Ɛkliziastis 3:10 - Krio Fɔs Oli Baybul

¹⁰ A dɔn si wetin PAPA GƆD gi mɔtalman fɔ du we go kip am bizi.

Ɛkliziastis 3:10 Referans Kwoze

Jɛnɛsis 3:19

Yu go wok traŋa wan ɛn swɛt fɔ mek ɛnitin gro na di grɔn sote yu go bak na di grɔn we yu kɔmɔt. Na dɔti a bin tek mek yu, ɛn na dɔti yu go go bak we yu day.”

Ɛkliziastis 2:26

Udat de wok fɔ pliz PAPA GƆD, PAPA GƆD de gi am mɔ sɛns ɛn mek i gladi; bɔt fɔ sina, PAPA GƆD de mek i wok ɛn kip bɔku tinks ɛn mɔni so dat i go ɛp di wan we de pliz PAPA GƆD. Dis insɛf na fɔ natin, ɛn i tan lɛk we pɔsin de tray fɔ kech briz.

Sɛkɛn Lɛta Fɔ Tɛsalonayka 3:8

Wi bin mek pipul ɛp wi, bɔt wi bin de pe dɛn fɔ ɔl di it we dɛn bin de gi wi. Wi bin de wok traŋa wan; wi bin de wok de ɛn nɛt bikɔs wi nɔ bin want fɔ mek ɛni wan pan una pul mɔni fɔ ɛp wi.

Fɔs Lɛta Fɔ Tɛsalonayka 2:9

Wi brɔda dɛn, a no se una mɛmba aw wi bin de lebɔ traŋa wan! Wi bin de lebɔ de ɛn nɛt so dat una nɔ go gɛt fɔ wɔri fɔ gi wi mɔni, wɛn wi bin de tɛl una di Gud Nyuz we Gɔd tɛl wi.

Ɛkliziastis 11:5

Jɛs lɛk aw yu nɔ no aw pikin de gɛt layf insay in mama bɛlɛ, na so yu nɔ no aw PAPA GƆD, we mek ɔltin, de wok.