Ɛkliziastis 11:10 - Krio Fɔs Oli Baybul

¹⁰ Pul vɛksteshɔn kɔmɔt na yu at ɔltogɛda, lɛ yu nɔ go gɛt pen; bikɔs we pɔsin yɔŋ ɛn we i jɛs bigin layf, na fɔ natin.

Ɛkliziastis 11:10 Referans Kwoze

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

Sɛkɛn Lɛta To Timoti 2:22

Nɔ du dɛn tin we dɛn yɔŋ pipul dɛn at kin gi dɛn fɔ du we dɛn nɔba ebul kɔntrol; tray fɔ de du wetin rayt na Gɔd yay, tray fɔ abop pan Gɔd, fɔ lɛk ɔlman ɛn fɔ mek kol at de; yu fɔ tray fɔ de du ɔl dɛn tin ya wit ɔl dɛn pipul we gɛt klin at ɛn we de pre mek di Masta ɛp dɛn.

Ɛkliziastis 12:1

Mɛmba PAPA GƆD we mek yu, naw we yu yɔŋ, bifo di tɛm kam we di trɔbul na layf go mit yu, ɛn di tɛm kam we yu go se, “dɛn nɔ min natin to mi;”

Ɛkliziastis 1:14

A dɔn si ɔl wetin de bi na wɔl, bɔt usay, ɔltin na fɔ natin ɛn na lɛk fɔ rɔnata briz.

Ɛkliziastis 1:2

Di Pricha se di natin we pas ɔl natin na wɔl! Di natin we pas ɔl natin na wɔl! Ɔl na fufafu.

Di Sam Dɛm 39:5

“Mi layf so shɔt, i nɔ tan lɛk i gɛt minin igen; mɔtalman jɛs tan lɛk briz to yu.

Job 20:11

I go yɔŋ ɛn traŋa so, bɔt i go day go nain grev wit ɔl in trɛnk.

Job 13:26

Di bad tin dɛn we yu tɔk se a du, mɔna mi; yu ivin tɔk bɔt di bad tin dɛn we a bin du we mi na bin yɔŋbɔy.

Di Sam Dɛm 25:7

Fɔgiv mi sin dɛn we a kɔmit as yɔŋbɔy ɛn aw a bin de mek lɛk rebɛl pan yu, bikɔs yu lɛk mi ɛn yu gud, mɛmba mi ɛn fɔgiv mi fɔ ɔl mi dɔti trik dɛn.

Prɔvabs 22:15

Pikin dɛn gɛt wan kaynaba abit fɔ de mek traŋayes, bɔt wɛn yu wok dɛn gud, i de mek dɛn soba.

Job 11:12

Fulman go gɛt sɛns wɛn wayl dɔŋki bigin biev lɛk mɔtalman.

Di Sam Dɛm 39:6

Mɔtalman in layf jɛs tan lɛkɛ shado, we san de ɔp, yu de si am, as san go dɔŋ so, i lɔs, ɔl in gbiŋbin na fɔ natin; di jɛntri sɛf we i de gɛda, i nɔ no udat go gɛt am we i day.