Ɛkliziastis 3:12 - Krio Fɔs Oli Baybul

¹² A no se natin nɔ de we bɛtɛ pas fɔ de gladi ɛn ɛnjɔy yusɛf wans yu gɛt layf;

Ɛkliziastis 3:12 Referans Kwoze

Di Sam Dɛm 37:3

Trɔs PAPA GƆD ɛn du gud; Tap na di land we PAPA GƆD prɔmis yu ɛn ɛnjɔy di kɔba we i dɛn kɔba yu.

Ɛkliziastis 3:22

So a si se natin nɔ bɛtɛ pas fɔ mek mɔtalman ɛnjɔy wetin i de du, bikɔs na dat PAPA GƆD se fɔ bi to am; nɔbɔdi nɔ go ebul tɛl am wetin go bi wɛn i dɔn day.

Fɔs Lɛta To Timoti 6:18

Dɛn yon jɛntri fɔ bi di plɛnti plɛnti gud wok we dɛn de du, dɛn fɔ fri an ɛn dɛn fɔ lɛk fɔ sheb wetin dɛn gɛt.

Apɔsul Dɛn Wok 20:35

A dɔn sho una se ilɛk aw tin tan una fɔ wok traŋa lɛkɛ mi fɔ ɛp dɛn pipul we nɔ gɛt. Una mɛmba wetin Masta Jizɔs insɛf tɔk wɛn i se, ‘Di pɔsin we de gi gɛt blɛsin pas di pɔsin we de gɛt.’”

Lyuk 11:41

Una fɔ ɛp dɛn po pipul wit ɔl una at, dɛn ɔltin go klin fɔ una.

Ayzaya 64:5

Yu de tɛl di wan dɛn we de waka tret na yu yay, kɔba, dɛm wan dɛm we de mɛmba yu bay we dɛn de du wetin yu se dɛn fɔ de du. Wan tɛm, yu bin vɛks, ɛn wi bin kɔmit sin; wi dɔn de insay wi sin fɔ lɔng, ɛn ɛnibɔdi go sev wi?

Ditarɔnɔmi 28:63

Mozis tɛl di Izrɛlayt dɛn se, lɛkɛ aw PAPA GƆD bin gladi fɔ mek dɛn jɛntri ɛn bɔn bɔku bɔku pikin dɛn, na semweso i go gladi fɔ du dɛn tin dɛn we go mek dɛn alaki ɛn day day na di land we i dɔn rɛdi fɔ gi dɛn.

Ditarɔnɔmi 12:7

Mozis tɛl di Izrɛlayt dɛn se na de dɛn ɛn di wan dɛn we de na os to dɛn fɔ it ɛn tɛl PAPA GƆD we na dɛn PAPA GƆD tɛnki fɔ ɔl wetin i dɔn du fɔ dɛn.

Ditarɔnɔmi 12:18

Mozis se na bifo PAPA GƆD we na dɛn PAPA GƆD na di ples we i go pik se fɔ wɔship am, dɛn ɛn dɛn pikin ɛn wokman dɛn, ɛn di Livayt dɛn we de na dɛn yon eria, fɔ it dɛn yon pan di sakrifays ɛn mek dɛn gladi gladi fɔ tɛl PAPA GƆD tɛnki fɔ ɔltin.

Ditarɔnɔmi 26:11

dɛn fɔ gladi fɔ ɔl di gud tin dɛn we i dɔn gi dɛn ɛn ɔl udat de na dɛn os dɛn, dɛn ɛn di Livayt dɛn, ɛn di trenja dɛn we de wit dɛn.

Ɛkliziastis 2:3

A se mek a si aw i tan fɔ drink rɔm– bɔt a bin stil de yuz mi sɛns we bin de gyad mi. A bin wan no igen aw fulish pɔsin kin fil, so dat a go no wetin gud fɔ mɔtalman na dis wɔl we na shɔt tɛm nɔmɔ i gɛt na wɔl.

Ɛkliziastis 2:24

Di bɛst tin fɔ mɔtalman fɔ du, na fɔ it drink ɛn ɛnjɔy wetin i dɔn wok fɔ. A biliv se na so PAPA GƆD want am fɔ bi.

Ɛkliziastis 8:15

Na dat mek a se pɔsin fɔ ɛnjɔy insɛf, bikɔs natin nɔ de na dis wɔl we bɛtɛ fɔ mɔtalman pas fɔ it ɛn fɔ drink ɛn fɔ ɛnjɔy insɛf. Na so dɛn go de yagba na layf te di tɛm dɔn we PAPA GƆD gi dɛn na dis wɔl.

Ɛkliziastis 11:9

Ɛnjɔy yusɛf, yɔŋman, we yu yɔŋ, ɛn lɛ yu at mek yu gladi we yu yɔŋ. Du wetin yu at tɛl yu ɛn tek wetin yu si we yu lɛk, bɔt no se fɔ ɔl dɛn tin dɛn de, PAPA GƆD go jɔj yu.