Ɛkliziastis 11:5 - Krio Fɔs Oli Baybul

⁵ Jɛs lɛk aw yu nɔ no aw pikin de gɛt layf insay in mama bɛlɛ, na so yu nɔ no aw PAPA GƆD, we mek ɔltin, de wok.

Ɛkliziastis 11:5 Referans Kwoze

Jɔn 3:8

Briz de blo ɛni say we i lɛk; yu de yɛri di sawnd we i de mek, bɔt yu nɔ no usay i kɔmɔt, yu nɔ no usay i de go. Na di sem tin de bi wɛn Gɔd in Spirit gi pɔsin nyu layf.”

Di Sam Dɛm 92:5

PAPA GƆD, yu wok big! I at fɔ mek pɔsin ɔndastand aw yu de tink!

Ɛkliziastis 8:17

na da tɛm de a ebul fɔ si ɔl wetin PAPA GƆD de du, we nɔbɔdi na dis wɔl nɔ go ebul ɔndastand. I lɛk aw dɛn tray fɔ fɛnɔt te, dɛn nɔ go ebul. Ɔl we dɛn sɛnsman dɛn de se dɛn gɛt sɛns, dɛn nɔ go ɛva ebul fɛnɔt PAPA GƆD in wok.

Lɛta Fɔ Rom 11:33

Gɔd de sho se in sɔri bad fɔ ɔlman! Gɔd gɛt bɔku bɔku sɛns we nɔn mɔtalman nɔ gɛt ɛn i sabi ɔltin! Udat ebul ɛksplen wetindu Gɔd mekɔp fɔ du dɛn tin we i de du, ɔ ɔndastand wetin i de du?

Ayzaya 40:28

Yu nɔ no yet? Yu nɔ dɔn yɛri? PAPA GƆD na di Gɔd we de sote go, na im mek di wanol wɔl. I nɔ de wik, i nɔ de taya pɔsin nɔ de ebul fɛnɔt fɔ no aw I de tink.

Di Sam Dɛm 104:24

PAPA GƆD, yu de du bɔku tin! Bikɔs yu gɛt sɛns yu mek ɔltin ɔl wetin de na wɔl, na yu mek am.

Ɛkliziastis 7:24

We sɔntin de we pas yu, i pas yu. Pɔsin nɔ go no natin bɔt am.

Di Sam Dɛm 40:5

PAPA GƆD, yu wɔndaful, nɔbɔdi nɔ ebul fɔ kɔnt wetin yu dɔn du. Infakt sɛf, di plan we yu gɛt fɔ wi, nɔbɔdi nɔ go ebul tɔk bɔt dɛn so bɔku dat if a bin wan bin kɔnt a nɔ go ebul bikɔs dɛn tu bɔku fɔ kɔnt.

Job 38:4

“Usay yu bin de we a bin mek di fawndeshɔn fɔ di wɔl? Tɛl mi, if yu na pɔsin we lan.

Job 37:23

PAPA GƆD so gɛt pawa dat mɔtalman nɔ go ebul go nia am; i de waka tret ɛn nɔ de mɔna pipul,

Job 5:9

we kin du big tin dɛn we pɔsin nɔ ɔndastand, wɔndaful tin dɛn we pɔsin nɔ ebul kɔnt;

Ɛkliziastis 1:6

Briz de blo go na di Sawt, dɔn i kin blo go rawnd to di Nɔth; di briz de go rawnd ɛn rawnd ɛn tɔn bak kam na di sem rod we i bin pas go.

Ɛkliziastis 1:13

bin tɛl misɛf se, a wan fɔ lan ɛn lan gud bɔt ɔl wetin de na wɔl; na wok we nɔ swit Papa PAPA GƆD dɔn put na mɔtalman ed so we de mek dɛn bizi.

Ɛkliziastis 3:10

A dɔn si wetin PAPA GƆD gi mɔtalman fɔ du we go kip am bizi.

Ɛkliziastis 3:11

I mek ɔltin fayn fɔ bi di tɛm we i fɔ bi, dɔn i mek mɔtalman de wɔndrin bɔt wetin gɛt fɔ apin nɛks wɔl, bɔt pan ɔl dat, wi nɔ ebul ɔndastand PAPA GƆD in wok.

Ɛkliziastis 11:4

Ɛnibɔdi we na aw di briz de blo i de luk, nɔ go plant; if na di klawd nɔmɔ i de luk, i nɔ go pik wetin i plant.