Ɛkliziastis 2:3 - Krio Fɔs Oli Baybul

³ A se mek a si aw i tan fɔ drink rɔm– bɔt a bin stil de yuz mi sɛns we bin de gyad mi. A bin wan no igen aw fulish pɔsin kin fil, so dat a go no wetin gud fɔ mɔtalman na dis wɔl we na shɔt tɛm nɔmɔ i gɛt na wɔl.

Ɛkliziastis 2:3 Referans Kwoze

Prɔvabs 20:1

Wayn de mek yu nɔ tek natin mek natin, ɛn ad lika de mek yu lɔs kɔntrol; so ɛnibɔdi we rɔm opin yay pan na styupid mɔtalman.

Ɛkliziastis 1:17

A tray ɛn fɛnɔt wetin i min fɔ gɛt sɛns, fɔ kres ɛn fɔ fulish. A fɛnɔtt se ɔl dat sɛf na fɔ natin.

Lɛta Fɔ Ɛfisɔs 5:18

Una nɔ fɔ drink wayn te una drɔnk we go mek una du bad, bɔt una fɔ mek Gɔd in Spirit de insay una gud gud.

Ɛkliziastis 12:13

Tɔk am go, tɔk am kam, una dɔn yɛri ɔltin. Fred PAPA GƆD ɛn du wetin i se fɔ du; bikɔs na dat nɔmɔ mɔtalman gɛt fɔ de du.

Ɛkliziastis 6:12

Udat no wetin gud fɔ mɔtalman we na tu- tri de i gɛt na di fɔnatin-wɔl, ɛn in layf de pas lɛk shado? Udat de we go ebul tɛl pipul wetin go apin bambay?

Matyu 6:24

“Nɔbɔdi nɔ go bi slev to tu masta di sem tɛm. If i bi so, i go lɛk wan masta, i nɔ go lɛk di ɔda wan. I go wok gud fɔ wan masta, bɔt i nɔ go wok gud fɔ di ɔda wan. Una nɔ go de du Gɔd wok ɛn bi slev to mɔni, di sem tɛm.

Ɛkliziastis 7:25

A disayd fɔ stɔdi mek a go no mɔ tin dɛn ɛn ɔndastand aw i bad fɔ mek pɔsin jɛs de fulish, ɛn aw fulman tan lɛk udat kres.

Ɛkliziastis 7:18

I gud fɔ ol wan say ɛn nɔ trowe di ɔda wan; bikɔs pɔsin we de fred PAPA GƆD go sɔksid wit dɛn tu.

Ɛkliziastis 2:24

Di bɛst tin fɔ mɔtalman fɔ du, na fɔ it drink ɛn ɛnjɔy wetin i dɔn wok fɔ. A biliv se na so PAPA GƆD want am fɔ bi.

Job 14:14

If mɔtalman day, i go kam bak na dis wɔl? A go bia di sɔfa te di tɛm we di sɔfa we a de sɔfa, go dɔn.

1 Samiɛl 25:36

Wɛn Abigɛl tɔn bak, i mit Nebal de mek big big pati lɛkɛ se in na kiŋ. I bin gladi ɛn i bin dɔn tot am. So Abigɛl nɔ se natin to am te do klin.

Jɛnɛsis 47:9

in dɔn de fɔ wan ɔndrɛd ɛn tati ia ɛn di tin dɛn we in yay dɔn si, i nɔ smɔl. Ɛn i nɔ rich in pipul dɛn ej yet.

Di Jɔj Dɛm 9:13

Greps tik in tɛl dɛn se if in fɔ lɛf fɔ pul wayn we gɔd ɛn mɔtalman dɛn de drink fɔ mek dɛn at swit, ɛn go se in de go bi dɛn tik dɛn kiŋ.

Di Sam Dɛm 104:15

na frɔm di plant dɛn, dɛn de mek wayn we de mek man at swit, dɛn de mek ɔyl fɔ gris in fes, ɛn ɔda tin dɛn fɔ it fɔ mek dɛn nɔ day.

Ɛkliziastis 5:18

Wetin mi tink se rayt fɔ du, na fɔ it ɛn drink ɛn ɛnjɔy wetin yu de yagba fɔ di shɔt tɛm we yu gɛt fɔ de na wɔl; na so PAPA GƆD se i fɔ bi fɔ mɔtalman.

Ɛkliziastis 8:15

Na dat mek a se pɔsin fɔ ɛnjɔy insɛf, bikɔs natin nɔ de na dis wɔl we bɛtɛ fɔ mɔtalman pas fɔ it ɛn fɔ drink ɛn fɔ ɛnjɔy insɛf. Na so dɛn go de yagba na layf te di tɛm dɔn we PAPA GƆD gi dɛn na dis wɔl.

Ɛkliziastis 10:19

Fɔ it na fɔ ɛnjɔy, wayn de mek yu at layt, ɛn mɔni de mek yu nɔ krach yu ed fɔ natin.