Ɛkliziastis 11:9 - Krio Fɔs Oli Baybul

⁹ Ɛnjɔy yusɛf, yɔŋman, we yu yɔŋ, ɛn lɛ yu at mek yu gladi we yu yɔŋ. Du wetin yu at tɛl yu ɛn tek wetin yu si we yu lɛk, bɔt no se fɔ ɔl dɛn tin dɛn de, PAPA GƆD go jɔj yu.

Ɛkliziastis 11:9 Referans Kwoze

Ɛkliziastis 12:14

PAPA GƆD go jɔj ɔltin we pipul du, we insay de yu gɛt di sikrit tin dɛn we pipul ayd du; di gud wan dɛn ɛn di bad wan dɛn.

Ɛkliziastis 12:1

Mɛmba PAPA GƆD we mek yu, naw we yu yɔŋ, bifo di tɛm kam we di trɔbul na layf go mit yu, ɛn di tɛm kam we yu go se, “dɛn nɔ min natin to mi;”

Lamɛnteshɔn 3:27

I gud lɛ pɔsin ebul bia tin dɛn we kin mit am we i yɔŋ.

Ɛkliziastis 3:17

A tɛl misɛf se PAPA GƆD go jɔj di raychɔs man ɛn di wikɛd man di tɛm we i dɔn pik fɔ ɔltin.

2 Kɔrint 5:10

Wi ɔl gɛt fɔ tinap bifo Krays fɔ mek i jɔj wi. Ɔlman go gɛt wetin i wok fɔ wɛn i bin de na dis layf, if na gud i wok fɔ, i go gɛt gud; if na bad igen, i go gɛt bad.

Di Ibru Pipul Dɛn 9:27

Na wan tɛm ɔlman gɛt fɔ day, ɛn afta dɛn dɔn day Gɔd go jɔj dɛn fɔ ɔl wetin dɛn bin du.

Job 31:7

If a de waka bad wit PAPA GƆD, ɛn if na dis wɔl yon jɛntri a de fala, ɛn if mi an nɔ klin,

Lɛta Fɔ Rom 14:10

So wetindu sɔm pan una de jɔj una kɔmpin Kristiɛn, ɛn sɔm ɔda wan dɛn de fil se dɛn bɛtɛ pas dɛn kɔmpin Kristiɛn? Wi ɔl gɛt fɔ tinap bifo Gɔd we go jɔj wi.

Matyu 5:28

Bɔt mi de tɛl una se: ɛni man we luk uman, we nɔto in wɛf, sote i want am fɔ insɛf, da man de dɔn tek ɔda man wɛf nain at.

Ɛkliziastis 2:10

Ɛnitin we a si ɛn want, a go mɔs gɛt am; a bin miks pan ɔlkayn ladida, a bin de ɛnjɔy ɔl wetin a de du, ɛn da ɛnjɔymɛnt de nain na bin mi yon bɛnifit.

Jɛnɛsis 6:2

sɔm pan PAPA GƆD in pikin dɛn dɛn bin si se dɛn gyal pikin ya so fayn, so dɛn fɔl fɔ dɛn ɛn bigin maredd dɛn.

Jɛnɛsis 3:6

Di uman si aw di tik bin fayn, ɛn aw di frut dɛn gud fɔ it. I tink to insɛf se, “I go fayn fɔ gɛt sɛns o.” So i tek di frut ɛn it am. Dɔn i go gi in man sɔm, ɛn insɛf it am.

Di Nɔmba Dɛm 15:30

“Ɛnibɔdi we sin wɛda na fɔrina ɔ na bɔn Izrɛlayt, dɔn fityay PAPA GƆD ɛn so fɔ drɛb di pɔsin.

Pita In Sɛkɛn Lɛta 3:7

Bɔt Gɔd in wɔd we bin mek ɔl di wɔl we de naw, kip am fɔ mek i bɔn na faya di de we Gɔd go jɔj dɛn pipul we kin de du dɛn tin we i nɔ lɛk ɛn mek dɛn go na ɛl.

Jɛrimaya 23:17

Dɛn de tɛl dɛn wan dɛm we nɔ biliv PAPA GƆD in wɔd ɔltɛm se, “Ɔltin go fayn fɔ yu’; ɛn kin tɛl dɛn wan dɛn we nɔ de gri du wetin PAPA GƆD se, bɔt de fala dɛn yon at, se, ‘Nɔn bad tin nɔ go mit una.’”

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

Di Sam Dɛm 81:12

So misɛf mek dɛn traŋayes fɔ du wetin dɛn want fɔ du.

Ditarɔnɔmi 29:19

ɔ lɛk pɔsin we, pan ɔl we i no ɔl wetin di Kɔvinant se i fɔ de du, i stil de tɔk nain at se, natin bad nɔ go apin to am, i lɛk we i de traŋayes ɛn de du wetin in want. Mozis tɛl di Izrɛlayt dɛn se, dat go mek di pɔsin we de obe ɛn di wan we traŋayes, sɔfa togɛda.

Di Nɔmba Dɛm 15:39

Dɛn dɛkɔreshɔn ya fɔ de so dat ɛnitɛm we dɛn luk dɛn, dɛn go mɛmba ɔl wetin PAPA GƆD se ɛn obe dɛn. Dat go mek dɛn nɔ jɛs de fala wetin dɛn at tɛl dɛn fɔ du ɛn wetin dɛn yay sɛf si.

Apɔsul Dɛn Wok 24:25

Wɛn Pɔl tɔk bɔt wetin dɛn min wɛn dɛn se pɔsin gud, aw pɔsin fɔ kɔntrol insɛf, ɛn di de we Gɔd go jɔj ɔlman fɔ di gud ɛn bad we dɛn du, Filiks fred; i se, “Pɔl, go fɔs. A go sɛn kɔl yu ɔda tɛm.”

Apɔsul Dɛn Wok 14:16

Fɔs tɛm Gɔd bin de lɛf pipul to dɛnsɛf.

1 Kiŋ 22:15

Wɛn Maykaya rich to di kiŋ, di kiŋ aks am se if lɛ i go fɛt Ramɔt Giliad ɔ lɛ i nɔ go. Maykaya ansa am se lɛ i go, PAPA GƆD go mek i win.

1 Kiŋ 18:27

We santɛm rich, Ilayja bigin provok dɛn se, “Una ala lawd, lawd wan! Bo na gɔd! Sɔntɛm i de mɛditet, sɔntɛm i de slip ɔ i de du sɔntin, ɔ sɔntɛm i dɔn travul sɛf.”

1 Kiŋ 18:12

I se in nɔ no usay PAPA GƆD in Spirit go kɛr am go i lɛf am, bikɔs, if in go tɛl Eab se Ilayja dɔn kam, dɔn Eab nɔ ebul fɛn am, Eab go kil am; ɛn i dɔn de wɔship PAPA GƆD frɔm we in smɔl.

Di Nɔmba Dɛm 22:32

PAPA GƆD in enjɛl aks Belam wetindu i bit in dɔŋki tri tɛm. I se in kam fɔ tap Belam afwe bikɔs i nɔ fɔ go da go de, we i de go.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

Jɔshwa 7:21

I se na we in si wan fayn lapa, fayv pawns wet silva ɛn gold ba we na wan ɛn kwata pawn wet,, pan di tin dɛn we dɛn kapchɔ, nain in at go de, so in tek dɛn. I se in dig grɔn bɛr dɛn insay in tɛnt ɛn na di silva in put bɔtɔm.

Lyuk 12:19

Wɛn a dɔn du dat, a go de tɔk to misɛf se, yu dɔn gɛt plɛnti it ɛn plɛnti ɔda tin na sto ɛn i go te bifo dɛn dɔn, so naw, nɔ wɔri bɔt ɛnitin, jɛs de it, drink ɛn ɛnjɔy yusɛf!’

Ɛkliziastis 6:9

We yu si sɔntin, bɛtɛ pas we yu de swɛla pit fɔ tin we yu nɔ si; ɔl na fɔ natin ɛn i tan lɛk we pɔsin de tray fɔ kech briz.

Ɛkliziastis 7:14

Di de we tin gud fɔ yu na fɔ gladi, bɔt di de we tin nɔ bi lɛk aw yu want am, na fɔ tink bɔt wetin de apin; na PAPA GƆD mek di gud tɛm ɛn nain sem wan mek di tɛm we tin nɔ gud, so dat mɔtalman nɔ go no wetin de apin to am.

Ɛkliziastis 3:12

A no se natin nɔ de we bɛtɛ pas fɔ de gladi ɛn ɛnjɔy yusɛf wans yu gɛt layf;