Ɛkliziastis 3:8 - Krio Fɔs Oli Baybul

⁸ tɛm de fɔ lɛk ɛn tɛm de fɔ et tɛm de fɔ wa, ɛn tɛm de fɔ pis.

Ɛkliziastis 3:8 Referans Kwoze

Lɛta Fɔ Ɛfisɔs 5:25

Man fɔ lɛk in wɛf lɛkɛ aw Krays lɛk di chɔch sote i day,

Lyuk 14:26

“If ɛnibɔdi want fɔ fala mi, da pɔsin de fɔ lɛk mi pas in papa ɛn in mama, i fɔ lɛk mi pas in pikin dɛn ɛn in brɔda ɛn sista dɛn ɛn i fɔ lɛk mi pas in yon layf sɛf. If nɔ so, i nɔ go bi mi lanin bɔy.

1 Kiŋ 5:4

Naw, PAPA GƆD we na mi PAPA GƆD, dɔn gi mi pis ɔlɔbɔt, a nɔ gɛt nɔn ɛnimi ɛn nɔ prɔblɛm nɔ de igen

Rɛvɛleshɔn 2:2

A no ɔl di tin dɛn we una dɔn du, a no se una dɔn wok traŋa ɛn a no aw una kin bia wɛn waala kam. A no se una nɔ de gri mek bad pipul de wit una; una dɔn luk dɛn pipul we se dɛn na apɔsul ɛn una dɔn si se na lay dɛn de lay.

Di Sam Dɛm 139:21

A et ɔl udat et yu, PAPA GƆD, ɛn gens wit dɛn wan we want fɔ fɛt yu.

2 Kronikuls 19:2

Bɔt Jeu we na Anani we na prɔfɛt in bɔypikin, kɔmɔt go mit am ɛn tɛl Kiŋ Jɛoshafat se, “Yu tink se yu fɔ ɛp wikɛd pipul ɛn lɛk dɛn wan dɛn we et PAPA GƆD?” Fɔseka dat, PAPA GƆD dɔn vɛks pan yu.

Taytɔs 2:4

so dat di yɔŋ uman dɛn go no se dɛn fɔ lɛk dɛn man ɛn dɛn pikin,

Lɛta Fɔ Ɛfisɔs 3:19

A de pre igen mek una no aw Krays lɛk mɔtalman, pan ɔl we mɔtalman nɔ ebul fɔ ɔndastand dis kayn lɛk, ɛn mek Gɔd de insay una gud gud, so dat ples nɔ lɛf fɔ ɔda tin.

Izikɛl 16:8

“Wɛn a bin pas nia una ɔda tɛm, ɛn luk una, a si se una dɔn du fɔ mek lɔv, so a kɔba una wit mi skat ɛn kɔba una nekɛdnɛs; yɛs, a bin prɔmis fɔ mared una ɛn a mek Kɔvinant wit una, ɛn una kam blant mi, na so Papa Gɔd we na Gɔd se.

Jɔshwa 11:23

Jɔshwa dɛn kɔnka di wanol land, divayd di difrɛn fambul dɛn ɛn gi dɛn ɔl dɛn yon pat na di land ɛn dɛn ɔl bin de wit kol at.

Di Sam Dɛm 101:3

bikɔs a nɔ go du ɛnitin bad, we go mek a fil gilti. A et pipul we de tɔn dɛn bak pan PAPA GƆD; a nɔ ebul fɔ tɔlaret dɛn.

Prɔvabs 13:5

Udat ɔnɛs, et lay, bɔt di wɔd we de kɔmɔt na bad pɔsin in mɔt na shem ɛn disgres nɔmɔ i de gɛt.

2 Kiŋ 9:22

Wɛn Joram si Jeu i aks am aw i si am so, if na pis i kam fɔ. Jeu ansa am se uskayn pis we na soso wich ɛn lay lay gɔd wɔship in mama Jɛzibɛl de pan.

Di Sam Dɛm 105:25

Dat mek di Ijipshian dɛn et dɛn, ɛn bigin plan fɔ du dɛn bad.