl dɛn se, “Una put Banabas ɛn Sɔl wansay bikɔs a dɔn pik dɛn fɔ du spɛshal wok fɔ mi.”

Ruth 2:12

I pre mek PAPA GƆD blɛs am ɛn mek PAPA GƆD we nain i abop pan fɔ kɔba am, gi am ɔl di gud tin we i fɔ gɛt fɔ dat.

Egay 1:14

PAPA GƆD mek Zɛrubabɛl we na gɔvna ɛn na Shialtiɛl in bɔypikin, Jɔshwa we na di bigman fɔ ɔl dɛn man we de mek sakrifays fɔ pipul sin ɛn Jɛozedak in bɔypikin, pik zil, jɔyn am wit di zil we di balans pipul dɛnsɛf gɛt, ɛn bigin wok fɔ bil PAPA GƆD we na dɛn PAPA GƆD Ɔlmayti, in os bak.

Jɔn In Sɛkɛn Lɛta 1:8

Una tek tɛm, mek una nɔ lɔs wetin una dɔn wok fɔ, so una go gɛt ɔl wetin Gɔd dɔn prɔmis una.

Ɛkliziastis 4:8

Pɔsin we nɔ gɛt nɔbɔdi; we nɔ gɛt pikin ɔ ivin brɔda, bɔt de wok traŋa traŋa wan ɛn nɔ de satisfay wit wetin dɛn gɛt, nɔ de ɛva sidɔm ɛn aks insɛf se udat dɛn de wok ɔl da wok de fɔ, ɛn nɔ de ebul ɛnjɔy in layf. Dis sɛf na natin ɛn nɔ de mek pɔsin gladi.

Ɛkliziastis 4:10

Bikɔs if wan pɔsin fɔdɔm, di ɔda wan go es am ɔp; bɔt trɔbul go mit di wan we in wangren de wok; we i go fɔdɔm, nɔbɔdi nɔ go de fɔ es am.

1 Kronikuls 19:12

Nain i tɛl am se, “If di Sirian dɛn tu traŋa fɔ mi, yu go ɛp mi, bɔt if di Amonayt dɛm tu mɔs fɔ yu, dɛn mi go ɛp yu.