Ɛkliziastis 11:2 - Krio Fɔs Oli Baybul

² Put yu mɔni sɛvin ɔ et say, bikɔs yu nɔ no wetin go apin na wɔl bambay.

Ɛkliziastis 11:2 Referans Kwoze

Prɔvabs 6:16

Siks tin dɛn de we PAPA GƆD nɔ lɛk, infakt na sɛvin sɛf we i et bad, bad wan: Pɔsin we fil tu gud bɔt insɛf, pɔsin we lɛk fɔ lay, pɔsin we de kil fɔ natin, dɛn at we de plan bad tin, fut we de magomago fɔ du bad, witnɛs we de lay ɔlkayn lay ɛn koŋosa, ɛn we de briŋ plaba bitwin padi dɛn.

Di Sam Dɛm 112:9

I bin dɔn sheb sheb ɔl wetin i gɛt, gi poman. Da gud at de go de wit am te go; dɔn PAPA GƆD go gi am mɔ pawa ɛn fem.

Job 5:19

I go pul yu pan siks trɔbul, ivin pan di wan we mek sɛvin, i go pul yu de bak.

Daniɛl 4:27

Ɛn so, duya kiŋ, nɔ vɛks fɔ di advays we a de kam gi yu; lɛf fɔ sin ɛn waka tret wit PAPA GƆD, ɛn tap di wikɛd tin dɛn we yu de du bay aw yu de sɔri fɔ di wan dɛn we dɛn de du bad, bay dat, sɔntɛnde, yu go ɛnjɔy mɔ lɔŋ layf wit kol at.”

Di Ibru Pipul Dɛn 13:3

Una mɛmba dɛn pipul we de na jel, lɛkɛ se unasɛf de na jel wit dɛn; ɛn una mɛmba dɛn pipul we de sɔfa, ɛn una put unasɛf na dɛn ples.

Lɛta Fɔ Ɛfisɔs 5:16

Ɛni chans we una gɛt fɔ du gud, una du ɔl wetin una ebul du, bikɔs dis tɛm ya na bad tɛm.

Lɛta Fɔ Galeshya 6:1

Mi Kristiɛn pipul dɛn, if una no se sɔmbɔdi de du ɛni bad tin, una we de du wetin Gɔd in Spirit tɛl una, fɔ go ɛp di pɔsin mek i go du di rayt tin. Bɔt una nɔ fɔ tɔk traŋa wan pan am, ɛn una fɔ tek tɛm mek unasɛf nɔ go want fɔ du tin we nɔ rayt.

Lyuk 17:4

If i du yu bad sɛvin tɛm wande, ɛn i kam mit yu se, ‘A beg, a sɔri fɔ wetin a du,’ ɛnitɛm we i du yu bad, yu fɔ padin am.”

Matyu 18:22

Jizɔs se, “Nɔ, o, nɔto sɛvin tɛm nɔmɔ, yu fɔ padin am pas sɛvinti-sɛvin tɛm sɛf.

Matyu 5:42

If pɔsin beg yu sɔntin, yu fɔ gi am, ɛn if pɔsin kam trɔs to yu, yu fɔ trɔs am.

Mayka 5:5

I go mek ɔlman gɛt kolat. Da tɛm de wɛn di Asirian dɛn go atak dɛn, dɛn go sɛn ɔl dɛn bigman dɛn fɔ go fɛt dɛn.

Ɛsta 9:22

bikɔs dat na di de dɛn we di Ju dɛn ɛnimi dɛn blo biɛn dɛm ɛn as mɔnt we tin chenj frɔm sɔri to gladi fɔ dɛn ɛn frɔm tɛm we dɛn go kray to ɔlide. I se, dɛn fɔ mek dɛn de dɛn de bi tɛm fɔ gladi ɛn sɛlibret we dɛn go de gi dɛn kɔmpin prɛzɛnt.

Ɛsta 9:19

Na dat mek di Ju dɛn we tap na di smɔl siti dɛn de mek di fotin de na Ada mɔnt ɔlide we dɛn fɔ gladi ɛn sɛlibret. Da de de, dɛn fɔ sɛn fayn prɛzɛnt fɔ dɛn kɔmpin.

Nɛimaya 8:10

Nɛimaya tɛl dɛn fɔ go om ɛn it fayn tin. I se dɛn fɔ ɛnjɔy spɛshal it ɛn swit drink. I se fɔ sɛn sɔm pan di it go gi ɔda pɔsin we nɔ gɛt natin. I tɛl dɛn se da de de na de we dɛn nɔ fɔ sɔri. Na de we oli to PAPA GƆD ɛn na PAPA GƆD de mek dɛn gladi ɛn gi dɛn trɛnk.

Prɔvabs 19:17

If yu ɛp poman, i tan lɛkɛ we yu de trɔs PAPA GƆD sɔntin; ɛn i go pe yu bak.

Ɛkliziastis 11:3

We di klawd dak, ren kin kam. Ɛnisay we tik fɔdɔm, na de i de lidɔm.

Ɛkliziastis 11:8

Pipul dɛn we gɛt lɔŋ layf fɔ ɛnjɔy dɛnsɛf ɔltɛm; bɔt lɛ dɛn mɛmba se di bita de dɛn go plɛnti. Ɔl dɛn tɛm dɛn de na fɔ natin.

Ɛkliziastis 12:1

Mɛmba PAPA GƆD we mek yu, naw we yu yɔŋ, bifo di tɛm kam we di trɔbul na layf go mit yu, ɛn di tɛm kam we yu go se, “dɛn nɔ min natin to mi;”

1 Samiɛl 25:8

I se dɛn fɔ tɛl am fɔ lɛ i aks in yon man dɛn ɛn dɛn go tɛl am. I se fɔ beg am mek i mɛmba in man dɛn ɛn du gud to dɛn sins dɛn go de di tɛm we dɛn de gladi-gladi. Devid se dɛn fɔ aks am fɔ luk fɔ wetin i go fɛn fɔ in man dɛn ɛn fɔ insɛf.