Ɛkliziastis 2:23 - Krio Fɔs Oli Baybul

²³ Ɔl mɔtalman in layf na pen ɛn wɔri. Ivin na nɛt we i de slip, in at nɔ de rɛst. Dat sɛf na fɔ natin.

Ɛkliziastis 2:23 Referans Kwoze

Job 14:1

Ɔl mɔtalman we uman bɔn kam na dis wɔl in layf nɔ lɔŋ ɛn gɛt bɔku bɔku waala.

Job 5:7

jɛs lɛk aw spak we kɔmɔt na faya de go ɔp, na so mɔtalman bɔn fɔ gɛt trɔbul.

Di Sam Dɛm 127:2

Na fɔ natin yu de grap kwik na mɔnin ɛn slip let na nɛt, se yu de wok fɔ gɛt tin fɔ it bikɔs di wan we abop pan PAPA GƆD, i go kia fɔ dɛn ivin wɛn dɛn de slip gud.

Apɔsul Dɛn Wok 14:22

Pɔl ɛn Banabas kɔrej di pipul dɛn we bin biliv pan Jizɔs ɛn dɛn tɛl dɛn mek dɛn biliv pan Jizɔs mɔ ɛn mɔ. Pɔl ɛn Banabas tɛl di pipul dɛn se, “Ɔlman we biliv pan Jizɔs gɛt fɔ sɔfa plɛnti na dis wɔl fɔ mek dɛn go de ɔnda Gɔd in rul.”

Daniɛl 6:18

Nain di kiŋ go nain pales ɛn nɔ it ɔ drink ɛnitin ol nɛt. I nɔ mek dɛn briŋ ɛnitin we go mek in at gladi, ɛn slip lɔs pan am.

Ɛkliziastis 5:12

Lebra dɛn kin slip swit swit slip ivin if na lili tin dɛn gɛt fɔ it; bɔt dɛn jɛntriman dɛn jɛntri de mek dɛn nɔ slip ol nɛt.

Ɛkliziastis 1:18

Bikɔs di mɔ sɛns yu gɛt, di mɔ yu at de wɔri, di mɔ yu no bɔt sɔntin, na di mɔ yu at de pwɛl.

Di Sam Dɛm 90:15

Mek lɛ wi gladi naw, mek di tɛm we wi de gladi bɔku lɛk di tɛm we wi bin sɔri, di tɛm we yu bin de pas am pan wi.

Di Sam Dɛm 32:4

Ol de ɛn nɛt PAPA GƆD nɔ bin de fil fɔ mi, pen de mɔna lɛk udat dɛn bit bad Di lili trɛnk we a bin gɛt sɛf, dɔn dɔn i tan lɛk we san de dray tin we sok, ɔl di trɛnk dɔn dɔn pan mi we san bit mi.

Ɛsta 6:1

Da sem nɛt de, di kiŋ nɔ ebul slip; i ɔda in wokman dɛn fɔ briŋ di buk we nainsay de dɛn kin rayt ɔl wetin de bi insay di kindɔm, kam rid wetin de de to am.

Jɛnɛsis 47:9

in dɔn de fɔ wan ɔndrɛd ɛn tati ia ɛn di tin dɛn we in yay dɔn si, i nɔ smɔl. Ɛn i nɔ rich in pipul dɛn ej yet.

Jɛnɛsis 3:17

Dɔn PAPA GƆD tɛl di man se, “Yu dɔn du wetin yu wɛf tɛl yu, ɛn yu dɔn it di frut we mi se yu nɔ fɔ it. Fɔseka wetin yu dɔn du, a de swɛ di grɔn mek i nɔ bɛtɛ yu. Te yu day, yu go de wok traŋa wan, fɔ mek yu go gɛt tin fɔ it.

Ɛkliziastis 1:13

bin tɛl misɛf se, a wan fɔ lan ɛn lan gud bɔt ɔl wetin de na wɔl; na wok we nɔ swit Papa PAPA GƆD dɔn put na mɔtalman ed so we de mek dɛn bizi.

Ɛkliziastis 2:11

Dɔn a bigin tink bɔt ɔl wetin a bin dɔn du ɛn aw a wok traŋa wan fɔ du dɛn, bɔt oya, ɔl na fɔ natin. I tan lɛk we pɔsin de rɔnata briz; i nɔ de prɔfit pɔsin natin na dis wɔl.

Ɛkliziastis 5:17

We yu luk am bak, ɔl dɛn layf, dɛn nɔ ɔndastand wetin na layf, ɛn na kɔnfyushɔn ɛn siknɛs ɛn vɛksteshɔn dɛn bin de pan.

Ɛkliziastis 8:16

Wɛn a tray fɔ ɔndastand wetin de apin na wɔl, a si se a nɔ ebul fɔ slip santɛm, a nɔ ebul fɔ slip na nɛt;