Ɛkliziastis 4:10 - Krio Fɔs Oli Baybul

¹⁰ Bikɔs if wan pɔsin fɔdɔm, di ɔda wan go es am ɔp; bɔt trɔbul go mit di wan we in wangren de wok; we i go fɔdɔm, nɔbɔdi nɔ go de fɔ es am.

Ɛkliziastis 4:10 Referans Kwoze

Fɔs Lɛta Fɔ Tɛsalonayka 5:11

So una fɔ stil de kɔrej ɛn ɛp una kɔmpin Kristiɛn dɛn, lɛkɛ aw una de du naw.

Fɔs Lɛta Fɔ Tɛsalonayka 4:18

Una tek dɛn wɔd ya fɔ kɔrej una kɔmpin Kristiɛn dɛn.

Lɛta Fɔ Galeshya 6:1

Mi Kristiɛn pipul dɛn, if una no se sɔmbɔdi de du ɛni bad tin, una we de du wetin Gɔd in Spirit tɛl una, fɔ go ɛp di pɔsin mek i go du di rayt tin. Bɔt una nɔ fɔ tɔk traŋa wan pan am, ɛn una fɔ tek tɛm mek unasɛf nɔ go want fɔ du tin we nɔ rayt.

1 Samiɛl 23:16

Da sem tɛm de, Sɔl in bɔypikin we na Jonɛthan go fɛn Devid ɛn tɛl am fɔ biliv PAPA GƆD.

Jɛnɛsis 4:8

So Ken tɛl in brɔda Ebɛl lɛ dɛn go na gras fil. We dɛn rich de, Ken fɔdɔm pan in brɔda ɛn kil am.

2 Samiɛl 14:6

Bɔt dɛn ɔltu bin bɔn tu bɔypikin we bin de fɛt dɛnsɛf wande na fil ɛn nɔbɔdi nɔ bin de fɔ pat dɛn so di wan wap in kɔmpin ɛn kil am.

2 Samiɛl 11:27

Wɛn i pul munin, Devid sɛn go tek am kam nain os ɛn i bi in wɛf ɛn bɔn bɔypikin fɔ am. Bɔt dat mek PAPA GƆD vɛks bad fɔ wetin Devid du.

Ɛksodɔs 32:21

Nain i aks Erɔn uskayn tin di pipul dɛn du am so we mek i mek dɛn du da kayn bad bad tin de.

Ɛkliziastis 4:9

I bɛtɛ fɔ tu pipul fɔ wok pas wan, bikɔs dɛn go gɛt bɛtɛ bɛnifit fɔ dɛn wok.

Ɛkliziastis 4:11

Ɛn if dɛn tu pipul lidɔm togɛda, kol nɔ go kech dɛn; bɔt i nɔ pɔsibul fɔ lidɔm yu wan ɛn kol nɔ kech yu.