Ɛkliziastis 2:10 - Krio Fɔs Oli Baybul

¹⁰ Ɛnitin we a si ɛn want, a go mɔs gɛt am; a bin miks pan ɔlkayn ladida, a bin de ɛnjɔy ɔl wetin a de du, ɛn da ɛnjɔymɛnt de nain na bin mi yon bɛnifit.

Ɛkliziastis 2:10 Referans Kwoze

Ɛkliziastis 9:9

Ɛnjɔy yusɛf wit di wɛf we yu lɛk, na dis fɔnatin layf we PAPA GƆD gi yu na dis wɔl, bikɔs na so PAPA GƆD se i fɔ bi fɔ yu, ɛn na pat di wok we yu de wok na dis wɔl.

Ɛkliziastis 5:18

Wetin mi tink se rayt fɔ du, na fɔ it ɛn drink ɛn ɛnjɔy wetin yu de yagba fɔ di shɔt tɛm we yu gɛt fɔ de na wɔl; na so PAPA GƆD se i fɔ bi fɔ mɔtalman.

Ɛkliziastis 3:22

So a si se natin nɔ bɛtɛ pas fɔ mek mɔtalman ɛnjɔy wetin i de du, bikɔs na dat PAPA GƆD se fɔ bi to am; nɔbɔdi nɔ go ebul tɛl am wetin go bi wɛn i dɔn day.

Di Sam Dɛm 119:37

Nɔ mek fulish tin ful mi yay; bɔt gi mi lɔŋ layf lɛkɛ aw yu dɔn prɔmis.

Di Sam Dɛm 128:2

Yu go ɛnjɔy yu lebɔ; dɔn yu go gɛt blɛsin ɛn bɛtɛ go fala yu.

Jɔn In Fɔs Lɛta 2:16

Ɔltin we de na di wɔl di bad we de na pɔsin in at we de mek i put at pan sɔm tin dɛn, dɛn tin we pɔsin kin want bad bad wɛn i si dɛn, ɛn ɔl dɛn tin na di wɔl we de mek pɔsin prawd dɛn nɔn nɔ kɔmɔt to di Papa, na di wɔl dɛn kɔmɔt.

Ɛkliziastis 2:22

Wetin pɔsin gɛt fɔ bɛnifit pan ɔl di yagba we i de pan na dis wɔl?

Ɛkliziastis 11:9

Ɛnjɔy yusɛf, yɔŋman, we yu yɔŋ, ɛn lɛ yu at mek yu gladi we yu yɔŋ. Du wetin yu at tɛl yu ɛn tek wetin yu si we yu lɛk, bɔt no se fɔ ɔl dɛn tin dɛn de, PAPA GƆD go jɔj yu.

Ɛkliziastis 6:9

We yu si sɔntin, bɛtɛ pas we yu de swɛla pit fɔ tin we yu nɔ si; ɔl na fɔ natin ɛn i tan lɛk we pɔsin de tray fɔ kech briz.

Prɔvabs 23:5

bikɔs, sɔntɛm we yu dɔn gɛt am dɔn, ɔl kin flay lɛkɛ briz, dɔn yu lɔs ɔltin.

Job 31:1

“Mi ɛn mi yay dɔn mek wanwɔd; aw a go se a de luk vajin gyal naw.

Di Jɔj Dɛm 14:2

Nain i go tɛl in papa ɛn mama se in dɔn si wan pan dɛn Filistin dɛn gyal pikin; lɛ dɛn go mared am fɔ am.

Jɛnɛsis 6:2

sɔm pan PAPA GƆD in pikin dɛn dɛn bin si se dɛn gyal pikin ya so fayn, so dɛn fɔl fɔ dɛn ɛn bigin maredd dɛn.

Jɛnɛsis 3:6

Di uman si aw di tik bin fayn, ɛn aw di frut dɛn gud fɔ it. I tink to insɛf se, “I go fayn fɔ gɛt sɛns o.” So i tek di frut ɛn it am. Dɔn i go gi in man sɔm, ɛn insɛf it am.

Ɛkliziastis 5:10

Pɔsin we lɛk mɔni nɔ de ɛva satisfay wit mɔni; ɛn udat lɛk jɛntri nɔ de satisfay wit in prɔfit: dis insɛf na fɔ natin.

Ɛkliziastis 6:2

PAPA GƆD kin gi sɔm pipul dɛn jɛntri, prɔpati ɛn rɛspɛkt, so dat dɛn nɔ kin krach dɛn ed fɔ natin. Bɔt PAPA GƆD nɔ kin mek i ebul ɛnjɔy ɔl dɛn tin dɛn de; na trenja kin kam ɛnjɔy dɛn; dis na fɔ natin. Na tin we penful.

Ɛkliziastis 9:6

Di lɛk we dɛn lɛk ɔ di et we dɛn et ɛn di jɛlɔs we dɛn de jɛlɔs dɔn dɔn; dɛn nɔ go ɛva du tin na dis wɔl igen

Ɛkliziastis 2:1

A tɛl misɛf se a go ɛnjɔy misɛf si. Bɔt eya, dis wan sɛf nɔ gɛt bɛnifit.

Ɛkliziastis 2:24

Di bɛst tin fɔ mɔtalman fɔ du, na fɔ it drink ɛn ɛnjɔy wetin i dɔn wok fɔ. A biliv se na so PAPA GƆD want am fɔ bi.

Ɛkliziastis 5:17

We yu luk am bak, ɔl dɛn layf, dɛn nɔ ɔndastand wetin na layf, ɛn na kɔnfyushɔn ɛn siknɛs ɛn vɛksteshɔn dɛn bin de pan.

Ɛkliziastis 8:15

Na dat mek a se pɔsin fɔ ɛnjɔy insɛf, bikɔs natin nɔ de na dis wɔl we bɛtɛ fɔ mɔtalman pas fɔ it ɛn fɔ drink ɛn fɔ ɛnjɔy insɛf. Na so dɛn go de yagba na layf te di tɛm dɔn we PAPA GƆD gi dɛn na dis wɔl.