Ɛkliziastis 12:7 - Krio Fɔs Oli Baybul

⁷ ɛn dɔti go bak usay i kɔmɔt, dɔn di sol go bak to PAPA GƆD we bin gi yu am.

Ɛkliziastis 12:7 Referans Kwoze

Daniɛl 12:2

Bɔku pan di wan dɛn we dɔn day go wek. Sɔm go gɛt layf sote go ɛn sɔm go gɛt shem ɛn disgres sote go.

Di Sam Dɛm 146:4

Wɛn dɛn day, na dɔti dɛn de go, usay dɛn kɔmɔt; da sem tɛm de ɔl dɛn plan na fɔ natin.

Zɛkaraya 12:1

Dis na di wɔd we PAPA GƆD tɔk bɔt Izrɛl: PAPA GƆD we mek ɛvin ɛn ath ɛn gi layf to mɔtalman se,

Jɛnɛsis 3:19

Yu go wok traŋa wan ɛn swɛt fɔ mek ɛnitin gro na di grɔn sote yu go bak na di grɔn we yu kɔmɔt. Na dɔti a bin tek mek yu, ɛn na dɔti yu go go bak we yu day.”

Jɛnɛsis 2:7

PAPA GƆD tek sɔm pan di dɔti na grɔn ɛn mek mɔtalman; i blo insay in nos dɛn mɔtalman gɛt layf.

Ayzaya 57:16

Bikɔs a nɔ go fɛt te go ɛn nɔ go de vɛks ɔltɛm; bikɔs na mi di spirit de kɔmɔt to; ɛn a dɔn mek di lo blo blo we gi layf.

Di Nɔmba Dɛm 16:22

Bɔt Mozis ɛn Erɔn fɔdɔm bifo PAPA GƆD ɛn beg am. Dɛn se “E PAPA GƆD, di PAPA GƆD we mek mɔtalman, yu go vɛks ɛn pɔnish ɔlman we na waŋren man sin?

Di Sam Dɛm 90:3

Yu mek mɔtalman tɔn dɔti yu se mɔtalman fɔ go bak na dɔti, as na de i bin kɔmɔt.

Job 20:11

I go yɔŋ ɛn traŋa so, bɔt i go day go nain grev wit ɔl in trɛnk.

Di Nɔmba Dɛm 27:16

“Duya mek PAPA GƆD we sabi aw ɔlman tan pik sɔmbɔdi fɔ bi bɔs fɔ dɛn pipul ya,

Di Ibru Pipul Dɛn 12:23

Una de wit Gɔd in pikin dɛn we dɔn gɛda na ɛvin. Gɔd bin dɔn rayt dɛn nem na di buk we de na ɛvin. Una dɔn kam bifo Gɔd we de jɔj ɔlman. Una dɔn de wit dɛn pipul we tret na Gɔd yay, dɛn wan we Gɔd dɔn mek dɛn layf bi wetin i fɔ bi.

Di Ibru Pipul Dɛn 12:9

Wɛn wi papa dɛn na dis wɔl pɔnish wi fɔ di bad we wi du, wi kin rɛspɛkt dɛn. So i go bɛtɛ fawe if wi put wisɛf ɔnda wi Papa we de na ɛvin, so dat wi go gɛt tru layf.

Jɛrimaya 38:16

Nain kiŋ Zɛdikaya swɛ sikrit wan to Jɛrimaya se, “Wans PAPA GƆD we mek wi sol dɛn, de, a nɔ go kil yu ɔ an yu oba to dɛn man ya we wan kil yu.”

Jɛnɛsis 18:27

Ebraam tɔk igen se: “PAPA GƆD, duya fɔgiv mi fɔ we a de tɔk. Yu no se mi na ɔdinari mɔtalman.

Job 7:21

Yu fɔ mek lɛk se a nɔ sin ɛn fɔgiv mi sin. A go day jisnɔ; yu go de fɛn mi, bɔt da tɛm de, a go de insay mi grev.

Lyuk 23:46

Jizɔs ala se, “Papa, na day a de day so, tek mi spirit!” As i tɔk dɔn so, nain i day.

Apɔsul Dɛn Wok 7:59

Wɛn dɛn bin de ston am, Stivin pre se, “Masta Jizɔs, tek mi layf!”

Di Sam Dɛm 103:14

I no aw i mek wi; i nɔ de fɔgɛt se na dɔti i tek mek wi.

Di Sam Dɛm 104:29

Wɛn yu lɛf dɛn to dɛnsɛf, dɛn kin fred. If yu se yu nɔ de gi dɛn bloblo, dɛn go day ɛn go bak na di dɔti we yu tek mek dɛn.

Di Sam Dɛm 31:6

Yu nɔ lɛk pɔsin we de put in at pan wetin nɔ min natin, bɔt mi go trɔs PAPA GƆD.