Ɛkliziastis 4:8 - Krio Fɔs Oli Baybul

⁸ Pɔsin we nɔ gɛt nɔbɔdi; we nɔ gɛt pikin ɔ ivin brɔda, bɔt de wok traŋa traŋa wan ɛn nɔ de satisfay wit wetin dɛn gɛt, nɔ de ɛva sidɔm ɛn aks insɛf se udat dɛn de wok ɔl da wok de fɔ, ɛn nɔ de ebul ɛnjɔy in layf. Dis sɛf na natin ɛn nɔ de mek pɔsin gladi.

Ɛkliziastis 4:8 Referans Kwoze

Jɔn In Fɔs Lɛta 2:16

Ɔltin we de na di wɔl di bad we de na pɔsin in at we de mek i put at pan sɔm tin dɛn, dɛn tin we pɔsin kin want bad bad wɛn i si dɛn, ɛn ɔl dɛn tin na di wɔl we de mek pɔsin prawd dɛn nɔn nɔ kɔmɔt to di Papa, na di wɔl dɛn kɔmɔt.

Prɔvabs 27:20

Lɛkɛ aw grev yad ɛn bɛriŋrɔn nɔ de bɛlful, na so mɔtalman sɛf nɔ de satisfay.

Lyuk 12:20

Gɔd tɛl di jɛntri man se, ‘Yu fulman! Dis nɛt ya, a go tek yu layf. Udat go gɛt ɔl dɛn tin ya we yu dɔn gɛda?’”

Ɛkliziastis 1:8

Ɔltin na wɔl kin mek yu fɛdɔp; mɔtalman mɔt nɔ ebul fɔ tɔk am; yay nɔ de taya fɔ si, ɛn yes nɔ de taya fɔ yɛri.

Matyu 11:28

“Una kam to mi, una ɔl we dɔn taya fɔ tot ebi lod, a go pul di lod kɔmɔt pan una ed, mek una go blo.

Ɛkliziastis 1:13

bin tɛl misɛf se, a wan fɔ lan ɛn lan gud bɔt ɔl wetin de na wɔl; na wok we nɔ swit Papa PAPA GƆD dɔn put na mɔtalman ed so we de mek dɛn bizi.

Ayzaya 5:8

Swɛ go fɔdɔm pan dɛm, dɛn wan we jɛs de gɛda os, ɛn jɛs de gɛda grɔn, sote nɔn say sɛf nɔ lɛf igen, ɛn na yu wangren dɛn go mek tap na di land.

Ɛkliziastis 5:10

Pɔsin we lɛk mɔni nɔ de ɛva satisfay wit mɔni; ɛn udat lɛk jɛntri nɔ de satisfay wit in prɔfit: dis insɛf na fɔ natin.

Di Sam Dɛm 39:6

Mɔtalman in layf jɛs tan lɛkɛ shado, we san de ɔp, yu de si am, as san go dɔŋ so, i lɔs, ɔl in gbiŋbin na fɔ natin; di jɛntri sɛf we i de gɛda, i nɔ no udat go gɛt am we i day.

Jɛnɛsis 2:18

Naw PAPA GƆD se, “I nɔ gud fɔ mek di man in wangren de. A go mek sɔmbɔdi we dɛn tu go de, fɔ ɛp am.”

Ayzaya 55:2

Wetin du una de spɛnd una kɔpɔ pan tin we nɔto tin fɔ it, ɛn put yu lebɔ pan tin we nɔ de mek yu satisfay? Lisin mi gud gud wan, ɛn it wetin gud, ɛn gladi fɔ dɛn rich it dɛn.

Ɛkliziastis 2:23

Ɔl mɔtalman in layf na pen ɛn wɔri. Ivin na nɛt we i de slip, in at nɔ de rɛst. Dat sɛf na fɔ natin.

Ɛkliziastis 2:21

bikɔs sɔntɛm kin de we pɔsin we kin dɔn yuz in sɛns ɛn lebɔ dɔn na wɔl, kin gɛt fɔ lɛf ɔltin fɔ ɔda pɔsin we nɔ wok fɔ am, fɔ ɛnjɔy am. Dat sɛf na fɔ natin ɛn dat na bad bad tin.

Ɛkliziastis 4:7

We a luk gud a si se ɔltin na wɔl nɔ min natin.

Di Sam Dɛm 39:7

“Mi Masta, wetin a fɔ du naw? Na yu nɔmɔ a de luk ɔp to.

Ɛkliziastis 5:9

Na wetin dɛn kin plant na kɔntri, di kiŋ sɛf kin abop pan.