Ɛkliziastis 12:10 - Krio Fɔs Oli Baybul

¹⁰ Di pricha tray fɔ fɛn di rayt wɔd fɔ yuz ɛn rayt di tru, plen plen wan.

Ɛkliziastis 12:10 Referans Kwoze

Lɛta Fɔ Kɔlɔse 1:5

Di fɔs tɛm we dɛn tɛl una di Gud Nyuz we na tru, una no se Gɔd kip gud tin fɔ una na ɛvin; ɛn we una de wet fɔ da gud tin de we una no fɔ shɔ se una go gɛt, dat mek una biliv pan Krays mɔ ɛn lɛk Gɔd in pipul dɛn.

Fɔs Lɛta To Timoti 1:15

Na tru wɔd dis ɛn na wɔd we ɔlman fɔ biliv we dɛn se Jizɔs Krays kam na di wɔl fɔ sev dɛn pipul we de pan sin, ɛn na mi na di wan we dɔn sin pas ɔlman.

Prɔvabs 15:26

PAPA GƆD et di bad we bad pɔsin kin de mekɔp, bɔt i de gladi fɔ gud tɔk.

Ɛkliziastis 1:1

Na di tin dɛn dis we di Pricha, dat na Devid in bɔypikin we na kiŋ na Jerusɛlɛm se.

Jɔn 3:11

A de tɛl yu se, na wetin wi no, wi de tɛl una bɔt, na wetin wi dɔn si, wi de tɛl una bɔt, bɔt pan ɔl dat, una nɔn nɔ gri biliv wetin wi de tɛl una.

Prɔvabs 15:23

Udat shap fɔ gi kwik ansa de gladi, ɛn i kin gladi mɔ wɛn i gi di kɔrɛkt ansa.

Ɛkliziastis 1:12

Mi we na di Pricha, we na bin kiŋ fɔ Izrɛl na Jerusɛlɛm,

Prɔvabs 10:32

Wɛn pɔsin we de waka tret na PAPA GƆD in yay de tɔk na wetin pipul wan yɛri, bɔt as fɔ bad pɔsin, na lay nɔmɔ in de lay.