Ɛkliziastis 12:11 - Krio Fɔs Oli Baybul

¹¹ Wetin sɛnsman de se tan lɛk we yu fos pɔsin fɔ du sɔntin, ɛn ɔl wetin wan shɛpad dɔn se we dɛn put wan ples, tan lɛk nel we dɛn nak go insay prɔpa wan.

Ɛkliziastis 12:11 Referans Kwoze

Di Ibru Pipul Dɛn 4:12

Wi no se Gɔd in wɔd gɛt layf ɛn i gɛt pawa. In wɔd shap pas sɔd we gɛt tu ɛj. I de go insay insay pɔsin sote i rich di say we in at ɛn in spirit dɛn mit togɛda, lɛkɛ aw sɔd de kɔt bon midul. Na so Gɔd in wɔd dɛn de go insay insay pɔsin in at ɛn sho ɔl wetin lib de.

Apɔsul Dɛn Wok 2:37

Wɛn di pipul dɛn yɛri ɔl wetin Pita tɔk, dɛn at kɔt; dɛn aks Pita ɛn di ɔda apɔsul dɛn se, “Wi brɔda dɛn, wetin wi fɔ du?”

Izikɛl 34:23

Ɛn a go put wan shɛpad, mi savant Devid, oba dɛm: ɛn i go fid dɛm; i go fid dɛm ɛn bi dɛn shɛpad.

Jɛrimaya 23:29

PAPA GƆD se, mi wɔd nɔto lɛkɛ faya, ɛn lɛkɛ ama we de brok rɔk pis pis?

2 Kɔrint 10:4

Di tin dɛn we wi de tek fɛt nɔ kɔmɔt na dis wɔl, dɛn kɔmɔt to Gɔd, we gɛt pawa; na dɛn wi de tek rut dɛn tin we tinap traŋa. Wi de yus dɛn fɔ sho se dɛn agyu we pipul de agyu bɔt Gɔd na nɔnsɛns;

Jɔn 3:10

Jizɔs aks am se, “Yu we na big ticha na Izrɛl, yu nɔ ɔndastand wetin a tɔk?

Ayzaya 40:11

I go fid in ship dɛm lɛk shɛpad, i go gɛda di ship pikin dɛn nain an, I go bɔn dɛm nain buzɔm, ɛn i go tek tɛm lid di kombra dɛn.

Prɔvabs 22:17

Opin yu yes ɛn lisin fayn to gud advays, tink gud bɔt wetin a de tɔk,

Prɔvabs 1:6

fɔ lɛ i go ɔndastand di parebul dɛn minin.

Jɔn 10:14

Mi na di gud shɛpad. Aw mi Papa no mi, ɛn misɛf no mi Papa, na semwe so a no mi ship dɛn ɛn mi ship dɛnsɛf no mi, ɛn a rɛdi fɔ day fɔ dɛn.

Matyu 3:7

Jɔn si se plɛnti Faresi ɛn Sadyusi dɛn bin de kam to am fɔ mek i baptayz dɛn, so i bigin tɔk pan dɛn. I se, “Una dɛn snek ya, una min se we dɛn baptayz una dat go mek Gɔd nɔ pɔnish una fɔ di sin we una dɔn sin?

Ayzaya 22:23

A go fasin am lɛk pɛg na ples we wan ambɔgin nɔ go de, ɛn i go bi di tron we gɛt rɛspɛkt, nain papa in os.

Di Sam Dɛm 80:1

Yu we dɔn de mɛn Izrɛl, lɛk aw yu de mɛn ship, yɛri wi, na yu dɔn de lid wi we na Josɛf in jɛnareshɔn lɛkɛ ship; yu na di wan we sidɔm midul di chɛryubim dɛn de rul as Kiŋ,

Di Sam Dɛm 23:1

Mi PAPA GƆD na lɛkɛ man we de mɛn ship natin nɔ de we a nid, we a nɔ go gɛt.

Pita In Fɔs Lɛta 5:4

If una du so, wɛn dɛn shɛpad dɛn edman we na Krays, kam, una go gɛt wɔndaful krawn we nɔ de pwɛl ɛn we de shayn ɔltɛm.

Di Ibru Pipul Dɛn 13:20

Gɔd we de gi mɔtalman kol at, dɔn mek wi Masta Jizɔs rayz frɔm di grev wit layf ɛn mek i bi di shɛpad we pas ɔl fɔ de wach wi we nain pipul dɛn. Na Jizɔs in blɔd dɔn mek di agrimɛnt, we Gɔd mek wit wi, go de sote go.

Ɛzra 9:8

Fɔ dis shɔt tɛm nɔmɔ PAPA GƆD, yu dɔn sho wi se yu gud we yu mek sɔm pan wi kɔmɔt pan da slev layf de kam na ya na dis oli ples usay wan kɔt at nɔ de. Yu dɔn mek wi stat wi layf bak igen

Jɛnɛsis 49:24

Bɔt in yon bo tinap stɛdi wan. I tan lɛkɛ se in yon an dɛn traŋa pasmak, bikɔs na Jekɔb in GƆD, di GƆD Ɔlmayti de gi am di trɛnk we na lɛkɛ di man we de mɛn ship ɛn nain de kɔba Izrɛl.

Ɛkliziastis 7:5

I bɛtɛ fɔ mek pɔsin lisin wɛn man we gɛt sɛns de tɔk pan am pas fɔ yɛri we fulman de siŋ.

Ɛkliziastis 10:12

Sɛnsman kin bɛnifit fɔ tin we i tɔk bɔt na trɔbul nɔmɔ fulman kin gɛt.

Prɔvabs 10:21

Wɛn gud pɔsin de tɔk, plɛnti pipul de bɛnifit, bɔt fulman de day bifo in tɛm, fɔ in ful.