Ɛkliziastis 3:13 - Krio Fɔs Oli Baybul

¹³ ɛn mɛmba se PAPA GƆD want ɔlman fɔ it, drink ɛn ɛnjɔy ɔl wetin i lebɔ fɔ.

Ɛkliziastis 3:13 Referans Kwoze

Ɛkliziastis 9:7

So, ɛnjɔy yu it, ɛn drink yu wayn wit gladi; bikɔs PAPA GƆD dɔn gri lɔntɛm se na so yu go du.

Ɛkliziastis 2:24

Di bɛst tin fɔ mɔtalman fɔ du, na fɔ it drink ɛn ɛnjɔy wetin i dɔn wok fɔ. A biliv se na so PAPA GƆD want am fɔ bi.

Di Sam Dɛm 128:2

Yu go ɛnjɔy yu lebɔ; dɔn yu go gɛt blɛsin ɛn bɛtɛ go fala yu.

Ɛkliziastis 6:2

PAPA GƆD kin gi sɔm pipul dɛn jɛntri, prɔpati ɛn rɛspɛkt, so dat dɛn nɔ kin krach dɛn ed fɔ natin. Bɔt PAPA GƆD nɔ kin mek i ebul ɛnjɔy ɔl dɛn tin dɛn de; na trenja kin kam ɛnjɔy dɛn; dis na fɔ natin. Na tin we penful.

Ditarɔnɔmi 12:7

Mozis tɛl di Izrɛlayt dɛn se na de dɛn ɛn di wan dɛn we de na os to dɛn fɔ it ɛn tɛl PAPA GƆD we na dɛn PAPA GƆD tɛnki fɔ ɔl wetin i dɔn du fɔ dɛn.

Ditarɔnɔmi 26:11

dɛn fɔ gladi fɔ ɔl di gud tin dɛn we i dɔn gi dɛn ɛn ɔl udat de na dɛn os dɛn, dɛn ɛn di Livayt dɛn, ɛn di trenja dɛn we de wit dɛn.

Di Sam Dɛm 34:12

Udat lɛk in layf ɛn want fɔ ɛnjɔy am?

Ɛkliziastis 2:3

A se mek a si aw i tan fɔ drink rɔm– bɔt a bin stil de yuz mi sɛns we bin de gyad mi. A bin wan no igen aw fulish pɔsin kin fil, so dat a go no wetin gud fɔ mɔtalman na dis wɔl we na shɔt tɛm nɔmɔ i gɛt na wɔl.

Ɛkliziastis 8:15

Na dat mek a se pɔsin fɔ ɛnjɔy insɛf, bikɔs natin nɔ de na dis wɔl we bɛtɛ fɔ mɔtalman pas fɔ it ɛn fɔ drink ɛn fɔ ɛnjɔy insɛf. Na so dɛn go de yagba na layf te di tɛm dɔn we PAPA GƆD gi dɛn na dis wɔl.