Ɛkliziastis 3:7 - Krio Fɔs Oli Baybul

⁷ tɛm de fɔ chɛr, ɛn tɛm de fɔ so; tɛm de fɔ sɛt mɔt, ɛn tɛm de fɔ tɔk;

Ɛkliziastis 3:7 Referans Kwoze

Mayka 7:5

Nɔ fɔ abop pan pɔsin, ivin yu buzɔm frɛn, na fɔ tek tɛm wetin yu de tɛl am.

Emɔs 5:13

O - o! Dat min se dɛn wan we gɛt sɛns fɔ sɛt mɔt ɛn mek lɛk se dɛn nɔ si ɔl di bad bad tin dɛn we de bi.

Apɔsul Dɛn Wok 4:20

Wi nɔ go ebul sɛt mɔt ɛn nɔ tɔk bɔt wetin wi dɔn si ɛn yɛri.”

Lamɛnteshɔn 3:28

Mek i sidɔm saful de luk we PAPA GƆD mek dɛn tin dɛn de mit am;

Joɛl 2:13

ɛn nɔto dɛn klos nɔmɔ dɛn fɔ chɛr fɔ sho se dɛn sɔri, na dɛn at dɛn, dɛn fɔ ɛmti bifo am. In naw se lɛ dɛn go bak to PAPA GƆD we na GƆD bikɔs nain gɛt gud at ɛn sɔri - at bad, i nɔ de vɛks kwik ɛn in lɔv fɔ dɛn nɔ de chenj, ɛn i rɛdi fɔ fɔgiv dɛn ɔltɛm.

Ɛsta 7:4

Dɛn dɔn sɛl mi ɛn mi pipul dɛn ɛn se, dɛn fɔ dɔnawe wit wi kpatakpata. If na sɛl dɛn bin sɛl wi man ɛn uman dɛnsɛf as slev, a nɔ bin fɔ se fiŋ, bikɔs di sɔfa we wi bin fɔ sɔfa nɔ bin fɔ rich di lɔsis we yu bin fɔ gɛt if dɛn sɛl wi.”

Emɔs 8:3

I se da de de di gladi siŋ we dɛn go de siŋ na di kiŋ in os go tɔn bɛrin. I se na dedebɔdi dɛn go lidɔm ɔlsay. I se wan sawnd dɛn nɔ gɛt fɔ yɛri we dɛn de trowe di dedebɔdi dɛn na do.

Jɛrimaya 8:14

Wetin mek wi de sidɔm ɛn nɔ de du natin? Una gɛda wan ples, lɛ wi go na di siti dɛm we gɛt wɔl rawnd go day de; bikɔs PAPA GƆD we na wi Gɔd dɔn swɛ wi fɔ day, ɛn i dɔn gi wi pɔyzin wata fɔ drink, bikɔs wi dɔn kɔmit sin to PAPA GƆD.

Ayzaya 36:21

Kiŋ Ɛzikaya bin dɔn tɛl di pipul dɛn se lɛ dɛn nɔ ansa wan wɔd, so dɛnsɛf nɔ se fiŋ.

Di Sam Dɛm 39:2

Pan ɔl we a sɛt mi mɔt ɛn a nɔ se natin fɔ mi yon gud, tin bin stil de mɔna mi.

2 Kiŋ 6:30

Wɛn di kiŋ yɛri dat i chɛr in klos. Da tɛm de di kiŋ bin stil de waka pantap di wɔl, ɛn ɛnibɔdi we bin de pas we luk am bin de si se na saklɔth i wɛr ɔnda in klos.

2 Kiŋ 5:7

Wɛn di kiŋ na Izrɛl rid di lɛta, i chɛr in klos ɛn se if in na PAPA GƆD we de kil ɛn gi layf bak we mek dis man de sɛn to am se in fɔ mɛn bad sik na bɔdi; I se na we nɔmɔ di man de fɛn fɔ mek plaba wit am.

1 Kiŋ 21:27

Wɛn Eab yɛri wetin Ilayja tɔk, i chɛr in klos, wɛr saklɔth ɛn fast. Na di saklɔth in bin de slip wit. Wɛn i kin de waka na so i kin luk ɔmbul.

2 Samiɛl 3:31

Devid tɛl Joab ɛn ɔl di sojaman dɛn wit am fɔ chɛr chɛr dɛn klos ɛn wɛr saklɔth waka bifo di dedebɔdi we dɛn de go bɛr am fɔ sho se dɛn sɔri. Kiŋ Devid insɛf bin de biɛn di bɛrin.

2 Samiɛl 1:11

Dɛn Devid ɛn ɔl di man dɛn we de wit am chɛr dɛn klos fɔ sho se dɛn sɔri fɔ yɛri da kayn nyuz de.

Jɛnɛsis 44:34

I aks aw in go go bak to in papa if di bɔbɔ nɔ go wit am. I se in nɔ go want fɔ si wetin go bi to in papa.

Jɛnɛsis 44:18

Juda go mit Josɛf ɛn beg am mek i gi am chans fɔ tɔk to am. I se duya, mek i nɔ vɛks pan am, lɛ i bia am bikɔs in na lɛkɛ di kiŋ insɛf to am.

Jɛnɛsis 37:34

Jekɔb chɛr in yon klos we i bin wɛr, dɔn i wɛr munin. I munin fɔ in pikin fɔ lɔŋ.

Jɛnɛsis 37:29

We Rubɛn kam bak na di ol ɛn si se Josɛf nɔ de de, i so fil am dat i chɛr chɛr in klos.

Apɔsul Dɛn Wok 9:39

So Pita rɛdi go mit dɛn. Wɛn i rich, dɛn kɛr am go na di rum. Ɔl dɛn uman we dɛn man dɔn day, bin gɛda na di os. Dɛn bin de kray ɛn dɛn bin de sho Pita di klos dɛn we Dɔkas bin dɔn so.

Jɛrimaya 36:24

Stil, di kiŋ ɔ ɛni ɔf in wokman dɛm we bin yɛri ɔl wetin rayt na di skrol, nɔ bin fred natin, ɛn dɛn nɔ bin chɛr dɛn klos.

Job 2:13

Dɔn, dɛn sidɔm na grɔn wit am fɔ sɛvin de ɛn sɛvin nɛt, bɔt nɔ se natin to am bikɔs dɛn si aw i bin de sɔfa.

Ɛkliziastis 3:6

tɛm de fɔ luk fɔ wetin lɔs, ɛn tɛm de fɔ lɔs sɔntin; tɛm de fɔ kip, ɛn tɛm de fɔ trowe tin dɛn;

1 Samiɛl 10:16

Sɔl ansa se i tɛl dɛn se dɛn dɔn fɛn di dɔŋki dɛn. Bɔt i nɔ tɛl in ɔnkul wetin Samiɛl se bɔt in kiŋ wan.

2 Kiŋ 18:36

Kiŋ Ɛzikaya bin dɔn tɛl di pipul dɛn se lɛ dɛn nɔ ansa wan wɔd, so dɛnsɛf nɔ se fiŋ.