Ɛkliziastis 11:8 - Krio Fɔs Oli Baybul

⁸ Pipul dɛn we gɛt lɔŋ layf fɔ ɛnjɔy dɛnsɛf ɔltɛm; bɔt lɛ dɛn mɛmba se di bita de dɛn go plɛnti. Ɔl dɛn tɛm dɛn de na fɔ natin.

Ɛkliziastis 11:8 Referans Kwoze

Jɔn 12:35

Jizɔs se, “Di layt go de wit una lili bit mɔ. Una fɔ stil de waka naw we di layt de, so dat daknɛs nɔ go mit una wɛn una de waka, bikɔs pɔsin we de waka na dak nɔ no usay i de go.

Ditarɔnɔmi 32:29

If na pipul dɛn we bin de tink dɛn bin fɔ dɔn no wetin go bi to dɛn if dɛn du wetin dɛn du so.

Joɛl 2:2

na de we ɔltin go dak ɛn luk sɔri, i mek di ples dak bad bad wan Lɛk aw di ples go blak na di mawnten na so di pipul go bɔku ɛn pawaful; i go at fɔ si dɛn kayn, we nɔ bin ɛva bi bifo ɛn i nɔ go ɛva bi igen na ɔl di jɛnareshɔn.

Ɛkliziastis 7:14

Di de we tin gud fɔ yu na fɔ gladi, bɔt di de we tin nɔ bi lɛk aw yu want am, na fɔ tink bɔt wetin de apin; na PAPA GƆD mek di gud tɛm ɛn nain sem wan mek di tɛm we tin nɔ gud, so dat mɔtalman nɔ go no wetin de apin to am.

Jud In Lɛta 1:18

Dɛn bin tɛl una se, “Bifo di wɔl dɔn, sɔm pipul go kam we go de laf una, dɛn go de fala dɛn at fɔ du ɔl wetin dɛn lɛk fɔ du, bɔt we Gɔd nɔ lɛk.”

Jɛrimaya 13:16

Una glɔrifay PAPA GƆD we na una Gɔd bifo di ples dak, bifo una bɔk una fut, na dɛn mawnten dɛn na nɛt, ɛn wɛn yu de luk se layt de kam i mek di ples dak lilibit, ɛn mek i dak bad bad wan.

Ɛkliziastis 8:15

Na dat mek a se pɔsin fɔ ɛnjɔy insɛf, bikɔs natin nɔ de na dis wɔl we bɛtɛ fɔ mɔtalman pas fɔ it ɛn fɔ drink ɛn fɔ ɛnjɔy insɛf. Na so dɛn go de yagba na layf te di tɛm dɔn we PAPA GƆD gi dɛn na dis wɔl.

Ɛkliziastis 8:12

Ɔl we sina dɛn de du bad tin ɔndrɛd tɛm ɛn dɛn layf kin stil lɔŋ, mi no se ɔltin go go fayn fɔ di wan dɛn we de fred PAPA GƆD, bikɔs dɛn rɛspɛkt am,

Ɛkliziastis 6:11

Di mɔ pɔsin de tɔk tɔk, na di mɔ yu de si se layf na fɔ natin; aw naw yu go se wan pɔsin bɛtɛ pas in kɔmpin.

Matyu 22:13

Di kiŋ tɛl in bɔy dɛn se, ‘Una tay dis man in an ɛn fut, ɛn trowe am na da dak ples we i go kray bita wan ɛn bɛt in tɔŋ!’”

Ɛkliziastis 6:6

I lɛk i de na wɔl fɔ tu tawzin ia ɛn nɔ ɛnjɔy natin, nɔto di sem ples dɛn ɔltu de go?

Ɛkliziastis 4:16

We i bi kiŋ, i go gɛt fɔ rul ɔlman ɛn di wan dɛn we go bi kiŋ afta am nɔ go gladi wit wetin i du. Dis insɛf na fɔ natin ɛn i tan lɛk we pɔsin de tray fɔ kech briz.

Ɛkliziastis 4:8

Pɔsin we nɔ gɛt nɔbɔdi; we nɔ gɛt pikin ɔ ivin brɔda, bɔt de wok traŋa traŋa wan ɛn nɔ de satisfay wit wetin dɛn gɛt, nɔ de ɛva sidɔm ɛn aks insɛf se udat dɛn de wok ɔl da wok de fɔ, ɛn nɔ de ebul ɛnjɔy in layf. Dis sɛf na natin ɛn nɔ de mek pɔsin gladi.

Ɛkliziastis 2:26

Udat de wok fɔ pliz PAPA GƆD, PAPA GƆD de gi am mɔ sɛns ɛn mek i gladi; bɔt fɔ sina, PAPA GƆD de mek i wok ɛn kip bɔku tinks ɛn mɔni so dat i go ɛp di wan we de pliz PAPA GƆD. Dis insɛf na fɔ natin, ɛn i tan lɛk we pɔsin de tray fɔ kech briz.

Ɛkliziastis 2:19

ɛn yu no if i go bi sɛnsman ɔ fulman! Pan ɔl dat, i go kam bi masta fɔ ɔl wetin a dɔn swɛt ɛn yuz mi sɛns fɔ gɛt na dis wɔl. Ɔl na fɔ natin.

Ɛkliziastis 2:17

So a gens wit layf, bikɔs man jɛs de yagba fɔ natin. Ɔl na fɔ natin. I tan lɛk we pɔsin de tray fɔ kech briz.

Ɛkliziastis 2:15

A tɛl misɛf se, wetin de bi to di fulman go bi to misɛf, so wetin mek a gɛt ɔl dis sɛns? So a tɛl misɛf se dat sɛf na fɔ natin.

Job 18:18

Dɛn gɛda am kɔmɔt na layt ɛn ib am na dak ɛn drɛb am kɔmɔt na dis wɔl.

Job 15:23

I de waka ɔp ɛn dɔŋ de fɛn it, ɛn de aks se lɛ dɛn gi am. I no se in layf nɔ lɔŋ igen;

Job 14:10

Bɔt mɔtalman de day ɛn dɛn mɔs bɛr am; we yu si mɔtalman blo in las blo, usay yu go si am igen?

Job 10:22

di land we nɔ gɛt ɔda, usay layt nɔ de, na dak di ples dak nɔmɔ.

Ɛkliziastis 9:7

So, ɛnjɔy yu it, ɛn drink yu wayn wit gladi; bikɔs PAPA GƆD dɔn gri lɔntɛm se na so yu go du.

Ɛkliziastis 11:2

Put yu mɔni sɛvin ɔ et say, bikɔs yu nɔ no wetin go apin na wɔl bambay.

Job 10:21

bifo a go na di land we na soso daknɛs ful de ɛn nɔ kam bak,

Job 14:12

na so mɔtalman de day ɛn nɔ grap igen; te dis wɔl dɔn, i nɔ go wek, ɔ nɔbɔdi nɔ go ebul wek am.

Di Sam Dɛm 49:20

Mɔtalman we jɛntri, ɛn abop pan in jɛntri, go day lɛkɛ bif we de day na bush.